رواية عشق مهدور كاملة جميع الفصول

القاهرة

بمنزل فخم

بأحد الاحياء السكنيه الراقية

رفعت جسدها عن الفراش قليلًا تتمطئ وتتثائب وهى تنظر الى آسعد الذى يقف امام المرآه يُهندم ثيابه، تحدثت بتثاؤب:

صباح الخير يا بيبي، هى الساعه كام؟.

رد وهو مازال يُعطى لها ظهره ينظر لها عبر انعكاس المرآه:

صباح الخير يا "شهيرة"

الساعه حوالى تسعه.

تثائبت تتسأل:

إنت خارج، الوقت لسه بدري.

تهكم بحُنق قائلًا:

فعلًا،بالنسبه ليكِ الوقت بدري جدًا كمان،إنتِ يومك بيبدأ من بعد الضهر،بس أنا عندي جلسه مهمه فى مجلس الشعب الساعه حداشر ويادوب أفطر عالسريع وامشى بعدها عشان وقت الجلسه...كملِ إنتِ نومك.

نظرت له للحظه فكرت فعلًا أن تعود للنوم لكن تذكرت رغبتها بشراء أحد محلات الملابس الشهيره والفخمه،ليس لديها مال يكفى لشراؤه،لا مانع من النوم بوقت آخر،نحت غطاء الفراش وجذبت مئزر حريرى مُضاهى للون قميص نومها الشفاف،ونزلت من على الفراش تسير بغنج الى ان أصبحت خلفه مباشرةً،قامت بلف يديها حول خصره وضعت رأسها فوق كتفه بدلال تُجيدهُ تلفح أنفاسها بعُنقه قبل أن تُقبل جانب عُنقهُ قائله برومانسيه:

هاخد شاور عالسريع وأنزل نفطر سوا.

لم يستغرب تلك الرومانسيه،لديه خلقيه سابقه أصبح يعلم خِصالها جيدًا،لابد أن هنالك غرض لديها،لكن لا مانع من الإستمتاع بتلك الرومانسيه التى تُشعرهُ أنه مازال مرغوبً ولم يشيِخ.

تبسم وهو يضع يديه فوق يديها على خصرهُ قائلًا:

تمام بلاش تتأخري فى الشاور عشان جلسة المجلس مُهم أحضرها.

قبلت عُنقه مره أخرى قائله بمغزى:

خساره كان نفسى ناخد الشاور سوا،زى زمان.

تبسم لها قائلًا:

المسا موجود هنا،نبقى ناخد شاور سوا.

غمزت له بعينيها قائله:

هلغي كل مواعيد المسا، نفسى نرجع ليالينا الرومانسيه زى زمان.

تبسم لإنعكاسهم بالمرآه قائلًا:

أنا بقول كفايه عشان الوقت، هستناكِ فى السفره بلاش تتأخري فى الشاور.

ازاحت يديها عن خصره وهو يسير نحو باب الغرفه ألقى لها بسمه وألقت له قُبله عبر كف يدها..

اغلق خلفه باب الغرفه، زفرت نفسها تشعر بحقد من ضُرتها،بل غريمتها بسبب أبنائها الذكور تقول بإصرار:

لازم ابدأ تأمين مستقبلِ، طبعًا ولاد شُكران كبروا ومش بعيد آسعد يميزهم عليا أنا وبناتِ فى الميراث.

بـ غرفة السفره

تبسم آسعد قائلًا:

صباح الخير يا "يارا".

تبسمت يارا ونهضت نحوه تحتضنه قائله:

صباح الخير يا بابي.

ضمها بأبوه قائلًا:

إنتِ مسافره دلوقتى كفر الشيخ.

تنهدت يارا بضجر قائله:

ايوا إمتحانات التيرم الاولانى قربت، وانا لازم أحضر بعض سكاشن العملي عشان أخد الدرجات كامله، مش عارفه ليه يا بابي رفضت إن ادخل اى جامعه خاصه بالاليكترونيات هنا، بدل سفري كفر الشيخ عشان أحضر سكاشن العملي.

تبسم آسعد قائلًا:

مجموعك هو اللى دخلك الجامعه دي، وبعدين إنت أصلًا جذور عيلتك هناك، بلاش كل شويه تقولى ليه،الدراسه فى جامعات الحكومه أفضل من الجامعات الخاصه وكفايه رغى عالصبح خلينى أفطر خلاص وقت جلسة المجلس قرب ميعادها.

تبسمت يارا وهى تعود تجلس خلف السفره،كذالك أسعد،تبسم حين دلفت شهيره الى الغرفه ترتدي زى أنيق وراقى كعادتها دائمًا،أنقاتها أولًا..جلست تتناول الفطور معهم فى جو هادئ،حتى نهضت يارا قائله:

السواق زمانه جهز العربيه،لازم اتحرك عشان ألحق اوصل كفر الشيخ على الضهر،يلا اسيب انا جوز العصافير بلاش ابقى عزول.

نظرت لها شهيره بضيق قائله:

حسني ألفاظك بلاش تبقى بيئه،كل ده بسبب دراستك فى جامعه قريبه من الآرياف،خايفه تنسيكِ الإتيكيت اللى إتربيتى عليه.

تبسمت يارا قائله:

لاء إطمني يا مامي،يلا اشوفك آخر الاسبوع،وإنت يا بابا هترجع كفر الشيخ أمتى؟.

رد أسعد:

انا هفضل هنا فى القاهره تلات ايام عشان جلسات المجلس،يعنى هرجع قبل آخر الاسبوع هنتقابل هناك إن شاء الله.

تبسمت يارا قائله:

تمام يا بابي،هسلملك على آنطي شُكران،سبقت أهو قبل ما تقولى.

تبسم لها وهى تُلقى له قُبله فى الهواء قبل أن تُغادر...بينما شعرت شهيرة بضيق من ذكر "ضُرتها"

لكن تبسمت رغُم ذالك،بينما نهض أسعد قائلًا:

الساعه قربت على عشره لازم أتحرك عشان ميعاد جلسة المجلس.

نهضت شهيرة سريعًا،وقامت بلف يديها حول عُنقه بدلال قائله:

حبيبي كنت عاوزة أتكلم معاك فى موضوع مهم أوي،مش يتآجل.

نظر لساعه عتيقه على الحائط ثم رسم بسمه لها قائلًا:

خلي الموضوع ده للمسا،نتكلم فيه براحتنا وعلى رواقه،دلوقتي لازم أمشى عشان مسافة السكه من هنا لمكان المجلس.

بضجر منها إمتثلت شهيره لرغبته وازاحت يديها عن عُنقه قائله بدلال:

تمام نأجل الموضوع للمسا بس بلاش تتأخر وتقول الوقت خدك ومحستش.

تبسم لها قائلًا:

لاء متخافيش بعد جلسة المجلس عندي كم مشوار كده هيخلصوا قبل المسا هكون هنا فى الڤيلا.

تبسمت بدلال قائله:

تمام وانا هلغي كل مواعيد المسا،عشان إنت واحشني أوي.

تبسم لها وهو يغادر الغرفه،بينما هى كزت على أسنانها بغيظ وضجر.

ـــــــــــــــــــــــــــــ

بأحد المشافي الحكوميه بمدينة كفر الشيخ

كانت سُهيله تُمارس عملها كـ طبيبة أطفال تقوم بالكشف على أحد الأطفال،تبتسم له الى أن إنتهت دلف كشف لطفل آخر،تبسمت له وهى تراه يبكي خوفً من أخذ تلك الإبرة المُعالجه له،وقفت تُمازحه قليلًا الى أن هدأ،وطلب منها هى أن تُعطيه تلك الآبرة...تبسمت له بموافقه،أخذت الإبرة من يد إحدى الممرضات،لكن فجأه إهتزت يديها،شعرت بدوار وزيادة خفقان فى قلبها وسقطت الإبرة من يدها أرضً... نظرت الى تلك الإبره على الأرض مازالن تشعر بزيادة خفقان ومعها إحساس بثُقل يجثم على قلبها،إعتذرت وخرجت من الغرفه وسط تعحب الطفل ووالداته كذالك الممرضه،سارت الى أن جلست بفناء المشفى تحاول التنفس بهدوء تشعر بآلم فى قلبها لا تعلم سبب له ظل هذا لدقائق قبل ان يهدأ خفقان قلبها ويعود للمُعدل الطبيعي،تعجبت من هذا الشعور الذى إنتابها للمره الأولى بحياتها،فكرت فى آصف لا تعلم سبب لهذا،أخرجت هاتفها من جيب مِعطفها الابيض وقامت بفتحه لكن توقفت للحظه تقول بتردُد:

هتصل على آصف دلوقتي بس ممكن يكون عنده جلسه فى المحكمه.

رغم ترددها لكن ليدها كان رأى آخر بالخطأ ضغطت على ذِر الإتصال تنهدت وهى تضع الهاتف على أذنها تنتظر رد آصف لكن إنتهى الإتصال ولم يرُد عليها،زفرت نفسها بعمق تحاول نفض ذاك الإحساس السئ قائله:

أكيد ممكن يكون فى جلسة المحكمه وعامل موبايله صامت،بس معرفش أيه سبب شعور القلق ده اللى سيطر عليا فجأه ،يمكن من الآرهاق،هانت قربنا عالضهر اما أقوم أكمل شُغلِ،وبلاش تفكير كتير،وأخد بكره أجازه أهو أرتاح من إرهاق الشُغل عشان صحتِ.

ـــــــــــــــــــــــ

بـ أسيوط

قبل قليل

نفذ السائق ما أمره به آصف الا يتوقف ويظل يسير بالسياره، لكن

إقترب سائق الدراجه الناريه المجاور لهم وأصبح يحتك بالسياره كذالك أطلق الرصاص على إحدى إطارات السياره، شبه فقد السائق التحكم فى سير السيارة أصبحت تموج بهما كذالك الدراجه الناريه الأخرى التى كانت فى المواجهه أصبحت تقترب من السيارة بسرعه جنونيه مع سُرعة السياره فقد السائق التحكم فى قيادة السياره وهى تدخل الى طريق تُرابي جانبي تتفادى الاصتطدام بتلك الدراجه .

نظر السائق بهلع لـ آصف قائلًا:

مفيش قدمنا حل غير إننا ننط من العربيه يا باشا.

أومأ له آصف قائلًا:

فعلًا مبقاش فى حل تانى، واضح إن المجرمين دول مخططين كويس، والعربيه مش هتتحمل كتير قبل ما تصتدم، يعنى فى كلا الحالتين مفيش هروب من القدر صحيح معايا سلاح بس مش هيفرق كتير، خلينا ننط، بس حاول تهدى سرعة العربيه..

حاول السائق تهدئة سرعة السياره لكن فشل، نظر لـ آصف

قائلًا:

العربيه مش بتستجيب يا باشا ودخلنا على طريق ترابي آخره ترعه،والموتوسيكلين بقوا ورانا.

اومأ له آصف وجذب تلك الحقيبه التى كانت معه وضع الاوراق التى كان يقرأها بها واغلقها جيدًا ، ثم تأكد من وجود ذخيرة بسلاحه وكذالك فتح صمام الآمان قائلًا:

توكلنا على الله.

فتح السائق باب السياره وقام بالقفز منها ثم فعل آصف مثله وهو يحاول تفادي او تقليل عواقب تلك القفزه ربما خلو الطريق كذالك أنه طريق ترابي ساهم فى تقليل الضرر وهو ينجرف بجسده على الطريق بصعوبه حتى إستطاع التحكُم فى جسده رغم ذاك الآلم الذى يشعر به فى جسدهُ بالكامل لكن تمسك بالحقيبه والسلاح معه،نظر خلفه رأى عودة الدراجاتان يقتربان مره أخرى،نظر حوله لا يوجد شئ يحتمى به لكن هنالك جدار منزل مُتهدم ذهب نحوه يحتمى فيه لكن رأى أحد سائقي الدراجتان يصوب سلاحُه على السائق وقام بإطلاق الرصاص عليه،أغمض آصف عينيه يشعر بآسف عليه،ثم إقتربا المُجرمان بالدرجتان من ذالك الجدار،ترجل أحدهما وإقترب من الجدار يقوم بإطلاق الرصاص،

لكن تفاجئ المجرم الذى ظل على دراجته،بإطلاق آصف للرصاص هو الآخر،إرتبك وترجل من الدراجه وشارك زميله إطلاق الرصاص حتى تبسم بتهكم حين علما أن آصف أصبح سلاحه خالي من الرصاص واصبح الظفر به سهلًا،ذهب أحدهم الى خلف الجدار وأشهر سلاحه ناحية آصف،يقول بحِده:

كان لازمن تتنحى عن الجضيه من الاول يا سيادة المستشار،إنت إهنه غريب عنينا ومهتعرفش إن اللى بيلجأ للمحاكم حدانا هما الحريم،وأخوي مستحيل يتحكم عليه بالإعدام حتى لو جتلت سيوط "أسيوط"كلياتها.

تهكم آصف وتبسم بسخريه قائلًا:

ولما المحاكم للحريم،ليه مدارى وشك بالخوذه زى الحريم لما بتخفى وشها بالطرحه، وأنا عرفت إنت مين، بس حتى لو قتلتني،هيجي قاضى تانى مكانى ويقرر نفس الحُكم على أخوك،الإرهابى اللى فكر أنه فوق القانون،بلاش رغي كتير إنجز عاوز تقتلني أنا قدامك أهو أعزل بدون سلاح،بس الأفضل ليك إنك تقتلنى لآنى لو عشت صدقني قبل ما أحكم بإعدام أخوك هعلق رقابتك قبل منه عالمشنقه.

إغتاظ المُجرم من جسارة آصف وخلع تلك الخوذه عن رأسه وأظهر وجهه قائلًا:

عاوزنى أجتلك إكده بالساهل لازمن تكون عِبره لغيرك،عشان قبل ما يفكر يحكم بالإعدام على أخوي يعرف إنى له بالمرصاد.

تهكم آصف بسخريه وإستبياع

أغاظ ذلك المجرم لكن شعر كآن نصل ساخن يخترق عضد إحدي يديه،رفع يده الاخرى وضعها مكان ذلك الآلم،تهكم المجرم،وشعر بزهو وهو يقترب من آصف بخطوات رتيبه، كآنه يتسلى، والآخر يقوم بتصوير ما يحدث على كاميرا هاتفه قائلًا:

بص للكاميرا، عشان تظهر ملامحك فى البث المُباشر، لاه وجههك جميل تنفع نجم سينمائي بس يا خسارة عُمرك جصير.

رغم شعور آصف بالآلم لكن نظر له بجسارة قائلًا:

عُمري مش بإيدك، وبلاش رغى كتير، اللى بيرغى كتير بيبقى قليل الأفعال.

مازال ردود آصف تغيظ المجرم، وكاد يطلق رصاصه أخرى،لكن سمع صوت سرينة الشرطه تقترب من المكان،إرتبك الذى كان يقوم بالتصوير والبث عبر الهاتف وسقط منه الهاتف إنحنى يجذبه، كان آصف أسرع منه وإنحنى هو الآخر جذب جسده وأخذه درع واقى من رصاصات الآخر الذى لم يهتم بقتل زميله بل أراد الفرار قبل أن تصل الشرطه،لكن آصف ألقى جسد ذلك الوغد وجذب الآخر وقام بلكم يده الممسكه بالسلاح حتى وقع منه أرضًا تبادل العِراك معه بضراوة حتى أرداه أرضًا،لكن كان وغدًا وجذب السلاح ووجهه ناحية آصف الذى ينحنى بجذعه يلهث لكن أخطا مكان الرصاصه بسبب دخول أحد رجال الشرطه وقام بقنصه فى رأسه،لكن كانت الرصاصه إنطلقت وإخترقت كتف آصف،وكاد جسدهُ ينهار،لولا أن اسنده أحد رجال الشرطه.

ـــــــــــــــــــ

أثناء خروج آسعد من قاعة المداولات بمجلس الشعب وقف مع زميل له عضو فى البرلمان يتنقاشان حول أحد الشئون الخاصه، لكن إقترب منه عضو آخر يحمل هاتفه وقال له:

آسعد إنت مش ليك إبن بيشتغل فى القضاء؟.

شعر أسعد بزهو وقال بفخر:

أيوه،آصف إبنى رغم صِغر سِنه بس قاضى ومنتدب فى أسيوط.

تحدث الآخر وهو يُعطى له الهاتف قائلًا:

هو ده إبنك.

نظر أسعد الى الهاتف ورأى الفيديو،إنخض وإرتجف قلبه وأخذ الهاتف من يده يُدقق فيه ثم قال له:

مستحيل يكون المجرمين دول قتلوه.

تحدث الآخر قائلًا:

الفيديو كان مُذاع على موقع كبير عالنت وإنقطع البث.

إرتجف قلب أسعد وهرول يخرج من المكان يقوم بالإتصال على هاتف آصف لكن لا رد

قام بإتصال آخر قائلًا بآمر:

دبرلى طيارة خاصه توديني أسيوط دلوقتي.

ـــــــــــــــــــــــــــــــــــــ

بعد صلاة العشاء

منذ أن عادت سهيله الى المنزل، بسبب انها كانت تشعر بإرهاق تناولت أحد الأقراص الطبيه وخلدت للنوم لم تصحو الا الآن

نهضت من النوم جذبت هاتفها نظرت الى ساعته، قالت:

ياه أنا جت عليا نومه زمانهم هيطلعوا من صلاة العشا ، بس غريبه آصف متصلش ولا مرة وسخف عليا النهارده زى عادته، يمكن عشان انا اللى إتصلت عليه الصبح عاوز يعمل تقيل، أو يمكن مفيش عنده أو هنا شبكه، أما أقوم اتوضا وأصلِ يمكن قبضة القلب اللى حاسه بيها دى تروح.

بالفعل نهضت سهيله وخرجت من الغرفه لكن توقفت تشعر بخدر بساقيها حين سمعت قول هويدا لوالداتها:

بيقولوا آصف شُعيب مات الإرهابين قتلوه فى أسيوط.

إهتز صوت سهيله الذى خرج بصعوبه وهى تنفى ذالك:

بتخرفى تقولى أيه ده مستحيل ده أكيد كدب.

تهكمت هويدا ولاحظت وجوم ملامح سهيله وشكت بأمرًا ما وقالت بتأكيد عمدًا:

مش أنا اللى بخرف ده خبر مُنتشر فى البلد كلها بقولك نازل عالنت وفى سلاح متوجه عليه وكمان كان بينزف والفيديو أهو كمان.

أخذت سهيله الهاتف من يد هويدا وتمعنت بالفيديو،حقًا هذا آصف،سقط الهاتف من يدها التى ترتعش،لاحظت سحر ذالك أيضًا وإستغربت.

بينما إنحنت هويدا بغضب قائله بتهجم:.فى أيه

لو مكنش الموبايل وقع عالسجاده كان زمانه إتكسر.

لم تنتبه سحر لـ ملامح سهيله الواضحه، بسبب حديث هويدا الحانق،

فى نفس دخل أيمن الى المنزل ورأهن بعد أن ألقى عليهن السلام قال بآسف:

شوفتوا الفيديو اللى الارهابين فيه بيقتلوا آصف،بس الحمد لله ربنا نجاه منهم.

إزدردت سهيله ريقها الجاف قائله بتسرُع:

هو نجي منهم يا بابا.

رد أيمن ببساطه دون إنتباه:

أيوه ده اللى سمعته وكمان بيقولوا إن الحكومه صفت الإرهابين دول، بس هو متصاب، كان من شويه شئ بيقول مات ودلوقتي الحكومه طلعت بيان إنه عايش وإصابته مش خطيره، حتى سمعت إن الحكومه طلعت أبوه فى طيارة خاصه لحد عنده فى أسيوط، ربنا يلطُف بيه؟.

آمنت سحر على آخر حديث أيمن قائله:

آمين، حتى عشان خاطر قلب أمه الحجه شُكران قلبها تعبان ومش هتستحمل.

رد أيمن:

ربنا أهو لطف بس أيه أحنا هنتساير ولا ايه فين العشا أنا راجع جعان وعاوز اتعشى وانام عندى شغل بكره الصبح، مش ناوين تعشونى وفين

رحيم،وطاهر.

ردت سحر:

طاهر لسه مرجعش من بره،ورحيم كمان عنده تدريب مسائى فى مركز الشباب...طالما جعان،خلينا نتعشى وهما لما يرجعوا يبقوا ياكلوا.

أومأ لها أيمن بموافقه.

تبسمت سحر وقالت:

يلا يا بنات خلونا نحضر العشا.

رغم الخدر الذى تشعر به بساقيها كذالك قبضة خفقات قلبها المتلاحقه والذى يكاد يخرج من صدرها بسبب القلق، لكن حاولت الهدوء وقالت:

انا هصلِ الاول العشا وبعدها المغرب قضا عشان فاتنى وأنا كنت نايمه.

أومأ لها محمود ببسمه كذالك سحر بينما إزداد شك هويدا،وتهكمت بداخلها بسخريه،يبدوا أن أختها تحلم ان ينظر لها"آصف شُعيب"

ماذا تظن هل صدقت كونها أصبحت طبيبه وكانت زميلة أخيه أنه سينظر لها،تبسمت تشعر بإستهزاء.

بينما ذهبت سهيله وأدت ما عليها من فروض تدعوا بقلب خاشع لـ آصف أن يُصبح بخير.

ــــــــــــــــــــــــــــ

بسرايا شُعيب

عبر الهاتف سمعت شُكران لحديث أسعد المُطمئن:

والله آصف بخير،بس هو نايم بسبب إصابته ولما يفوق من العمليه هخليه يكلمه،إطمنى يا شكران.

ردت شكران وهى تبكي:

مش هطمن غير لما اشوفه بنفسى وقدام عنيا،إنت مش بتقول الحكومه هى اللى وصلتك فى طيارة خاصه خليهم يجبوه بالطيارة لهنا فى اى مستشفى قريبه مننا،وحتى لو هندفع إحنا تكاليف الطيارة،أرجوك يا أسعد أرحم قلبي،

خلاص مش هيستحمل.

زفر آسعد نفسه بإستسلام قائلًا:

ناسيه إن فى لسه تحقيقات فى اللى حصل،

وتمام هشوف لو الدكتور سمح بخروجه،هقفل أنا عشان فى كذا إتصال جاين لى.

بعد أن أغلق أسعد الهاتف صدح رنين الهاتف مره أخرى، زفر نفسه بسآم ونظر الى شاشة الهاتف يعلم هاوية المُتصل

للحظه فكر فى عدم الرد لكن رنين الهاتف مره أخري جعله يرد على شهيرة التى إندفعت فى السؤال بلهفه أجادتها:

قولى إن آصف بخير، واللى شوفته عالنت ده فبركة.

تنهد أسعد مجاوبً:

الحمد لله آصف بخير، إصابته مش خطيره.

زفرت نفسها بآسف وقالت بإدعاء:

الحمدلله، انا لما شوفت الفيديو قلبِ كان هيوقف ومصدقتش، أنا عارفه مكانة آصف عندك قد أيه كبيره، وكمان ربنا العالم مكانته فى قلبِ، مش أخو بناتِ وهو وأخواته التانين سند لهم.

تنهد آسعد قائلًا:

الحمدلله حصل خير، لازم اقفل عشان هروح اسأل الدكتور إن كان حالة آصف تسمح ننقله فى مستشفى فى كفر الشيخ؟

تسألت شهيرة:

وليه هتنقله فى كفر الشيخ، آه عشان شُكران تطمن ربنا يكون فى عونها، أنا نفسى قلبى متاخد عليه، هقفل دلوقتي ولما أتصل عليكِ مره تانيه إبقى رُد وطمني.

أغلقت شهيره الهاتف وقامت بإلقاؤه على الفراش بغضب قائله:

زى القُطط بسبع ارواح ياريت كان الإرهابين موتوه وخلصت منه هو وبقية ولاد شُكران.

ـــــــــــــــــــــــــــــــ

بـ أيطاليا

وضع النادل أمامه

كآس من عصير إحد الفواكه الطازج،وللجالسه معه وكآس آخر

به أحد أنواع المُسكرات رفعت الكآس وإرتشفت منه قليلًا بتذوق ثم تحدثت بـ الأيطاليه تسأل:

لما لم تطلب من النادل كآسً من الفودكا.

إمتعضت شفاه أيسر قائلًا:

لاء أنا ماليش فى المُنكرات دى.

بينما جاوب بالإيطاليه عليها بـ دبلوماسيه يُجيدها:

الفودكا دى تبقى أيه جنب عيونك اللى سكرتني.

تبسمت له تشعر بإطراء وبدأت تحتسى كآس خلف آخر،ثم نهضت تترنح وهى تمد يدها له قائله:

أود أن أرقص معك.

وضع يدهُ بيدها ونهض قائلًا :

ومالهُ أهو أحرك جسمي حتى الحركه بركه.

لم تفهم الآخرى ماذا قال،أومأت برأسها وهى تسير تستند عليه وهو يضع يدهُ حول خصرها،الى ان ذهبا الى مكان الرقص وبدأت تتمايل بين يديه وهو مستمتع بذالك ومبتسم،حتى شعرت بإرهاق مالت عليه وقالت له:

لقد تعبت يكفى لنذهب الى مسكنِ إنه قريب من هنا.

أومأ لها ببسمه وسط ذلك الصخب،خرجا من المكان وذهب معها الى مسكنها،دلف مباشرةً الى شقتها التى كانت تقطن فيها مع والدايها اللذان لم يُمانعا عودتها بصُحبة شاب،جذبته معها الى غرفتها وهى تسير بترنُح حتى سقطت فوق الفراش،نظر آيسر لها مُبتسمً يقول بإستهزاء:

مش قد الفودكا بتشربيها ليه ولا هى طفاسه والسلام،يلا كويس أهى جت منك وإتخمدتى بدل ما تتحرشي بيا وأكسب سيئات أكتر.

قال آيسر هذا وإنحني يُقبل وجنتها هامسًا:

Buonanotte mio caro (تصبحِ على خير عزيزتي)

تنهدت وفتحت عينيها تبتسم له

بينما هو غادر بهدوء،كل ما كان يوده هو تمضية سهره لطيفه لا أكثر من ذلك والليلة مرت كما اراد.

ـــــــــــــــــــــ

مرت الليلة وآتى صباح جديد

بمنزل أيمن

لم تتذوق سهيله النوم الإ لوقت قصير خطفًا،وإستيفظت بسبب تلك الهواجس السيئه التى صاحبت نومها الخاطف ، إستيقظت قلبها يبتهل، تشعر بحِيرة تود الإطمئنان على آصف، لكن لا تعرف من الذى تسأله دون أن يشُك بأمر لهفتها عليه، فكرت ان تُهاتف سامر وتسأله، لكن قد يشُك بأمرها

كذالك لو سألت شُكران

حِيرة ولهفة قلب تُشعرها أنها قليلة الحيلة وعليها إنتظار أى خبر يصل لها.

ــــــــــــــــــــــــــــ

بطائرة خاصه تم نقل آصف الى أحد المشافى الخاصه بـ كفر الشيخ

بالمشفى كان بإنتظاره كل من

سامر ومعه شُكران التى

بمجرد أن رأته مازال تحت تأثير المخدر،شعرت بإنخلاع فى قلبها

بمنتصف النهار

أثناء علم سهيله بالمشفى بالصدفه علمت أن آصف تم نقله الى أحد مشافى كفر الشيخ الخاصه،مازال القلق يُسيطر عليها،لكن فكرت للحظه وحسمت أمرها وقامت بإلأتصال على "سامر"

تحججت بسؤاله على أحد المراجع الخاصه بالطب إن كان لديه.

رد سامر عليها:

أيوا المرجع ده عندي،بس فى السرايا وأنا فى المستشفى مع آصف،محتاجاه دلوقتي ضرورى.

خفق قلبها حين ذكر إسم آصف وقالت:

ايوا كنت محتاجه منه معلومه مهمه بس تتآجل، وايه أخبار آصف؟.

رد سامر بهدوء:

الحمدلله إصابته مش خطيره حتى فاق من البنج وماما وبابا معاه فى الأوضه.

إنشرح قلب سهيله وقالت:

ربنا يكمل شفاه على خير،هقفل أنا بقى عشان عندي كشف ومتنساش تجيب معاك المرجع ده،حتى لو متقبلناش فى المستشفى سيبه مع اى حد من الزُمله.

رد سامر عليها:

لاء لما ارجع السرايا هبعته على بيتكم مع صفوانه أو إنتصار.

ردت سهيله:

تمام.

أغلقت سهيله الهاتف وضعت يدها على صدرها تشعر براحه،لكن بداخلها أمنيه مازالت تريد أن تراه بعينيها وتطمئن عليه بنفسها،لكن لا تود الإفصاح عن مشاعرها أمام عائلته...ربما وجب عليه الإفصاح عن مشاعره إتجاهها لهم أولًا.

ــــــــــــــــــــــــــــــــــ

بعد مرور أسبوع

مساءً

رغم أن آصف هاتف سهيله أكثر من مره لكن لديه غصه لما لم تتحجج بأى شئ وآتت لرؤيته بنفسها والإطمئنان عليها لكن قدم لها العُذر لعدم وجود رابط رسمي بينهم...

بنفس الوقت كانت سهيله عائده من عملها بالمشفى أثناء سيرها بالبلدة مرت من أمام سرايا "شُعيب"

خفق قلبها،تذكرت ذلك المرجع الذى إستعارته من سامر وفكرت ولما لا ربما هو وسيله لها الآن لدخول

السرايا،ربما ترى آصف صدفه...ذهبت الى منزل والداها إستغربت عدم وجود والداتها ولا هويدا،ذهبت نحو غرفتها هى وهويدا وأخذت ذلك المرجع وخرجت من المنزل،توجهت مباشرةً الى سرايا شُعيب،شعرت بتردُد فى دخولها،لكن غلبها الشوق لرؤية آصف دلفت تشعر بإحراج

فتحت لها تلك الخادمه إنتصار

نظرت إنتصار لها بإمتعاض دون ترحيب بينما تنحنحت سهيله وكادت تتحدث لولا مجئ صفوانه من خلفها قائله بترحيب:

دكتورة سهيله منوره السرايا يا حبيبتى واقفه عالباب كده ليه إنتِ غريبه،وسعى يا إنتصار ليها.

تبسمت سهيله بحرج وقالت:

مالوش لازمه أدخل الوقت المسا وانا لسه راجعه من المستشفى ومتقابلتش مع سامر كنت هرجع له المرجع بتاعه.

نظرت لها صفوانه بعتب قائله:

يعنى لو مش المرجع بتاع سامر مكنتيش جيتِ،تعالى إنتِ بنت حلال وجيتِ فى وقتك،أنا لسه جايبه العلاج للحجه شُكران وفيهم نوع حُقن لازم تاخدها دلوقتي،وسامر مش هنا.

ردت سهيله:

الف سلامه عالحجه شُكران.

تبسمت لها صفوانه وجذبتها من يدها للدخول معها،بينما شعرت إنتصار ببُغض لـ سهيله تلك الآفاقه المُتسلقه.

بينما سارت سهيله مع صفوانه التى حكت لها عن سوء صحة شُكران بسبب قلقها على آصف الفتره الماضيه...ثم أنهت قولها بأمنيه:

ربنا ما يعيد الايام دى تانى.

آمنت سهيله على دعاء صفوانه التى دلفت الى غرفة شُكران،وتبسمت حين راتها تجلس على أحد المقاعد بالغرفه وقالت لها بود:

شوفت سهيله بنت حلال ربنا بعتها عشان تديكِ الحقنه.

تبسمت سهيله التى دخلت خلف صفوانه وقالت:

ألف سلامه على حضرتك انا كنت جايه صدفه عشان ارجع المرجع ده لـ سامر، متقبلناش فى المستشفى، قولت أجيبه له هنا.

عاتبتها شُكران قائله:

إنتِ ومامتك سحر ليكِم معزه كبيره والسرايا زى بيتكم،تعالي إقعدى معايا على ما صفوانه تعمل لينا أى مشروب دافى الجو سقعه.

ردت سهيله:

متشكرة يا طنط مش هقدر العشا قربت تأذن،خليني أدي لحضرتك الحُقنه،والمشروب الدافى خليه لوقت تانى.

اومأت لها شكران بموافقه.

بينما قبل دقائق

بغرفة آصف

شعر بضجر من مكوثه بغرفته طوال الوقت بسبب تلك الإصابه

نهض من على الفراش وبحث بأحد الادراج حتى عثر على علبة سجائر خاصه به جذبها لكن لم يجد القداحه،تنهد بضجر وخرج من الغرفه ذاهبًا نحو المطبخ يسأل عن قداحه،لكن لم يجد أحد بالمطبخ وسمع قرع جرس السرايا،إقترب من مكان يُظهر باب السرايا الداخلى،رأى إنتصار وهى تفتح الباب،إنشرح قلبه حين رأى سهيله،لكن ظن أنها تهيؤات أغمض عينيه للحظه ثم عاود فتحها وتبسم ليست تهيؤات بل حقيقه،لكن لديه حدس يؤكد أنها لم تآتى من أجله تسمع على حديثها مع صفوانه التى تمسكت بدخولها الى السرايا،شعر بإشتياق،وفكر بمكر،وذهب نحو غرفته مره أخرى،ذهب نحو حمام الغرفه،بحث بين بعض الاغراض حتى وجد قنينة المُطهر،تبسم بمكر وهو يفتحها وقام بوضع محتواها فوق ملابسه فوق عضده وكتفه،وخرج من الغرفه توجه ناحية غرفة والداته.

إنتهت سهيله من إعطاء الإبره لـ شكران وإستأذنت للمغادره

تبسمت لها شكران تقول بشُكر:

تسلمِ يا حبيبتى،إبقى سلميلى على سحر.

تبسمت لها سهيله قائله:

الله يسلمه هوصل لها سلامك،ومرة تانيه بالشفا.

كادت سهيله تقترب من باب الغرفه لكن تفاجئت بدخول آصف،وقفت أمامه تنظر له كانت الأعين هى ما تتحدث بينهم

بإشتياق من آصف لها

وهى شعرت بإطمئنان عليه.

ظلا للحظات صامتان فقط النظرات بينهم

حتى نهضت شكران وإقتربت منهم بخضه حين رأت ذلك اللون الاحمر على قميص آصف،قالت بخضه:

آصف أيه الاحمر اللى على قميصك ده،أكيد دم،الدكتور قال بلاش تتحرك من السرير.

إدعى آصف الآلم وعيناه مُنصبه على سهيله قائلًا:

معرفش يا ماما أنا فجأة حسيت بآلم بحط إيدى على مكان الوجع لقيت الدم ده ،حتى كنت مفكر سامر لسه فى السرايا،ناديت عليه مردتش قولت أتحمل على نفسى وأروح له اوضته ملقتوش،وكنت لسه هتصل عليه،بس قولت يمكن فى أوضتك يا ماما.

بينما تبدلت نظرة سهيله الى حُنق من هذا الكاذب الذى يدعى الآلم واضح جدًا لديها أن هذا اللون الأحمر ليس دمُ بل هو مُطهر ورائحته واضحه بالتأكيد فعل ذلك لغرض برأسه تبين حين تبسم على لهفة شكران التى نظرت لـ سهيله وقالت برجاء:

الحمدلله الدكتورة سهيله موجودة تشوف سبب الدم ليكون الجرح إتفتح.

أنهت شكران قولها ونادت على إنتصار التى لبت ندائها سريعًا وقالت لها:

بسرعه هاتى شنطة الإسعافات للدكتورة عشان تعاين جرح آصف بيه اللى بينشع دم.

نظرت شكران بلهفه لـ آصف وقالت له تعالى أقعد بلاش توقف كتير.

رد آصف وهو ينظر لـسهيله متقلقيش اوى كده يا ماما.

عادت إنتصار بـ حقيبة الإسعافات سريعًا ومدت يدهت بها لـ سهيله التى

كبتت غيظها من هذا الكاذب وإستسلمت لرجاء شُكران التى قال لها آصف:

خليكِ مرتاحه هنا،هنبقى فى اللى جنبك علطول.

بغيظ سارت سهيله خلف آصف الذى توقف

يفتح مقبض باب إحدى الغرف وإنزاح على جنب وأشار لها بيده للدخول...دخلت الى الغرفه من ثم دخل خلفها وأغلق باب الغرفه

نظرت سهيله خلفها وتسألت بإستخبار:

قفلت باب الأوضه ليه ؟.

تبسم وهو يقترب منها قائلًا بغمز:

ناسيه إنك هتغيري لى على الجرح اللى فى كتفِ.

نظرت له بتهكم وهى تعود نحو باب الغرفه كادت تضع يدها على مقبض الباب لكن سبقها آصف غامزًا يقول:

معندكيش ثقة فيا ولا أيه؟.

تضايقت سهيله من غمزه ووضعت يدها فوق يده التى فوق المقبض وضغطت عليها حتى إنفتح قفل الباب،وقالت بتهكم:

من ناحية معنديش ثقه فيك فده شئ طبيعى،بس بلاش تتغر كل الحكايه إن عندي فوبيا الأماكن المُغلقه،أوعى إيدك من على أُكرة الباب عشان إفتحه.

تبسم بسخريه يقول بوقاحه:

ناسيه إنك هتغيرى لى على الجرح اللى فى كتفُ وهقلع القميص والجو برد يرضيكِ أخد هوا فى صدري،مش كفايه وجع الرصاصتين.

تهكمت سهيله غاضبه تقول:

العشا قربت تأذن، ولازم أرجع للـ البيت،

سيب الباب مفتوح وخلينى اغيرك عالجرح،أوعى تفكر إنى مصدقه كدبك، إن جرحك بينشع دم زى ما قولت لـ طنط شكران وخضيتها،ده مكركروم يا سيادة القاضى الكذاب.

جذاب

هكذا راوغ آصف بالرد على عصبية سهيله

التى ردت بتوضيح:

بلاش تتغر،أنا قصدى إنك كداب

بلاش مراوغة القُضاه دى مش عليا... وخلينى أغيرلك الضماد، أنا هلكانه طول اليوم واقفه على رِجلِ فى المستشفي.

تبسم آصف قائلًا بهدوء وصدق:

وحشتيني، قلبي كان حاسس إنك هشوفك النهاردة.

توقفت سهيله عن هجاء آصف تلاقت عيناهم مره أخرى تحكي بصدق مشاعر كل منهم للآخر... قطع تلك النظرات صدوح رنين هاتف سهيله برساله

إرتبكت وهى تُخرج الهاتف من جيبها ونظرت لشاشته،ثم وضعت الهاتف بجيبها مره أخري،بينما تسأل آصف بفضول:

مين اللى باعتلك رساله.

نظرت له سهيله وقالت:

دى رساله من شبكة الموبايل،وبعدين خلينا نخلص.

تبسم آصف قائلًا:

تمام،بس بلاش عصبيه المفروض إنك دكتورة ولازم تكون أعصابك هاديه وتعاملى المرضى بإبتسامه بشوشه.

تهكمت سهيله قائله بحياء:

إبتسامه بشوشه،آصف كفايه تضييع وقت مامتك ممكن تستغيبنا،إخلص وإقلع القميص.

تبسم آصف للحظه ورفع يده السليمه يحاول فتح أزرار القميص،لكن آن بآلم وتوقف قائلًا:

مش عارف أفتح زراير القميص ممكن تساعدني.

نظرت له سهيله واومأت راسها ثم رفعت يديها وضعتهم على أول زِر شعرت بحياء وإرتعشت يديها.

شعر آصف برعشة يديها،رفع يدهُ السليمه وضعها على يدها وضمهما لصدره ونظر لوجهها قائلًا:

إيديكِ بترتعش ليه.

إرتبكت سهيله وسحبت يديها من أسفل يدهُ وتعلثمت بالرد:

يمكن بسبب الطقس بارد.

تبسم آصف وقال:

فعلاً الطقس اليومين دول بارد أوى.

زفرت سهيله نفسها وعاودت رفع يديها مره أخرى وحاولت تمالك نفسها وقامت بفتح أزرار القميص حتى إنتهت، تحاول السيطره على تلك الرعشه التى تسير بجسدها، من رؤيتها لـ آصف عارِ الجذع

بينما تخابث آصف ولم يستطع التحكم فى تلك الرغبه التى يشعر بها يود ضم جسد سهيله بين يديخ، بالفعل رفع يديه وكاد يضمها لكن سهيله كآنهت قرأت أفكاره وقامت بالضغط بقوه علىذلك الجرح الذى بعضد يدهُ

آن بآلم، بينما تبسمت سهيله بتشفى، لكن شعرت بقبضه فى قلبها حين رأن مكان

تلك الرصاصتان، فتلك التى بكتفه كآنها بالمنتصف قريبه من إحدى الرأتين والقلب

لو أخطأت كانت أصابت إحداهما وأصبح وضع آصف خطير، لكن رأف القدر بهما...

بدأت سهيله بتضميد جرح آصف حتى إنتهت بوضع ضماد آخر نظيف، بينما جذب آصف إحدى يديها وقربها من شفاه وقبلها قائلًا:

شكرًا يا حبيبتي.

إرتبكت سهيله وتوترت وسحبت يدها سريعًا تقول بتهرب:

الجرح نضيف، أنا غيرتلك الضماد،، خلى واحده من الشغالات تجيب لك قميص نضيف، لازم أمشي.

شعر آصف بغصه وينظر لـ سهيله التى توجهت نحو باب الغرفه وخرجت منها دون النظر إليه مره أخرى بعدم إنتباه كادت تصتدم بتلك الخادمه التى نظرت لها بإمتعاض وإمتهان،بينما سهيله غادرت دون حديث،تشعر لو بقيت هنا لثوانى أكثر قد تعود تُلقى بنفسها بين يدى آصف تضمه حتى تشعر بالدفء المفقود بقلبها منذ أن علمت بإصابته.

بينما فتحت إنتصار هاتفها ونظرت الى تلك الصور التى إلتقطتها خِلثه من مواربة باب الغرفه،رغم شعور الغِيره بقلبها لكن تبسمت ربما تلك الصور الرومانسيه يآتى لها من خلفها منفعه،لم تتوانى وقامت بإرسال تلك الصور الى من يستطع عرضها بطريقه أفضل من بقائها حبيسة بمعرض هاتفها.

بشُرفة تلك الغرفه وقف آصف ينظر الى خروج سهيله من السرايا تنهد بقوة يقاوم الإشتياق الذى يشعر به كلما غادرت من أمام عيناه لا يود أن تذهب وتتركه، يُفكر فى تهربُها الدائم منه، تنهد مرة أخرى، لكن سُرعان ما نظر خلفه،يبتسم لـ آيسر الذى قال بمزح:

كل دى تنهيدة،شكل سيادة القاضى عاشق والدكتوره

بتتقل عليه.

تنهد آصف وهو يجلس على أحد المقاعد.

تبسم أيسر بمزح قائلًا بنبرة تريقه:

ولما إنت واقع كده ما قدامك الحل سهل إتقدم لها رسمي.

زفر آصف نفسه قائلًا:

ومين اللى قالك إنى مفتحتهاش قبل كده إننا نتجوز،بس مش عارف أيه اللى فى دماغها كل مره تطلع بسبب شكل

مره مش هتجوز قبل ما أتخرج من الجامعه،حتى بعد ما إتخرجت وقولت لها إتقدم ليها ونكتب الكتاب حتى عشان مدة التكليف تبقى هنا فى أى مستشفى فى كفر الشيخ،قالتلى حابه تشوف أماكن جديده وتاخد خبرات أكتر.

تهكم آيسر قائلًا بإستهزاء:

وإنت طبعًا بتستسلم لرغبتها وهى مبسوطه إنك ملهوف عليها،أقولك خليك تقيل شويه يمكن هى بتستغل إنك مدلوق،إنت مُتأكد إنها بتحبك؟.

أومأ آصف رأسه بمعنى أنه لا يعرف

ضحك آيسر قائلًا بمرح:

بقى "آصف آسعد شُعيب" المستشار بهيئة محاكم مصر مش عارف يسيطر على موزة.

قذفه آصف بعلبة السجائر قائلًا:

إحترم نفسك "سهيله"مش نوعية البنات اللى بتتسلى معاهم فى المطارات.

ضحك آيسر قائلًا:

بسببك سيبت موزة طليانيه أيه طلقه، لما شوفت الفيديو بتاعك عالنت قدمت ميعاد رجوعي، لو كنت أعرف إن إصابتك سهله كده مكنتش نزلت قبل ميعادي.

ضحك آصف قائلًا:

ندل.... تطمن على أخوك ولا صُحبة الموزه الطليانيه، أهو رحمتك من إنك تغلط.

رد آيسر بمزح:

أكيد عارف من غير ما أجاوب، وغلط أيه اللى بعمله آخرى سهرة لطيفه وبوستين عالخد مش أكتر من كده، ده كله تسالي.

تبسم آصف قائلًا:

تعرف أنا بدعي عليك توقع فى الحُب وقتها هشمت فيك، وهى مطلعه عينيك.

ضحك آيسر قائلًا:

قلبك أسود،بس سيبك بصراحه لما شوفت الفيديو قد ما خوفت عليك قد ما كنت فخور بيك وبجسارتك فى مواجهة الحثاله دول،جبت الجرآه دى منين،انا لو مكانك كنت هقول للإرهابى خد الطياره بالرجاله اللى فيها وسيبنى مع الموزز.

ضحك آصف

بينما تسأل آيسر:

يعنى الإرهابى ده أخوه كان هيتحكم عليه بالإعدام،كسب أيه من عملته أهو سبق أخوه لجهنم،وكمان إزاى قدر يوصل للموقع ده وينشر عليه الفيديو بث مباشر كده.

تنهد آصف قائلًا:

الموقع ده مشبوه اساسًا وبيدعم الإرهاب والتطرف فى العالم كله غرضه إظهار مساوئ الشعوب بالذات الشعوب العربيه ومصر على بالأخص،وسهل لما يوصلهم فيديو زى ده ينقلوه عشان يكسبوا نسب مشاهدة عاليه،وكمان له أجندة سياسيه إنه ينشر ويرسخ للعالم الخارجى الشكوك فى نزاهة القضاء المصري،هما كان لهم صِدمات مع القضاء مش فى مصر بس ، كمان سبق تقديم بلاغات فيه وبسببها إتقفل الموقع أكتر من مره وإضطروا يبثوا من خارج مصر بس طبعًا مصر هى الهدف بتاعهم،يبثوا حفلات مجون وشواذ وبيظهر فيها أسماء شخصيات معروفه غرضهم تشويها،مش بقول كلهم مش شُرفاء بس الموقع ده بيتصيد الفضايح عشان يحقق نسبة مشاهدة تعود عليه بملايين الدولارات تدخل فى حساباتهم.

تنهد آيسر بآسف وكاد يتحدث لولا دخول يارا مُبتسمه تقول بإرهاق:

مساء الخير، مالكم سكتوا ليه لما أنا دخلت للأوضة كنتم بتتكلموا فى أمور سريه ولا كلام شباب بس .

تبسم آيسر قائلًا:

مساء النور، لاء مش أمور سريه ولا خاصه بالشباب،بس شكلك وشك مُرهق.

جلست على أحد المقاعد تتنهد بإرهاق قائله:

فعلًا مُرهقه،خلاص إمتحانات نص السنه قربت ولازم أحضر سكاشن العملى وكمان باخد كورس سواقه والإتنين مواعيدهم ورا بعض تقريبًا فى نفس اليوم.

رد آصف:

طب وليه مش بتخلي أى سواق من السواقين يعلمك السواقه فى الوقت الفاضى، أو كنتِ آجلتِ كورس السواقه فى أجازة آخر السنه.

تنهدت بضجر:

لاء أنا بزهق من إنتظار السواق عشان يوصلنى عاوزه عربيه تكون تحت تحكمِ فى أى وقت، كمان أجازة آخر السنه بتبقى للترفيه مع أصحابي هقضيها كورس سواقه...كمان كورس السواقه ده هيطلعلى رُخصة سواقه بدون ما أدخل لإمتحان وأحتاج وساطة بابا عشان أنجح فيه.

تبسم لها أيسر قائلًا:

ذكيه بتحبِ تعتمدى على نفسك.

تنهدت يارا قائله:

لاء طبعًا بس إنت عارف بابا يقولى مش هركب نفسة جمايل على خاجه هايفه زى دى.

نهضت يارا وآيسر حين دخل عليهم آسعد الغرفه ينظر لـ آصف الجالس قائلًا:

مساء الخير متجمعين كده بتتكلموا فى أيه؟.

ردت يارا:

بنتكلم فى كورس السواقه بتاعِ وبقول لهم إن حضرتك صعب تتوسط لى لو دخلت إمتحان فى المرور عشان أخد رُخصة قيادة.

رد آسعد:

ده فعلًا،حاجه متستحقش أتوسط عشانها لأن السواقه سهله،وبعدين ما أنا اللى هجيب لك العربيه لما تاخدى الرُخصه.

تبسمت يارا لاخويها بمغزى أنها كانت مُحقه،لكن نظرت لـ آسعد قائله:

طب إشمعنا آصف هو اللى لغيت حضور جلسات المجلس وجريت عليه فى أسيوط وكمان جبته لهنا فى.كفر الشيخ بطيارة خاصه حتى قبل أخد أقواله فى التحقيقات.

نظر آسعد لـ آصف يتذكر أول مره حمله فيها وهو وليد كم إشتاق لأن يكون لديه طفل "ذكر"

يعلو إسمه وإسم العائله به بعد أطماع رأها من أقرب الاقربين له وكلمة أن نسله كله سيكون إيناث ويضيع كل ما سعى إليه جدهُ وأكمل هو فى توسيع تلك الآراضى وإستردادها أضعاف مُضاعفه وأنشأ بعض المصانع كذالك أصبح له إسم أكبر من جدهُ،لكن كان آصف هو النبته التى إنتظرها ليضع الجميع أطماعه على جنب ولا ينتظر أن يرث ويندثر نسل "آسعد شُعيب". ــــــــــــــــــــــــــــــــــــــــــــــــــــــــــــــــــ

بمنزل إيمن

دلفت سهيله الى المنزل

تبسمت لوالداتها التى نظرت خلفها وقالت:

سهيله، كنتِ فين، إحنا رجعنا من شويه أختك شافت شنتطك محطوطه على سريرك.

تبسمت سهيله وقالت بتوضيح:

أنا كنت جيت من شويه ملقتش حد فى الدار كان عندى مرجع طبي بتاع سامر كان طلبه منى قولت أوديه السرايا والحجه شُكران كان لها حقنه أديتها لها ورجعت،بس إنتم كنتم فين؟.

تبسمت هويدا بتهكم وقالت بإستهزاء:

ومكنش ينفع تاخدى المرجع معاكِ له المستشفى.

ردت سهيله:

للآسف مواعيد نبطشياتنا مش بتتفق غير فى وردية السهر،هو معظم نبطشياته بيسهر،وأنا مبقتش محتاجه المرجع رجعته.

تهكمت هويدا وقالت بمغزى لم تفهمه لا سهيله ولا سحر:

آه طبعًا لازم ترجعيه له السرايا أهو حِجه برضوا.

جعدت سهيله حاجبيها وتسألت بإستفسار:

حِجه لأيه؟.

ردت هويدا بتوريه:

حِجه ترجعى المرجع عشان بعد كده لما تحتاجي أى حاجه من سامر يبقى يعطيها لكِ وهو عارف إنك هترجعيها فى الوقت المناسب.

تنهدت سهيله قائله بإرهاق:

أنا خلاص قدمت على الدراسات العُليا وهختار تآثير الطب النفسي سواء على الأطفال او الكُبار،بس هركز عالأطفال أكتر بالذات أطفال التخاطُب.

تهكمت هويدا قائله:

ربنا يوفقك.

تبسمت سهيله لم تشعر بنبرة الغِيره،وتسالت مره أخرى:

بس إنتم كنتم فين، بابا أكيد لسه بيخلص حسابا الفرن ورحيم وطاهر.

تبسمت سحر رغم ملاحظتها نبرة هويدا المُتحفزه فى سؤال سهيله وأجابتها :

كنا فى محل الأدوات المنزليه،بنشرى شوية رفايع لجهاز هويدا... رحيم نايم من بعد المغرب المدرسه مع تمرينات الكارتيه هده صحته، شويه أصحيه يتعشى ويصلِ وينام تانى

، وطاهر فى المحل بتاع تصليح الاليكترونيات وزمانه على وصول.

نظرت سهيله لـ هويدا وتبسمت قائله:

ربنا يتمم لك على خير يارب،هدخل أغير هدومى وأجى أساعدكم فى تحضير العشا زمان بابا على وصول.

تبسمت لها سحر وهى تتوجه ناحية المطبخ بينما وقفت هويدا تنظر لها وهى تدخل الى غرفتهم وإستهزأت قائله:

كلهم مغشوشين فى وش البراءه اللى بترسميه، وإنتِ شاطرة فى التخطيط، بس عندي شبه يقين إن مستحيل آصف شُعيب يبص لك.

بعد قليل

إنتهوا من تناول وجبة العشاء

إضجع أيمن بظهره على أريكه خلفه وتنهد بشبع قائلًا:

طول اليوم مدوقتش الأكل، طلعت من المصنع على الفرن كنا بنقفل الحسابات وخدنا وقت طويل على ما إنتهت والله محتاج كوباية شاي بعد الأكل أظبط بها راسى.

نهضت سهيله التى كانت تجلس أرضًا جوارة قائله بموده:

عنيا أحلى كوباية شاي لك يا بابا.

تبسم أيمن قائلًا بمزح:

لاء بلاش إنتِ تعملِ الشاي، بيطلع ماسخ ومالوش طعم خلى هويدا هى اللى تعمله هى نفسها فى الشاي حلو.

نظرت له سهيله بعتب قائله:

كده يا بابا.

تبسم لها قائلًا:

دى هِبه ربانيه،بالكم أحلى كوبابة شاي بشربها بتبقى من أيد حماتى عمتى "آسميه"نفسها خطير حتى فى الأكل الميه من تحت إيديها ليها طعم تانى.

تبسم طاهر قائلًا بمزح:

طبعًا لازم تقول كده،عشان حماتك ترضى عنك هى وبنتها.

وافقت سهيله طاهر فى المزح،بينما قال أيمن:

أنا بقول الحق،وبعدين كفايه رغي،يلا يا هويدا قومِ إعملِ لينا دور شاي ندفى الجو بره ساقع أوى،الشتا السنه دى شكله كده هيطول فى السقعه.

نهضت هويدا بضجر تهمس لنفسها قائله:

طبعًا لازم تقول الكلمتين الفاضين دول عشان تريح الدكتوره اللى بتتشرف بيها قدام الناس كآن مفيش غيرها بقت دكتوره.

بينما ساعدت سهيله فى ضب بقية الطعام وتركت سحر تجلس مع طاهر وأيمن، ورحيم الذى يستند بجسده عليها يشعُر بنُعاس...

بعد قليل وضعت هويدا صنيه على أكواب الشاي على الأرض امامهم وجلست، كذالك آتت سهيله قائله:

انا شطبت عالمواعين يا ماما.

تبسمت سحر لها بإيماءه وهى تجلس جوار أيمن تمد يدها تأخذ كوبً من الشاي قائله:

أما أشرب الشاي وهو سخن يدفي إيديا بسبب الميه كانت سقعه.

تبسم لها أيمن، وهو يضع يدهُ على كتفها، بينما تطرق بينهم الحديث الى مواضيع خاصه بهم، الى أن تعمدت هويدا الحديث عن آصف قائله:

رغم مرور أكتر من أسبوع على حادثة آصف شعيب بس البلد كلها ملهاش سيره غير عليه، مع إنه مش بطل خارق، بس أعتقد السبب إنه من عيلة شُعيب لو حد تانى مكانه كان زمان حكايته اتنست

غير كمان أبوه كان فى البنك اللى بشتغل فيه النهاردة وكمان سمعت من زميل لينا فى الجمعية الزراعيه انهم إنتخبوه رئيس للجمعية الزراعيه بالتزكية طبعًا مش سيادة النايب وعنده نص أراضى البلد أو بالأصح المحافظه كلها.

تبسمت سحر قائله:

ربنا يزيد عبيده، والله مره أمى حكت لى إنها كانت صغيرة أوى وشافت جد الحج آسعد كان له هيبه.

تبسم أيمن قائلًا:

فعلًا ابويا الله يرحمه مره حكالى عن شُعيب جد الحج آسعد إنه كان راجل له هيبه وكلمه مسموعه،كمان قالى إنه مكنش بالغنى ده كله،هو كان بيشتغل رئيس عُمال الفلاحه عند واحد من الخواجات ايام الملك ،بس لما ثورة تلاته وعشرين يوليو الخواجه ده عرض عليه يشتري منه أرضه،عشان خايف من رجال الثورة يصادروا أرضه ويطردوه لبلده ويرجع فقير،باع له أرضه بتمن بخس.

تسألت هويدا:

وليه الخواجه باع الارض بتمن بخس.

رد أيمن:

باعها بخس،أحسن ما يرجع لبلده فقير،أهو يقول أرجع باللى حتى يعيشني فى بلدى مكروم...وكمان كان فى دماغه حاجه تانيه.

تسأل طاهر:

وأيه هى الحاجه التانيه دى يا بابا؟.

رد أيمن:

الخواجات كان عندهم أمل إن الثورة تفشل وبعد كم سنه يرجعوا مصر تانى ويستردوا أرضهم دى،بس طبعًا ده محصلش،حتى سمعت من أبويا،إن لما جه التأميم كانوا بيأمموا الفلاحين اللى عندهم أكتر من متين فدان وبعد كده بقى أكتر حاجه مِيت فدان وجد الحج أسعد إتأمم المرتين،بس بعد كده جه الانفتاح والحج آسعد إستطرد الأراضى دى تانى وإشتراها من الفلاحين،حتى كمان السرايا اللى عايشين فيها كان مكانها سراية الخواجه وباعها هى كمان بالاراضى اللى حواليها،بس أبو أسعد كان هدهت وبني سرايا تانيه أفخم من بتاعت الخواجه.

تهكمت هويدا قائله:

يعني الثراء الفاحش ده من البدايه كان من دم الناس الغلابه والحظ لعب مع "شُعيب" هى كده الدنيا حظوظ.

تبسم أيمن قائلًا برضا:

مش حكاية حظ ربنا بيوزع الرزق على عبيدة

لحكمه هو بس اللى عالم بها.

تهكمت هويدا قائله:

آه طبعًا، ناس تاخد الحظ "مال وبنون" وناس تاخد الفقر.

ردت سحر:

ربنا له حكمه،فى فقير ربنا يغنيه يفتري،وفى فقير ربنا يعطيه عشان يحمد ربنا ويحدث بنعمته

مش بيقولوا

"منكم لو أعطيت له المال لأفسد حاله، ومنكم من أخذت منه المال لأصلح حالهُ".

تهكمت هويدا ومصمصت شفاها بإستنكار هامسه:

وأنا من المغضوب عليهم.

ــــــــــــــــــــــــــــــــــــــــــــ

باليوم التالى

بحوالى الحاديه عشر صباحً.

بكلية الحاسبات والمعلومات بـ المنصوره

بأحد ممرات الجامعه بسبب إستعجالها بالسير شبه جريًا كى تلحق ميعاد بداية تلك المحاضرة العمليه

لكن لعدم إنتباهها خبطت فى إحدى زميلاتها سقط من يدها هاتفها وبعض الكُتب،تعصبت وهى تنحنى تجمع تلك الكُتب تسب زميلتها بلغه أجنبيه لم تفهمها،لكن

هنالك من فهم معنى سبها، وهو محني يُجمع لها أشلاء هاتفها النقال،وإقترب منها بهم ومد يديه بتلك القطع،نظرت لها بتغضُن قائله بشبه تعالى:

الفون بتاعى ماركه عالميه مش موجود منها قطع غيار هنا فى مصر،كده معدش ينفع وهيترمى.

رفع عينيه ونظر لملامحها بسبب تبرُجها وزيها العصرى الأنيق ذو الماركات فطن أنه من طبقه فارهه،لكن رد عليها:

على فكره موبايلك ينفع يتصلح

فى هنا فى المنصوره أكتر من مركز لتصليح الموبيلات كمان الماركات العاليه،لو حابه ممكن أديكِ عنوان والرقم الخاص بـ مركز مشهور ممكن تلاقى عنده قطع غيار لموبايلك.

نظرت له رأت شاب رغم بساطة ملابسه لكنه أنيق كذالك وسيم إرتبكت قائله:

تمام ممكن تكتب لى عنوان ورقم المركز ده.

تبسم وهو بجذب منها أحد الكُتب وقام بفتحه ودون على إحدى الصفحات الخاليه،إسم وهاتف ذلك المركز،ثم مد يدهُ لها بالكتاب.

أخذت منه الكتاب بصمت للحظات بينهم،الى أن آتى أحد زُملاؤه وربت على كتفهُ قائلًا:

طاهر خلينا نلحق المحاضرة.

تبسم له طاهر وأومأ براسه لها ثم غادر دون حديث،بينما هى وقفت للحظات الى أن نظر هو خلفه وأومأ راسه يبتسم لها،برد تلقائى منها تبسمت له،وظلت واقفه حتى إختفى عن مرئ عينيها،إنتبهت للوقت هرولت ناحية أحد المعامل الخاصه بالجامعه،لكن هنالك شعور يدلف لقلبها لا تعلم له تفسير غير أنها تريد رؤية

"طاهر"مرة أخرى.

ــــــــــــــــــــــــــــــــــــــــ

بعد الظهر

بالبنك الزراعى بالبلدة

إنتهت وقت الدوام

جذبت هويدا حقيبتها ونهضت من خلف ذلك المكتب تُزفر نفسها بسأم،قبل أن تخرج من الغرفه نظرت أمامها بسخط لذلك الذى يقف أمام الباب يبتسم،توجهت نحوه وهو يقول:

هويدا كويس لحقتك قبل ما تمشى من البنك.

تهكمت هويدا بسخط قائله:

خير يا" عادل"؟.

أشار لها بيدهُ قائلًا:

خلينا نتكلم وإحنا بنتمشى فى موضوع مهم.

تهكمت وسارت معه الى أن خرجا من البنك وسار بالشارع الرئيسي للبلده وتسألت بإستعلام:

خير أيه هو الموضوع المهم؟.

رد عادل:

موضوع إننا نكمل جوازنا،خلاص العفش بقى شبه جاهز،مش ناقص غير نحجز القاعه اللى هنعمل فيها الفرح.

تهكمت هويدا:

هو ده الموضوع المهم،عالعموم أى قاعه مش هتفرق كل القاعات اللى سبق وكلمتنى عنهم زى بعض،طبعًا مش هتقدر على تكاليف قاعه كبيره ومحترمة يبقى كله زى بعضه.

كاد عادل أن يتحدث لكن بسبب تلك السيارة التى تندفع بالسير،وكادت تصتطدم به إقترب من هويدا وحَف بكتفها،نظرت له وقبل أن تتحدث رأت تلك السيارة الفارهه التى تمُر من جواره،تحسرت قائله:

كان نفسى أتزف فى عربيه ماركة زى دى،عالعموم بلاش تستعجل وتحجز قاعة سمعت ان فى قاعه كبيرة فى كفر الشيخ هتفتح قريب وأكيد فى البدايه أسعارها هتبقى مش كبيره.

كاد عادل أن يعترض لكن قالت هويدا:

الفرح بيبقى ليله واحده مش كفايه إنى رضيت إنى أتجوزك فى نفس الشقه ومعانا الست الوالدة.

رد عادل:

أولًا إسمها ماما،ثانيًا كتر خيرها فى شباب كتير بيسكن فى شُقق بالشئ الفلانى كل شهر،ثالثًا هى خلاص شطبت اوضة صغيره جنب أوضتها وعملتها حمام خاص بيها،والأوضه بتاعتها فاتحه عالشارع وإحنا هناخد بقية الشقه يعنى هتبقى مقفوله علينا.

لوت شفتيها بسخط قائله:

على إعتبار بقية الشقه عشر أوض دول هما أوضتين وصاله ومطبخ يادوب أقف فيه بطولى ميستحملش حد يقف معايا.

رد عادل:

أهو أحسن من إيجار السكن شهر ورا التانى،وخلينا فى موضوعنا أنا اتفقت مع عمِ أيمن إننا نتجوز فى أجازة نص السنه،وياريت تختاري قاعه عشان نلحق الحجز فى الوقت اللى حددناه.

تهكمت قائله:

طالما مش هتستنى نشوف القاعه الجديده يبقى مش هتفرق أى قاعه والسلام.

تنهد عادل قائلًا:

تمام هروح البيت ارتاح ساعتين وبعدها هروح أحجز القاعه.

أومأت هويدا رأسها قائله بتعالى:

تمام بس ياريت بلاش تسترخص.

بنفس الوقت كانا وصلا الى أمام منزل هويدا،توجهت الى باب المنزل وقالت:

تعالى نتغدا سوا.

رد عادل:

لاء مره تانيه،عشان ماما متاكلش لوحدها.

إستهزأت بنبرة مُبطنه:

آه طبعًا إبقى سلميلى على طنط.

أومأ عادل رأسه وهو يستكمل سيرهُ بينما فتحت هويدا باب المنزل ودلفت إليه نادت على والداتها التى قالت لها انها بالمطبخ...توجهت نحو المطبخ وقفت أمام الباب،تسمع حديث سحر بلوم:

انا كنت شيفاكِ من شباك المطبخ ماشيه مع عادل معزمتيش عليه ليه يدخل يتغدا معانا.

تهكمت هويدا برد بارد:

هيروح يتغدا من الست الوالده عشان متاكلش لوحدها،أنا مرهقه بسبب الشغل فى البنك النهارده كان كتير،هروح أغير هدومى وأمدد جسمي شوية على ما بابا يرجع من الشغل،بس فين سهيله.

ردت سحر:

سهيله عندها نبطشيه مش هترجع غير عالمغرب.

تنهدت هويدا قائله:

طب كويس اهو انام ساعتين بدون ازعاج منها.

نظرت لها سحر بلوم قائله:

على فكره انا ملاحظه طريقة معاملتك لـ سهيله إفتكرى إن دى أختك وإنتِ المفروض أختها الكبيره يعنى تحلى محلى عندها وعند أخواتك كمان.

إستهزأت هويدا قائله:

ربنا يخليكِ دايمًا،محدش بيحل محل حد،هروح أرتاح،قبل ما "جحيم"يرجع من المدرسه ويقلب البيت دوشه.

غادرت هويدا نحو غرفتها بينما هزت سحر راسها بآسف قائله:

ربنا يهديكِ يا هويدا.

بينما هويدا دلفت الى الغرفه نظرت الى فراش سهيله الفارغ إستهزأت،وذهبت نحو فراشها وإتكئت عليه تزفر نفسها وهى تعود لذاكرتها تلك السيارة الفارهه التى كانت تسير بالشارع،زفرت نفسها تشعر بشوق لتجربة الجلوس بداخل تلك السيارة لكن سُرعان ما فاقت تشعر ببؤس.

ـــــــــــــــــــــــــــــــــــــــــــــــــ

بـ" جزيرة البرلُس"

نهضت سهيله قائله:

المغرب قرب يآذن خلينا نلحق المركبه اللى هناك دى توصلنا للبر التانى،قبل الضلمه.

نهض آصف قائلًا:

لسه بدري،خلينا كمان شويه ومتخافيش سهل أتصل على أى مراكبِي يجى ياخدنا.

ردت سهيله:

لاء كده كفايه انا اتأخرت فى الرجوع،يلا فى مركبه أهى واقفة المرسى خلينا نلحقها.

بإمتثال غصبً سار آصف خلف سهيله الى أن وصلا الى المرسى صعدا الى تلك المركبه الصغيره،جلس بأحد الاماكن،أشار آصف للـ المراكبي أن يُبحر بالمركبه دون إنتظار لركوب أحد غيرهم.

بالفعل إمتثل المراكبي وسار بالمركبه

بينما نظرت سهيله الى تلك الأمواج أسفل المركبه تبسمت الى تلك الطيور التى تهبط فى الماء تخطف إحدى الاسماك الصغيره الطافيه على سطح المياه

تتقاتل أحيانًا بمناقيرها على سمكه صغيره

نظر لها آصف سألًا:

بتبصي على أيه فى الميه بصى لى مش كفايه إنى المفروض متصاب وكنتِ تحني عليا وتفضلى معايا أكتر من كده انا المفروض مكنتش أخرج من السرايا قبل أسبوع عالأقل، بس مقدرتش أتحكم فى شوقى ليكِ، إمبارح هربتى منى.

تبسمت سهيله قائله:

ما أنت قدامي بخير أهو، أنا ببص على الطيور اللى بتخطف السمك من مية البُحيرة، وكمان خناقهم مع بعض على سمكه صغيره.

تبسم آصف قائلًا:

السمكه فعلًا صغيرة،بس هى دي طبيعتهم.

تبسمت سهيله قائله:

السمكه فعلا صغيرة بالنسبه لينا بس هى بالنسبه لهم كنز كبير،كمان الجو النهارده كان دفا على عكس إمبارح،وفرصه ليهم السمك ظاهر على سطح الميه.

تبسم آصف،ورفع يدهُ السليمه وكاد يضعها على كتف سهيله يتشوق لضمها،لكن سهيله كانت منتبهه له ونهضت واقفه،تنظر أمامها الى تلك الشمس التى تتوارى من بعيد ثم نظرت الى آصف قائله:

آصف إنت ليه إختارت القضاء وإنك تبقى قاضى.

نهض آصف هو الآخر مستغربًا يقول:

مش فاهم معنى سؤالك،عادى أنى أكون قاضى،ناسيه انى دارس حقوق،وكنت بنجح بتقدير جيد جدًا على مدار الاربع سنين.

تسالت سهيله:

عارفه دى،بس ليه إختارت القضاء،كان سهل تبقى معيد فى الجامعه.

تنهد آصف يستنشق هواء البُحيرة قائلًا:

بصراحه التدريس موهبه إنك تشرح للى قدامك ويفهم منك صعب جدًا، وأعتقد إنى فاشل فى الشرح، بدليل إنك لغاية دلوقتي مش قادره، أو بالأصح مش عاوزه تفهمي حقيقة مشاعري.

إرتبكت سهيله من نظرات آصف لها كيف يظن هذا الاحمق أنها لا تفهمه،ولا تود البقاء معه طوال الوقت ،هى تشعر بنبض قلبها حين تراه لكن هنالك دائمًا حاجز تخشى أن توافق على الزواج به وتُفاجئ بالرفض أو الصد أو الإستقلال بها أو بنسبها البسيط،كذالك أن توصم من بعض الأقليه القريبه من آصف،أن إبنة الموظف البسيط حاكت شباكها علي أحد فِتيان عائلة شُعيب المرموقه، حتى أوقعته فى غرامها،بين قلبها العاشق وعقلها الخائف... عشق.. تخشى أن يخفُت أو يتلاشى قبل أن يسطع تحت وطأة أن الناس طبقات ومقامات حتى إن أنكروا ذالك أمام العامه،مازال بداخل عقولهم مكان لتلك الفوارق الإجتماعيه ، وهى لن تسمح أن يُقلل أحد من شآن والداها ولا شآنها كـ طبيبه.

ـــــــــــــــــــــــــــــ

بنفس الوقت

بـ سرايا شُعيب

بغرفة سامر

نادى بعصبيه وبصوت جهور:

إنتصار.

هرولت إنتصار الى غرفته سريعًا، دلفت الى الغرفه تفاجئت به يُغلق باب الغرفه ويسحبها من يدها خلفه الى أن إقتربا من الفراش قام بدفعها بقوته لتقع فوق الفراش قبل أن تلتقط نفسها، كان يجثوا فوق جسدها يُقبل شفاها بضراوة وختى جذب ملابسها من فوق ساقيها يتحسس جسدها بشهوانيه لكن فجأة نهض عنها يلهث قائلًا بغضب:

قومي غوري من الاوضه وممنوع أى حد يعرف باللى حصل ده.

نهضت إنتصار تشعر بإرتباك ورهبه توجهت نحو باب الغرفه بأقدام مُرتعشه، لكن وقفت قبل أن تضع يدها على مقبض الباب وقامت بهندمة ملابسها، وسمعت تحذير سامر لها:

إياكِ حد يعرف باللى حصل وقتها هكدبك ومش بس هيتقطع عيشك،مش بعيد تنطردي من البلد كلها بفضيحه.

برهبه خرجت من الغرفه تقف جوار الغرفه تلهث لكن لعقت شفتيها تبتسم بإشتهاء.

بينما دلف سامر الى حمام غرفته، وقف على حوض الوجه يبصق على إنعكاسه بالمرآة يشعُر بتقزُز.

ــــــــــــــــــــــــــــ

ليلًا

بمنزل أيمن

إبتسمت سهيله لـ سحر وهويدا اللتان ترتديان ملابس أنيقه، تسألت:

رايحين فين بالشياكه والأناقه دى.

تبسمت سحر لها قائله:

رايحين فرح على راس الشارع ،بقولك أيه ما تغيرى هدومك وتعالي بسرعة أهو تفرجي عن نفسك شويه.

فكرت سهيله للحظه ثم إبتسمت ووافقت قائله:

ثوانى أغير هدومى.

بضجر إنتظرت هويدا مع سحر حتى عادت سهيله تبتسم لهن،ثم ذهبن الى ذالك الصوان المنصوب بداخله شادرًا للعُرس،نظرن الى أحد الاماكن الخاليه وذهبن إليها وجلسن يرسمن بسمه على وجوههن من تلك المظاهر البسيطه لعُرس بسيط.

....

بسرايا شُعيب، كان آصف مُمددًا فوق فراشه يشعر بضجر منذ أن عاد من البحيرة بصُحبة سهيله، كان يود البقاء معها طوال الوقت، فكر عقلهُ ونهض من على الفراش لما لا يخرج يسير بالبلده ربما ذهب عنه ذلك الضجر،بالفعل خرج من السرايا يسير ساقته قدميه الى بداية الشارع التى تقطن فيه سهيله،توقف لأحد أهالى البلده الذى أوقفه يقوم بالتبجيل به وبشجاعته وقام بدعوته لدخول صوان ذلك العُرس البسيط،ببساطه وافق آصف عل مظاهر العُرس تُذهب عنه شعور الضجر،دلف معه الى الصوان،جلس بأحد الاماكن يبتسم على تلك المظاهر البسيطه

لكن

فجأة تسلطت إحدي كاميرات مصوري الزفاف على وجه سهيله الباسم، وإعتلت صورتها شاشه رئيسيه بالمكان ظلت لثوانى معدودة،

اثارت تلك الصورة غيرة ذالك الجالس بنفس المكان تقريبًا

ونظر نحو سهيله شعر بغضب وهو يرى ذالك المصور يجول بكاميراته بين الحاضرين بالمكان وأصبح قريبًا للغايه من سهيله، نهض بغضب متوجهًا الى مكان جلوسها، لكن بسبب زحام حفل الزفاف وهو يحاول السير دون الإحتكاك بين الموجودين

وصل متأخرًا الى ذالك المكان تفاجئ بعدم وجود سهيله، فقط كانت أختها ووالداتها هن من يجلسن ومقعد سهيله لم يظل شاغرًا بل هنالك أخرى جلست عليه، تيقن هى غادرت، تنفس بعُمق وحسم قراره سيذهب الى منزلها الآن.

بينما قبل دقيقه نهضت سهيله وإنحنت على والداتها تُخبرها أنها ستُغادر لم تعُد تتحمل الضجيج، كذالك مُجهده من عملها بالمشفى، تبسمت لها والداتها،

بينما تسألت هويدا بعد مغادرة سهيله:

هى سهيله راحت فين؟.

ردت سحر:

سهيله هتروح البيت بتقول صدعت.

تهكمت هويدا، لكن وقع بصرها على آصف الذى كاد يقترب منهن وعيناه مُسلطه نحوهن للحظات تتبعت سيرهُ بين الجموع الى أن غادر هو الآخر ، تهكمت لديها شبه يقين أن هنالك مشاعر خفيه بين آصف وسهيله، ربما غادر الإثنان ليلتقيا سويًا..

شعرت بالحقد، مالت على أذن والداتها تُخبرها أنها تشعر بصداع وتود العوده للمنزل.

وافقت سحر هويدا ونهضت هى الاخري كى تعودان الى المنزل.

بينما ذهب آصف الى منزل سهيله، وقف أمام ذلك الباب الحديدي الصغير الذى على الجانب الآخر للمنزل، يغلق المنزل مع سور حديقه صغيره بالكاد بضع أمتار تعتبر مدخل آخر للمنزل،

أدخل يده من بين ذاك الفراغ الصغير بالباب وقام بفتح ذالك الترباس الذى يغلق الباب من الداخل، فتح الباب ثم تسلل الى تلك الحديقه ما هى إلا ثلاث خطوات وأصبح أمامه سُلم صغير ، بضع درجات، صعد مباشرةً، تبسم يبدوا أن الحظ يسانده، باب تلك الشُرفة شبه مفتوح بسبب حشر تلك الستارة بين ضفتي الباب، ببساطة دفع الباب، ثم دخل الى الغرفه.

بعد مرور ثلاث أسابيع

بحوالى الحاديه عشر صباحً

بالبنك الزراعي بالبلدة

كان هنالك لفيف من كبار شخصيات المحافظه يُرافق الوزير الذى جاء الى البلده من أجل إفتتاح تجديد مقر البنك، كان من ضمن الحضور "أسعد شُعيب" أو بالأصح على رأسهم فهو من ساهم بدعم وتجديد هذا المقر خدمة منه لأهالى قريته، ظنًا منهم أنه رد جميل لهم على إنتخابه نائبًا عنهم، فبوجود بنك خاص لهم بقريته الذى نشأ فيها، ما هو الا دعايه وتسويق له، تجولوا بالمبني، وبدأوا بدخول مكاتب الموظفين التى أصبحت تُضاهى مكاتب البنوك الأساسيه فى الرقى

لكن توقف أسعد للحظه حين دخل الى أحد المكاتب وقع بصرهُ على تلك الفتاة التى نهضت واققه حين دلف هو وغيره الى المكتب الخاص بها مع زُملائها، تبتسم لكن هى الأخرى تركز بصرها على أسعد، سمعت عنه الكثير ، كذالك رأته من بعيد لكن لم تراه عن قُرب مثل هذه المره، لأول مره تتأمل ملامحه، رغم أنه كهلًا وتعدى عمرهُ الستون بسنوات لكن ييدوا بعُمر أصغر بالكثير شباب بنهاية الاربعينات، فقط شيب شعر رأسه هو الواضح من عُمره،لكن حتى هذا يُعطيه وقارًا،إقترب أسعد منها ومد يدهُ لها بالمصافحه سألًا:

إنتِ من البلد هنا.

ردت بذوق وصوت هادى:

أيوه.

لمعت عينيه ببسمه سألًا:

إسمك أيه؟.

ردت بتوضيح:

أسمِ "هويدا أيمن الدسوقى الغتوري"

تبسم لها،ثم إنتبه الى هؤلاء الضيوف،اللذين تسألوا عن سير العمل كذالك إستمعوا لبعض المُقترحات منها كانت عيناه مُصبه بالنظر لها لفت نظره أيضًا حِنكتها فى الرد على بعض الإستجوابات وكذالك المُقترحات، حاول أن لا يلفت إنتباه الآخرون له وخرج معهم من الغرفه،لكن قبل أن يغادر المكتب رمقها بنظره وإيماءة رأس مُبتسمً،ردها كان إبتسامه حاولت أن تُظهرها بسمة خجل مصحوبه بثقه.

بينما لفت ذالك نظر عادل الذى كان معهم بالمكتب،شعر بغِيره من ذلك المُتصابي فى نظرهُ،لكن ضغط على ذر التحكم لديه حتى لا يُثير غضب ويُصبح هو الخاسر،لكن بعد خروج تلك اللجنه من المكتب إقترب من هويدا ونظر لهيامها بغضب قائلًا:

على فكره اللجنه مشيت من المكتب،ومعتقدش أنهم هياخدوا بمقترحاتك العظيمه،بلاش تنسى إننا هنا فى بنك زراعي وفى قريه،مش بنك إستثماري فى القاهرة.

فاقت من هيامها بضجر من حديث عادل،ونظرت له بسخريه قائله:

عارفه إننا فى بنك زراعي مش إستثماري، وعادي أنا قدمت مُقترحات مش أكتر،ناسى إن الوزير كان من ضمن اللجنه،يمكن يعرف إن فى كفاءات مدفوسه فى بنوك صغيره.

تهكم عادل:

كفاءات،المُقترحات اللى قولتها دى مش من دماغك ولا تفكيرك،ده مُقترحات أنا كنت بتكلم فيها معاكِ،بس مش مهم،لانى متأكد إنها ولا تفرق مع الوزير ولا غيرهُ.

تضايقت هويدا وتسألت:

قصدك بمين غيره؟.

رد عادل بسخريه وإستهزاء:

قصدى اللجنه اللى معاه وعلى راسهم،نايب دايرتنا المحترم اللى مش بنشوف وشه غير فى المناسبات الخاصه،وبمجرد ما طلع من باب المكتب نسى كل نظره وبسمه كان بيجامل بيها عشان طبعًا بسمته دعاية له،خلاص فاضل سنه على الانتخابات ولازم يبدأ يخطط من دلوقتي للدعايه،يعنى كل كلامه اللى قاله هنا كان ناعم وله غرض من وراه مش مدح لوجه الله.

نظرت هويدا له بإستهجان وغضب،وقالت:

كل اللى قولته أنا عارفاه،خلينا نكمل شغلنا،وبلاش ننم كتير.

تهكم عادل قائلًا:

تمام،بس على فكره أنا نسيت أقولك إن خلاص حجزت قاعة الفرح بنفس الميعاد اللى سبق وإتكلمت فيه مع عمِ أيمن،بعد شهر.

نظرت له هويدا بضجر وأومأت برأسها،ترسم أمانى أخرى،مازال لديها وقت.

ــــــــــــــــــــــــــــــــــــــــــــ

فى الجامعه

على عكس ما كانت تفعل سابقًا لم تكُن تذهب للجامعه سوا لحضور المحاضرات العمليه فقط، أصبحت تذهب للجامعه شبه يوميًا تبحث عن ذلك الوسيم "طاهر" لكن كآنه طيف وإختفى لم يظهر بالجامعه مرة أخرى، زفرت نفسها بعد أن تجولت بالجامعه كلها بحثً عنه لم تراه، شعرت ببعض الإرهاق، خرجت من الجامعه،شعرت بسوء مُضاعف من سوء الطقس البارد المصحوب برياح رمليه،لم تستطيع تحمُل دخول بعض ذرات الغُبار بعينيها، توجهت الى ذالك الكافيه القريب من الجامعه، دلفت وجلست خلف إحد الطاولات وطلبت من النادل مشروب ساخن .

بعد دقائق عاد لها النادل بالمشروب ووضعه أمامها، وإبتعد قليلًا

لكن تبسم وقال بترحيب بصوت شبه عالى:

تيتو،جيت فى وقتك،الواي فاي بتاع الكافيه مش شغال،يظهر الراوتر باظ،كمان فى شاشتين من شاشات العرض شكلهم كده محتاجين صيانه.

لفت إنتباهها صوت النادل وإلتفت برأسها تنظر إليه،كان طاهر يُعطيها ظهره للحظات قبل أن يرد على النادل:

تمام،متقلقش جايب معايا شنطة العِده أهى خدها خليها عندك هنا وهاتلى كوباية قهوه تفوقني عشان عندى سكشن عملي بعد ربع ساعه هيخلص عالساعه واحده وأرجعلك نعمل كشف على الراوتر والشاشات كلها.

أومأ له النادل وأخذ منه تلك الحقيبه قائلًا:

تمام،دقيقه راجعلك بالقهوة بس بلاش تنسى تجي بعد السكشن فى ماتش مهم الليله ومش عاوز زباين الكافيه تطفش.

تبسم تيتو قائلًا:

لاء متقلقش مش هنسى،وبعدين شنطة العِدة هنا،يعنى راجعلك، أخلص بش السكشن رغم انه مالوش لازمه بس لازم أثبت حضور عشان درجات العملي .

تبسم له النادل وبعد دقيقه عاد له كوبً بلاستيكيًا، أخذه من يدهُ وغادر تصحبهُ نظرات تلك الجالسه

بعد إنتقلت من مكانها الى مكان آخر بنفس الكافيه لكن بطاوله خلف واجهة زجاجية تطل على الشارع مباشرةً تنتظر أن ترى قدوم طاهر مره أخرى، تنظر بين الحين والآخر الى ساعة هاتفها تشعر ان الوقت لا يمُر كادت تسأم من الإنتظار،كذالك شعرت بإمتلاء معدتها من كثرة تلك المشروبات التى تناولتها كي تُبرر جلوسها وحدها بالكافيه لكل هذا الوقت

تشعر بخجل من طول الإنتظار كذالك ترتبك من نظرات النادل كلما آتى لها بمشروب ربما تخشى أن يسألها إن كانت تنتظر أحدًا ...لكن زفرت نفسها براحه حين رأت سير طاهر بالشارع قريب من الكافيه،لكن شعرت بغصه حين دلف الى الكافيه ورأته يتجاذب الحديث مع فتاة تسير معه الى أن

جلست خلف أحدى الطاولات بينما ذهب طاهر الى ذلك النادل وقف قليلًا معه ثم عاد الى تلك الفتاه مُبتسمً قال لها شئ ثم تركها...تأملت النظر جيدًا الى تلك الفتاة بنظرها هى عاديه،حقًا ترتدى زيًا مُلائم لطالبة جامعيه وحجاب يُخفي شعرها،بينما رأت طاهر يقوم بفحص بعض الشاشات الخاصه بالكافيه،كذالك يتجاذب الحديث بمزح مع النادل،ولاحظت أيضًا أن تلك الطاوله التى كانت تجلس عليها الفتاة آتى آخرون من الجنسين وأصبحوا مجموعه،لكن عادت بنظرها الى طاهر الذى شبه أنهي عمله،يبدوا أن لديه خِبرة فى صيانة تلك الشاشات،نهض مُبتسمً،وذهب نحو طاولة زُملائه وجلس معهم كانت جلسة تألف وصداقه بريئه بين الزملاء دون مُزاح سافر،شاور عقلها عليها أن تنهض وتذهب إليهم تجلس معهم فقط من أجل لفت نظر طاهر،لكن نفضت ذلك الفضول فبأي تبرير تجلس معهم هى لا تعرف أحدًا منهم سوا طاهر وكان لقاء عابر،ربما حتى لا يتذكره،لكن هى مُخطئه هو الآخر رأها منذ أن دلف لأول مره الى الكافيه،وإنشرح قلبه حين رأها حين عاد مره أخرى،بداخله هو الآخر يود التعرُف عليها عن قُرب،لكن يمنعه أنه لا يريد أن تقول عليه فضولي.

طغت مشاعر كل منهما وإنتهى اللقاء،دون أن يقتربا من بعض،لكن ترك هذا اللقاء أمل أن يلتقيا مرة ثالثة عساها تُقربهم من بعض.

ــــــــــــــــــــــــــ

بمنزل أيمن

إستيقظت سهيله بفزع بسبب تلك الأصوات العاليه كذالك بعض الصرخات،ازاحت عنها دثار الفراش ونهضت مُسرعه تخرج من الغرفه رأت والداتها تضع وشاح ثقيل على كتفيها تسألت بإستفسار:

فى أيه يا ماما أيه الصريخ ده.

تنهدت سحر بضجر وأجابتها:

ده من عند الجيران إنت عارفه إن الراجل المفتري مش بيبطل ضرب ولا خناق مع مراته.

زفرت سهيله نفسها:

هو الراجل ده مش هيعقل أبدًا ويحس انه بقى جِِد والمفروض يحترم مراته حتى قدام نسوان عيالها،ليه بيقل بقيميتها وبقيمته هو كمان.

تهكمت هويدا التى دلفت الى المنزل بلا مبالاه وقالت:

بلا وكسه عياله نفسهم كده مع نسواهم، بنفس قلة الإحترام، راحه فين ياماما، بلاش تروحى تسلكِ بينهم، بلاش الراجل ده يقولك كلمه ملهاش لازمه، هما هيعملوا الشبطة والأزعرينا دى شويه وهيهدوا ولا كآن حاجه حصلت، هما ناس بهايم غاوين فضايح.

نظرت لها سحر بتفكير ثم قالت:

حرام الست بتصرخ مره تانيه، أنا رايحه أبعده عنها، وإنتم كملوا تجهيز الغدا زمان أيمن راجع.

تهكمت هويدا ولم تُبالى دلفت الى الغرفه أبدلت ثيابها ولم تفعل شئ،بينما سهيله هى من أكملت تجهيز الطعام.

بعد العصر

ازاحت هويدا الدثار عن رأسها وقالت بضجر:

اوف مش عارفه أنام بسبب الشمس اللى جايه من البلكونه،إقفلى شيش البلكونه.

ردت سهيله التى تجلس على الفراش الآخر تقوم بقراءة بعض المراجع وتدون بعض الملخصات على حاسوبها ذو الأمكانيات البسيطه:

فين الشمس اللى بتقولى عليها دى،الجو النهارده هوا ورياح،ربنا يستر متمطرش غير لما أرجع من النبطشيه...ولو قفلت شيش البلكونه هشغل نور الكهربا بتاع الاوضه إنتِ شايفه،إنى بنقل ملخصات من المراجع عشان الدرسات العُليا،والمراجع دى فى منها انا جيباها إستعارة من مكتبة الجامعه ومن بعض الدكاترة زمايلى،ولازم ارجعها لهم فى أقرب وقت،إنتِ عارفه تمن المرجع الواحد من دول كام، أكتر من مرتب شهرين كاملين،معليشى إستحملي كلها ساعتين وهروح المستشفى.

ضجرت هويدا وقالت بزهق:

يعني عشان حضرتك تاخدى الدرسات العُليا تزعحيني أنا ليل ونهار، ليلة إمبارح بسبب إنك سهرانه طول الليل ونور الاوضه والع معرفتش أنام،وصحيت بدرى الصبح عشان أروح شُغلى وإنتِ نمتِ براحتك لحد بعد الضهر،وطبعًا ميهمكيش راحة غيرك المهم طبعًا راحة نفسك.

شعرت سهيله بالآسى من ضجر هويدا منها،نهضت من فوق الفراش وحملت ذلك الحاسوب وتلك المراجع وقالت لها:

لاء يهمني راحتك إنتِ كمان،أنا هطلع أكمل فى أوضة السفرة وإقفلى شيش البلكونه وإرتاحي،حتى بالليل مش هزعجك هبقى نبطشية سهر يعنى مش هرجع غير بكره الصبح.

تهكمت هويدا على سهيله وهى تخرج من الغرفه ونهضت تغلق الشُرفه،كذالك أغلقت باب الغرفه خلفها وقالت بإستهزاء:

دراسات عُليا وبعدها دكتوراة مفكره نفسها مهما وصلت هتعجب "آصف شُعيب"اللى عندي يقين إنها بتحاول تتلاعب بيه ويمكن كمان بتستدرجه،وعامله فيها الملاك اللى مش بتحب الغلط.

*ــــــــــ*

بينما خرجت سهيله من الغرفه وتوجهت الى غرفة السفره وضعت الكُتب كذالك الحاسوب على المنضده، ثم قالت:

الجو ساقعه أروح اعمل لى كوباية شاي أدفى بيها وأهو أركز شويه عشان أنجز وأرجع المراجع دي لمكتبة الجامعه فى الميعاد اللى قولت عليه.

بالفعل بعد قليل عادت لغرفة السفره بدأت تتفحص تلك المراجع

الى أن دلفت سحر الى غرفة السفره تشعر بضيق من هويدا وقالت لـ سهيله:

مش بتذاكري ليه فى الاوضه جوه دفا عن هنا، وكمان تمددِ جسمك شويه عالسرير بدل

ما إنتِ محنيه كده عالسفره.

تبسمت سهيله وقالت:

لاء هنا أفضل من الاوضه،لما بمدد عالسرير،بحس صحيح بالدفا بس ببقى عاوزه أنام هنا ببقى مصحصه.

وضعت سحر يدها تمسد على كتف سهيله بحنان، تعلم إنها تُبرر كذبً حتى لا تضجر من أفعال هويدا وتبسمت لها قائله:

ربنا يوفقك يارب.

تبسمت سهيله لها قائله:

إدعيلى يا ماما أنا داخله على موال طويل،السنين اللى فاتت كانت سهله،الدراسات العّليا والماجستير والدكتوراه موالهم طويل.

تبسمت لها سحر بحنان قائله:

ربنا يسهلك كل عسير،هروح أدفى لك كوباية لبن وأجببهالك تشربيها تدفيكِ.

تنهدت سهيله قائله:

لاء اللبن ممكن ينيمني،قهوه أو نسكافيه من بتاع الواد تيتو أبو رغوة تلاته فى واحد .

تبسمت سحر وقالت لها: تمام هعملك نسكافيه.

تبسمت سهيله وعادت تنظر الى تلك المراجع لكن فجاة دق رنين هاتفها،للحظه تلهفت وجذبته،لكن خاب أملها حين رأت هوية المُتصل،كانت إحدى زميلاتها بالمشفى،قامت بالرد عليها،ثم وضعت الهاتف على المنضدة جوار الحاسوب وزفرت نفسها بعُمق،تشعر بشعور سيئ فى قلبها،آصف منذ تلك الليله التى آتى بها الى هنا وهو لم يعُد يُهاتفها مثلما كان يفعل سابقًا،حتى إن هاتفته هى يكون رده مُختصر،ذمت نفسها تشعر بغصه فى قلبها كذالك بعض الندم،ربما إحتدت عليه كثيرًا تلك الليله،لكن هو من أخطأ ماذا ظن أن تفعل حين تُفاجئ به فى منزلها وغرفة نومها...تذكرت ما حدث تلك الليله.

[فلاشـ باك]

دلف آصف الى تلك الغرفه تبسم ونظر الى الغرفه لم يكُن دخوله الأول الى منزل والد سهيله سبق وآتى لهنا لإصطحاب سامر من هنا مرة واحده كان يُذاكر مع سهيله بأيام إمتحانات الثانويه العامه وتأخر الوقت،وشكت والداته يومها أنه تعمد السهر،أو ربما لم يذهب الى سهيله كما قال،وقتها إستقبله والد سهيله الذى كان يسهر جوارهما حتى انه كان يساعدهم بالمراجعه،الليله ثانى مره يدخل للمنزل،وبالأخص لتلك الغرفه التى تبدوا غرفة سهيله بسبب الوان الغرفه كذالك فرش الفراشان تبدوا غرفة فتيات

توجه نحو باب الغرفه الذى يفتح على بقية المنزل وضع يدهُ فوق مقبض الباب وكاد يفتحه

لكن قبل أن يفتح الباب سمع صوت عطس سهيله أكثر من مره،إنتظر دخولها للغرفه يترقب رد فعلها حين تراه.

بينما من خلال مدخل المنزل الآخر دلفت سهيله،وأغلقت خلفها الباب تشعر بإرهاق قامت بخلع وشاح رأسها وتركته على كتفيها،لكن أثناء سيرها تعثرت بتلك الحقيبه المدرسيه الكبيره المُلقاة على الارض،تنهدت بإرهاق وإنحنت تحملها قائله:

دي شنطة النادى بتاع رحيم أكيد رجع من النادى وملقاش ماما فى البيت رماها ودخل نام زى عادته.

حملت الحقيبه ودلفت بها الى غرفة أخويها،تبسمت وهى ترا رحيم ينام ببطنه على الفراش غير مُغطى رغم برودة الطقس،وضعت تلك الحقيبه مكانها وتوجهت نحو فراش رحيم وقامت بتعديل وضعيته للنوم،وقامت بدثره بالدثار،فتح رحيم عينيه وتبسم لها قائلًا بموده:

إن شاء الله هتتجوزي راجل محترم مش جلنف زى عادل خطيب هويدا الاتنين زى بعض،وأنا هبقى ظابط ومش هتقدر تضربني ولا تقولى يا جحيم.

تبسمت سهيله وهى تُداعب خُصلات شعره بموده قائله:

عيب تغلط فى هويدا وخطيبها دى أختك الكبيره،وبعدين فاضلك خمس سنين دراسه على ما توصل لكلية الشرطه،يلا نام عشان عندك مدرسه الصبح،عشان تبقى فايق لدروسك يا سيادة الضابط مستقبلًا.

تبسم رحيم لها قائلًا:

تصبحِ على جنه.

تبسمت له وخرجت من الغرفه وأغلقتها ثم توجهت الى تلك الغرفة التى تُشاركها مع هويدا، لكن عطست أكثر من مره،كذالك شعرت ببعض الإحتقاق بحلقها،

أكملت سيرها بإرهاق قائله:

واضح إنى داخله على دور برد، أما أدخل آخد مضاد حيوي قبل الدور ما يشتد عليا.

بمجرد أن فتحت باب الغرفه،جذبها آصف وأغلق باب الغرفه وثبتها على حائط بالغرفه وضع يده على شفاها حتى لا تصرُخ،ينظر لها بعشق يبتسم

بينما سهيله إنفزعت ووقفت صامته تشعر بهلع للدقيقه ظلت واقفه دون رد فعل كأنها فقدت الإدراك...بدأت تعود للإدراك تلتقط نفسها بصعوبه بسبب يده الموضوعه على فمها رفعت يدها تُزيح يدهُ، وهى تنظر له بسخط شديد، بينما آصف شعر برجفة شفاها أسفل يده إزداد الشوق بقلبه وهو يُزيح يده عن فمها وهام بالنظر الى وجهها وتسلطت عيناه على شفاها بتلقائيه منه أحني رأسه يتمنى الظفر بـ قُبلة.

لكن دفعته سهيله بإستهجان وغضب قائله:

إنت إزاي دخلت البيت.

إبتعد للخلف خطوه بعد أن خاب أمله فى الحصول على قُبله،تنفس بعُمق يحاول وئد أشتياقهُ، وظل ينظر لها، بينما نظرت سهيله نحو باب الشرفه وتيقنت انه تسلل عبر باب الحديقه، نظرت له بإستهجان أكثر، قائله بإستهزاء:

حضرة المستشار اللى المفروض مسؤول أمن الناس وعارف حُرمة البيوت وكان لازم عليه يراعيها، داخل بيوت الناس يتهجم زى الحراميه ومش حاسس إن ده مش بس يعتبر إعتداء على أمنهم، لاء كمان إنتهاك لحُرمة أهل المكان إتفضل زي ما دخلت من البلكونه أخرج منها.

نظر لها بإندهاش قائلًا:

إنتِ بتطردينى؟.

تهكمت سهيله قائله بتعنيف:

لاء طبعًا غلطانه المفروض أرحب بيك أقولك تشرب أيه،وإنت داخل البيت من البلكونه زى اللصوص.

شعر آصف بغضب وكاد يتحدث لكن بنفس الوقت سمعا الإثنين صوت آتى من خارج الغرفه، نظرت سهيله

له بغضب،ثم فتحت باب الغرفه بمواربه،رأت دخول كل من سحر وخلفها هويدا،أغلقت الباب سريعًا ونظرت الى آصف تكز على أسنانها من الغيظ وتحدثت بخفوت:

إتفضل أخرج من البلكونه، وبلاش تهز صورتى قدام أهلى، هقول لهم أيه لما حد منهم يشوفك معايا فى اوضتى، كان لازم عقلك يفكر.

شعر آصف بغضب ونظر لها قائلًا:

تمام هخرج بس مش هسمحلك تكلميني بالطريقه دى تانى.

تهكمت سهيله بغضب وقالت بخفوت:

وعاوزني أكلمك بأى طريقه،بعد كده لازم تفكر قبل ما تقتحم بيوت الناس،وإتفضل وبلاش كلام كتير،هويدا ممكن تدخل الاوضه ولو شافتك تبقى مصيبه كبيره صورتى قدام أهلى ثقتهم فيا هتتهز ويفكرونى ماشيه على حل شعري معاك.

قالت سهيله هذا وجذبت وشاح رأسها تستر شعرها الذى أثار بداخل آصف شعور خاص ومد يده السليمه وكاد يتلمس تلك الخُصلات الثائره من أسفل الوشاح.

لكن سهيله صفعت يده بغضب وإستهجان وأشارت له بيدها نحو باب الشرفه، مما أثار

تهكم آصف قائلًا بغضب:

مش هنسالك إنك طردتينى من بيتكم.

ردت سهيله بلا مبالاة:

يكون أفضل وإتفضل إخرج بسرعه.

توجهت سهيله ناحية باب الشرفه وفتحته له كى يخرج،نظر لها بغضب لأول مره تراه على وجهه،غادر من الشرفه كما دلف،بنفس اللحظه نظرت له سهيله وهو يخرج من باب الحديقه الحديدى حتى انه صفعه خلفه بقوة غاضبًا لم يُغلق الباب جيدًا،كادت سهيله أن تذهب خلفه وتُغلق الباب لكن دخول هويدا الى الغرفه أربكها،وأغلقت ضفتي الشُرفه تشعر بتوتر،بينما هويدا شكت بوقوف سهيله خلف تلك الشُرفه وتسألت بخباثه:

مش ده صوت باب الجنينه إترزع،مين اللى فتحه.

توترت سهيله وقالت:

فين الصوت ده،ومين اللى هيفتح الباب،تلاقى الهوا السبب،الهوا جامد النهارده،يمكن ضرب فى الباب،أنا كنت بتأكد من قفل شيش البلكوكه وكمان الإزاز بسبب الهوا هما كمان كانوا بيخبطوا.

إقتربت هويدا من باب الشُرفه وأرادت أن تتأكد من ظنها لكن قبل أن تفتح باب الشُرفه سمعا الإثتين نداء سحر عليهن، توترت سهيله وقالت لها:

ماما بتنادي علينا خلينا نشوفها عاوزه أيه.

إستشفت هويدا إرتباك سهيله وكادت تُصمم على فتح باب الشرفة لكن نداء سحر عليهن جعل سهيله تسحب هويدا من يدها وقالت لها:

خلينا نروح لـ ماما.

بإستسلام مُرغم من هويدا ذهبت معها لخارج الغرفه، رغم زيادة الشك لديها، خرجن من الغرفه، تبسمن لـ سحر التى قالت لهن بإنزعاج:

بنادي عليكم مفيش واحده فيكم بترد ليه.

تهكمت هويدا وردت بـ فجاجه:

معليشِ الطرش جالنا.

نظرت لها سحر بغضب وقالت لها:

بطلي قلة الذوق بتاعتك ومردك الناشف ده، الست فتحيه جارتنا إتصلت عليا وعاوزانى أروح معاها نودي عشا العروسه، هروح وياها ومش هغيب، لو أيمن جه قبلى أبقوا قولوا له.

تهكمت هويدا بحركة شفاها الساخرة، بينما تبسمت سهيله قائله:

حاضر يا ماما بس بلاش تغيبِ معاها.

ردت سحر:

لاء مش هغيب.

غادرت سحر بينما نظرت سهيله ببسمه لـ هويدا وقالت لها:

عقبال ما ماما تودي لك عشا العروسه قريب.

تهكمت هويدا ونظرت لها بإشمئزاز وتركتها وتوجهت الى غرفتهم بداخلها كانت تود كشف رياء سهيله البريئه.

[عـــــودة]

عادت سهيله من تلك الليله تشعر ببعض الندم ربما إحتدت على آصف لكن هو من إخترق حُرمة البيت،ولم يُفكر إذا رأه أحد معها بغرفة النوم بماذا كانت ستبُرر تواجده معها،لكن هو منذ تلك الليله أصبح باردًا معها عكس السابق كان يُهاتفها أكثر من مره فى اليوم، تنهدت حائرة من ردت فعله الجافه تلك الفترة الماضيه، دمعه سالت من عينيها لا تعلم سببها

ـــــــــــــــــــــــ

بنفس الوقت، بمحطة قطار أسيوط دلف أصف الى أحد عربات القطار أسيوط التى ستتوجه الى القاهرة

جلس على المقعد المثبوت برقم تلك التذكره

عدل من وضعية المقعد الخاص به وإتكئ برأسه على مسند الرأس وأغمض عينيه وتبسم وهو يفتح هاتفه ونظر الى تلك الصوره وتنهد هامسًا لنفسه بعد ان إتخذ القرار، هو جاهد طوال الفترة الماضيه وحاول أن يتغلب على مشاعره التى تجرفه شوقًا الى تلك التى دائمًا ما تحتد عليه لن يدع لها فرصه لتبرير بعد ذالك وتأجيل إرتباطهم، سيضعها أمام الامر الواقع بعد أن يقوم بطلب الزواج منها من والداها مباشرةً دون إخبارها سابقًا.

ـــــــــــــــــــــــــــــــــــــ

بـ سرايا شٕعيب

فى حوالى الحاديه عشر مساءً

فجأة شعر آسعد بسُهد وطار النوم من عينيه... نظر جوارة الى شُكران الغافيه وفكر للحظات ونهض من فوق الفراش وجذب مِعطف ثقيل وخرج من الغرفه بهدوء توجه الى غرفة المكتب الخاصه به، فتح بعض المستندات، لكن شعر بضيق منها أغلقها وظل جالسًا لدقائق، قبل أن تعود صورة تلك الفتاة التى قابلها صباحً بالبنك، لا يعلم لما تعمد مُصافحتها، ليرى ذلك الخاتم الخاص بالزواج ببنصرها اليمين ، شعر بضيق منه، لام نفسه على ذلك الشعور الذى يتملك منه يريد رؤية تلك الفتاة مره أخرى، لكن ذم نفسه ونهض قائلًا بإستقلال:

دى حتة موظفه وأبوها كمان موظف على قده مش من مقامك يا

آسعد، نهض من خلف المكتب وذهب نحو المطبخ، قام بفتح الثلاجه بحث عن اللبن، جذب عبوة خاصه وقام بسكب القليل منها فى إيناء وقام بإشعال الموقد ووضع الإيناء عليه وإنتظر قليلًا، ثم سكب الحليب بكأس وجلس على مقعد بالمطبخ يحتسى منه، لكن فجاة كادت صورة تلك الفتاة أن تعود لمُخيلته، لكن قطع ذالك شعوره بيد توضع على كتفه، رفع رأسه ونظر لـ شكران التى تبسمت له قائله بإستفسار:

مالك يا حاج أيه اللى صحاك دلوقتي.

تنهد اسعد قائلًا:

مفيش بس يمكن وجودي بصحبة الوزير طول اليوم أرهقني، وقولت أشرب كوباية لبن تهدى جسمِ شويه، بس إنتِ أيه اللى صحاكِ دلوقتي.

جلست شكران على مقعد مقابل له وتنفست بشعور سيى قائله:

مش عارفه فجاة كده حسيت بحاجه تقيله على قلبِ، زى ما تكون هتخنقني.

رد أسعد:

إنت مش بتاخدي علاجك بإنتظام؟.

ردت شكران:

صفوانه ظابطه الوقت بالدقيقه، بس مش عارفه سبب التُقل ده أيه.

رد أسعد:

يمكن تقلتِ فى العشا.

ردت شكران:

برضوا لاء، مش عارفه، خير يارب

أومأ أسعد لها قائلًا بتبرير منطقى:

يمكن بسبب بُعد آصف وأيسر عنك.

تنهدت شكران بإشتياق لهما وقالت:

يمكن، حتى آصف متصل عليا الصبح ولسه هساله هتجي أمتى الخط قطع، وبعدها لما إتصلت عليه بعت رساله أنه عنده جلسه فى المحكمه، وهيتصل المسا، ومتصلش، هو اكيد إتعمد إنه ميتصلش.

تسأل أسعد:

وليه هيتعمد عدم الإتصال.

تنهدت شكران بسأم:

بيتهرب، كل ما أكلمه على موضوع إنه يتجوز يتهرب مني، حتى قولت له لو فى دماغه واحدة معينه أطلبها له إتهرب مني، وقالى كل شئ بآوان.

رد أسعد بتوافق:

وأمتى الآوان ده هيجى، هو خلاص عدا التلاتين سنه، أما يجي المره دى أنا هتكلم معاه، ولازم يوافق يتجوز.

تبسمت شكران له قائله:

كلمه بس بلاش تغصب عليه، يمكن فى دماغه واحدة معينه بيحبها ومستني يفاتحها هى الأول.

تهكم آسعد قائلًا بغطرسه:

يفاتحها الأول على إعتبار إن فى بنت تقدر ترفض واحد من ولاد

"أسعد شعيب"

أنا هتكلم معاك فى الاجازة الجايه وهاخد منه موقف حاسم فى الموضوع ده.

ـــــــــــــــــــــــــــــ

بحوالى الثانيه عشر صباحً

بـ المشفى

بغرفة الاطباء

جلست سهيله على أحد المقاعد تشعر بإرهاق وتثائبت أكثر من مره، تبسمت لها إحدي الطبيبات قائله بمرح:

إحنا لسه فى أول الليل هتنامى من دلوقتي.

تثائبت سهيله قائله:

والله محتاجه أدخل أى أوضه فى المستشفى وأمدد جسمي على السرير وأنام من إمبارح منمتش غير ساعتين وصحيت مخضوضه كمان.

تبسمت لها الطبيبه قائله بغمز:

وأيه السبب فى تطير النوم من عين الدكتورة أيه بتحبِِ.

تبسمت سهيله، أجل هى تُحب وآصف له نصيب كبير فى سُهادها فى الفتره الأخيرة، لكن قالت بتوضيح:

لاء السهر مش بسبب الحب، بسبب الدراسات العّليا اللى بدأت فيها كم مراجع وأبحاث دماغي قربت تسيح من المعلومات، هقوم أنزل البوفيه أجيب لى قهوه دوبل وأشربها عشان أصحصح وأكمل بقية النبطشيه، أنا المفروض تخصُص اطفال مش عارفه سبب نبطشية السهر دي أيه؟.

تبسمت لها الطبيبه قائله:

وقسم الأطفال اللى فى المستشفى ده اكتر قسم فيه حالات مرضى.

تصعبت سهيله بآسى قائله:

فعلًا والله قلبي بيتقطع لما بشوف طفل بيتآلم، ربنا يشفيهم يااارب، يلا أجيبلك معايا قهوة.

أمائت الطبيبه راسها قائله:

لاء أنا لسه شاربه فنجان دوبل من شويه كُتر القهوة غلط.

تبسمت سهيله وغادرت الغرفه

توجهت نحو البوفيه الخاص بالمشفى طلبت من العامل كوبً مضاعف من القهوه وإنتظرت قليلًا حتى أعطى له كوب بلاستيكي، أخذته منه وغادرت

لكن أثناء سيرها مرت من أمام إحدى غرف الكشف بالمشفى، سمعت صوت عالى كذالك اصوات حركة شئ معدنى بالغرفه، ميزت صوت سامر بوضوح وتلك التأوهات

تنرفزت وشعرت بالغضب منه وقالت بإستياء:

واضح إنه مبسوط بالقذارة اللى بيعملها، بس المفروض يحترم المستشفى أكتر من كده.

لم تهتم سهيله وعاودت السير، لكن توقفت حين سمعت صرخه خفيفه واضحه بتأوه، قالت بغضب:

لاء كدة كتير، ولازم يتحط له حد.

عادت تلك الخطوات وبلا إذن فتحت باب الغرفه

ودلفت خطوة بداخلها تصنمت وتجمد جسدها لم تشعر بسقوط كوب القهوه من يديها ولسعت محتواه لساقها، وهى ترا سامر يترنح يضع يديه حول عُنقهُ الذى ينزف بغزارة قبل أن يسقط أرضًا أمام ساقيها ينتفض جسدهُ، كآن عقلها فقد الإدراك للحظات لم تشعر الا حين سمعت صوت إغلاق باب الغرفه قبل أن تنظر خلفها كانت تشعر بضربه قويه على رأسها من الخلف ثم سقطت أرضًا متآلمة تشعر بغشاوة.

على نغمات تلك الأغنيه التى تتردد كلماتها فى آذانه تفوت مباشرةً الى وجدانه،كآنها تصف حالة قلبه.

"آه على قلب هواهُ محكم

فاض الجوى منه فظلما يكتم

ويحي أنا بحت لها بسره

أشكو لهـا قلباً بنارها مغرم

ولمحت من عينيها ناري وحرقتي

قالت على قلبي هواها محرم

كانت حياتي فلمـا بانت بنأيها

صار الردى آه علي أرحـم

كل القصايد من حلا عينيك

من دفا إيديك كتبتن وقولتن

هودي القصايد مش حكي يا روحي

هو بكي القصايد هو لكِ كلن

كل القصايد"

كان صداها يتردد عبر أثير هاتف أحد رُكاب القطار إمتزجت كلمات

ونغمات الأغنيه معًا تطرب قلبه مباشرةً، أغمض عينيه لتحتل صورة أمنيه يتمنى أن تتحقق فى التو،رأى نفسه بمكان تُحيطه أشجار عاليه تحاوط ذلك الفضاء الواسع ذو الإضاءه الخافته، نظر الى تلك الخيمة المُستطيله ذات اللون الوردي تحتل مكان جانبي صغير

مُزينه بأكاليل الزهور المُنسدله فوق تلك الاعمده التى تحاوطها تلك اللمبات الصغيرة سبب إضاءة المكان كذالك يحاوطها ستائر حريريه تهتز بنسائم الهواء الخفيفه، توجه بخطوات هادئه نحو تلك الخيمه وفتح إحدى أطراف تلك الستائر أزاحها بيديه على جنب

تبسم حين وقع بصره نحو ذالك فراش المُزين بالزهور التى ينتشر عبقها

تحولت نظرته لوله حين وقعت عيناه على تلك الجالسه على طرف الفراش تُخفض وجهها بحياء، رغم أنها تُخفيه خلف وشاح أبيض مُزين بتاج من زهور دوار الشمس البيضاء والصفراء،وترك تلك الستائر تنسدل مرة أخرى خلفه وهو يسير نحوها مع كل خطوة يزداد فى قلبه الغرام والإشتياق،لم يتوقف أمامها بل

إنحنى قليلًا وجثي على ساقيه أمامها ومد يدهُ لها،بتلقاىيه وخجل وضعت يدها بيدهُ، نهض واقفًا، وهى الأخري نهضت واقفه أمامه،

بشوق وتوق ترك يدها ورفع يديه يُزيح ذلك الوشاح الذى يُخفي وجهها عنها...

كانت صوره بديعيه لها أمام عينيه العاشقه،زهره خلابه تسُر قلبهُ قبل عينيه،هى أمامه عروسً كما يتمنى،إنحني برأسه على جبينها طابعًا قُبلة عشق...بخجل تبسمت له،جذبها من يدها وخرجا من تلك الخيمه

الى البراح، رفع يدهُ الاخري ونظر لها مُبتسمً، وهى تضع أناملها بين كف يدهُ يتمسك بها ثم ترك يدها الاخرى سُرعان ما وضعها حول خصرها وضمها لجسدهُ، يدور بها مُستمتعان بتجاوب خطواتهم معًا،

يسمعان صوت تلك الآنغام ممزوجه مع أصوت حفيف الأشجار الهادئ كآنهما توافقا على

معزوفة غرام خاصه بهم، كانت معزوفه رائعه مجهوله الهويه، هما فقط من يعرفان هويتها فهي معزوفة العشق الصافي الذى يسكن قلب كل منهما للآخر.

مع نهاية الأغنيه كانت نهاية الطريق وتوقف القطار بآخر محطه له"القاهرة"

مُرغمًا فتح عينيه كان يود البقاء بذالك الخيال طوال العُمر، يود البقاء هو وهى فقط بمكان واحد دون حواجز تفرضها هى عليه، نهض واقفًا وجذب تلك الحقيبه الصغيره وترجل من القطار

مجرد بضع خطوات على رصيف القطار تقابل مع ذاك السائق الذى إقترب منه وإنحنى يأخذ تلك الحقيبه من يدهُ قائلًا بإحترام:

نورت القاهرة يا سيادة المستشار.

ترك آصف له الحقيبه مُبتسمً بود قائلًا:

شكرًا، كويس إنك متأخرتش بس فين العربيه.

رد السائق:

لما كلمتنى عالموبايل وقولتلى إن القطر خلاص داخل عالقاهرة جيت فورًا، والعربيه راكنها جنب محطة القطر.

تبسم آصف له قائلًا:

تمام هات مفاتيح العربيه وإرجع إنت بيتك تصبح على خير.

أعطى له السائق سلسلة مفاتيح قائلًا:

وإنت من أهله يا سيادة المستشار، توصل بالسلامه.

بعد دقيقتين

وضع السائق تلك الحقيبه بالمقعد الخلفى للسيارة وأومأ لـ آصف الجالس جلف المقود برأسه وغادر

بدأ آصف بقيادة السيارة بداخل قلبه مازال يشعر بإنشراح من تلك الخيال،تنهد بشوق وأخرج علبة سجائره وأشعل إحداها زفر دُخانها الذى نظر له ببسمه وهو يتذكر ضيق سهيله وإستهجانها الدائم عليع بسبب تدخينه،وتجهمها أكثر من مره من ذالك،لكن أكمل تدخين السيجارة،وهو يتذكر ذكري أخرى لـ سهيله،ذكرى أول لقاء بينهم

[فلاشـ باك]

كان شابً يافعًا بعمُر الحاديه والعشرون،كان يدرس وقتها بالسنه قبل النهائيه بكلية "الحقوق"

كان صاحب جسد فاره يُعطيه هيبه

كان يقوم بعمل بعض التمرينات الرياضيه القاسيه بحديقة السرايا

كان يجلس سامر على طاوله قريبه منه يحسب له مدة ذالك التمرين القاسى،حتى آتت إحدى الخادمات ونظرت لـ سامر قائله:

فى بنت واقفه عند باب السرايا الداخلى بتقول إنها زميلتك فى المدرسه وإسمها"سهيله أيمن الدسوقى"

تبسم سامر لها قائلًا:

آه دى فعلًا زميلتي فى الفصل وكانت كلمتني من ساعه كده أنها عاوزه مَلزمه خاصه بالإحياء كمان كان بقالها كام يوم غايبه من المدرسه وطلبت مني أعرفها خدنا أيه فى المنهج فى الأيام اللى فاتت،دخليها الصالون وأنا جاي فورًا.

ذهبت الخادمه بينما توقف آصف عن تلك التمرينات يلهث وغمز

لـ سامر بمزح قائلًا بإيحاء:

مش بدري عالغراميات دى إنت يادوب كملت سبعتاشر سنه من كم شهر.

تبسم له سامر قائلًا:

غراميات أيه،دى زميلتى فى الفصل وبعدين غراميات ومع سهيله،دي

بالذات ملهاش غير فى الدراسه وبس،يلا هروح أستقبلها مش حلوه تنتظر كتير،دى ذكيه جدًا وهتنفعني فى الامتحانات.

غمز له آصف قائلًا:وماله يبقى حب مصلحه.

تبسم سامر له وهو يغادر قائلًا:

سهيله ولا ينفع معاها حُب من أساسه،كمل تمرينك.

توقف آصف للحظات حتى هدأت أنفاسه بعد تلك التمارين،لا يعرف لما هنالك شعور بالفضول لديه أراد رؤية تلك الفتاة،جذب منشفه صغيرة وقام بتجفيف عرق وجهه وتوجه الى داخل السرايا،كاد يمُر من أمام غرفة الصالون،لكن لفت نظرهُ تلك الواقفه تُعطيه ظهرها كانت نحيفه قليلًا ومحجبه رغم صِغر عُمرها،إزداد الفضول لديه لرؤية وجهها،دلف الى الصالون وتنحنح

إستدارت سهيله ظنًا منها أنه سامر،لكن سُرعان ما أخفضت وجهها بحياء حين تفاجئت بشاب يرتدى سروال قطني قصير يمزج بين اللون الأسود والأحمر لمنتصف فخذيه،كذالك فانله بحمالات من نفس ألوان السروال،يضع منشفه حول عُنقهُ،جسدهُ بالنسبه لها ضخم.

بينما هو حين إستدارت ورأى وجهها شعر كآن سهمً أصاب قلبه،لم تكُن جميله للغايه ،لكن وجهها ملائكى برئ رغم أنه يبدوا على ملامحها بوضوح أنها مُجهده أو ربما كما قال أخيه أنها كانت مريضه،رغم أنه رأى فتيات أجمل منها لكن لم تُثيرن لديه أى شعور عكس تلك النحيفه ذات الملامح البريئه التى ظل ينظر الى ملامحها وكاد يتحدث معها،لكن دلف سامر الى الغرفه يحمل بيديه تلك المَلزمه وبعض الكُتب،نظر سامر لـ آصف بإستغراب من وجوده بالغرفه،بينما تنحنح آصف يشعر أنه يريد البقاء والتحدُث معها،لكن مُرغمً سيطر على نفسه وتجاهل ذالك الشعور وخرج من الغرفه وتركهم سويًا،ذهب الى غرفته تدلى مباشرةً الى المرحاض نزع عنه ملابسه ونزل أسفل ذلك الصنبور يشعر بهطول المياه فوق جسده،لكن شعور آخر يغزو عقله،أو بالاصح يُحركهُ قلبه يود رؤيتها مره أخرى الآن،سريعًا إنتهى من الإستحمام وخرج للغرفه يرتدى ثيابهُ ثم خرج من الغرفه وتوجه ناحية غرفة الصالون بفضول كان باب الغرفه مواربً،ظل واقفًا يتأمل سهيله التى مازالت جالسه مع سامر يتحدثان الى نهضت واقفه بعد وقت قليل واخذت من يد سامر تلك المَلزمه وتلك الكُراسات،وتوجهت نحو باب الغرفه،وكادت تخرج منها لكن توقفت لوهله حين تفاجئت بـ آصف أمامها مباشرةً بعد ان حسم أمره يود الحديث معها،رفعت بصرها تلاقت عينايهم للحظات كانت كفيله بإرسال إشارات تخترق القلبان مباشرةً،شعرت سهيله بخجل،لكن هذه المره تبسمت فهو أمامها يرتدى ملابس أخرى شبابيه تستُر جسده،تنحى آصف مُرغمًا حتى مرت سهيله وغادرت لكن ظل ينظر فى أثرها الى أن خرجت من باب السرايا...كان هذا اللقاء الاول الذى ترك بداخل الإثنين رغبة الرؤيه مره أخرى،وبالفعل تكررت اللقاءات

لكن ظل أول لقاء صامت لهما له تآثير قوى عليهما.

[عـــــودة]

تبسم وهو يتذكر ذلك اللقاء الصامت بينهم،شعر بشوق لمعرفة رد فعلها حين يضعها أمام الامر الواقع ويطلب يدها من والدها،حسم القرار لا داعى للإنتظار أكثر من هذا لن يُعطيها فرصه للتحجُج بأى حِجه بعد الآن أى حِجه لن ينتظر من أجلها،

بسبب برودة الطقس كذالك التوقيت المتأخر كان الطريق شبه خاليًا ساهم فى تسريع سرعة السيارة ليصل الى البلده فى وقت قياسي.

ــــــــــــــــــــــــــــــ

بمنزل أيمن

غرفة هويدا

لم تستطيع النوم،لا تعلم سبب لذالك الشعور براحة الذهن،ان كانت من عدم وجود سهيله معها بالغرفه،أم من ذالك الكهل الذى تُفكر فيه ،نهضت من فوف الفراش شعلت ضوء الغرفه وتوجهت ناحية خزانة الملابس فتحت إحدى الضُلف الخاصه بها،وجذبت ذلك الكيس المُعلق وذهبت نحو الفراش أخرجت منه فستان أسود لامع خلعت عنها رداء النوم وقامت بإرتداء ذالك الفستان الذى كان بلا أكمام عاري من فوق الكتفين ينسدل بضيق على جسدها يصل لمنتصف فخذيها، يُبرز أنوثتها وساقيها الممشوقه بسخاء،نظرت لإنعاكسها فى المرآه بإعجاب من أنوثتها التى يُبرزها الفستان،ذلك الفستان التى إشترته من التسوق عبر الإنترنت وأخفته حتى لا تراه والداتها ولا سهيله ويسألان لما إشترت فستان هكذا،وهى لن ترتديه كانت بنصف ثمنه إشترت أكتر من طقم مناسب لها وللحجاب التى تضعه فوق رأسها دون إقتناع فقط تضعه واجهه حتى تُظهر أنها مُتدينه،أسدلت خُصلات شعرها الشبه قصير والتى تداوم على صبغه بأحدث وأغلى المُرطبات التى تقتنيها من راتبها بالبنك،لا تشعر بالمسئؤليه سوا ترفيه عن نفسها فقط،تركت أمر جهازها الى والداها اللذان يُدبرانه دون أن تعرض عليهما المساهمه حتى ولو لجزء صغير،تستمتع براتبها التى تدخره وتُنفقه على ما تشتهيه من أجود وأغلى الماركات،ذهبت نحو الدولاب مره أخرى وجذبت علبه متوسطه وضعتها فوق التسريحه وجلست على مقعد وأخرجت من تلك العلبه الأنيقه الخاصه بأدوات التجميل وبدأت تضع على وجهها تلك المساحيق بعنايه،تُبرز جمال ملامحها، صبغت شفاها بلون أحمر ناري،ونظرت لإنعكاسها،رأت نفسها أيقونة جمال،تآسفت على حالها،فهذا الجمال محكوم عليه أن يبقى مدفونًا وهى تعيش هنا بتلك القريه صغيرة كذالك تعمل بـ بنك وضيع،وآخر ذالك هو خطيبها الموظف مثلها،فكرت ماذا لو كان تبدل الوضع وكان خطيبها يُشبه ذلك الكهل "أسعد شعيب" ليس فى الملامح بل فى الثراء

كانت إستمتعت بجمالها،وأوهام يصنعها عقلها البطار عن حياة ترسمها أن تكون سيدة مجتمع يشهد الجميع بذكائها وأناقتها،لكن حين تعود للواقع تشعر ببؤس وهى مدفونه بتلك القريه النائيه،لكن لو إبتسم لها الحظ وكان شعورها صحيحً أنها اليوم لفتت نظر ذلك الكهل ربما يتغير كل هذا،وأحلام ورديه لو حصلت فقط على دعم منه وإرتقت للعمل بأحد بنوك الإستثمار...

فاقت من تلك الاوهام بسبب سماعها لصوت سُعال خارج الغرفه سريعًا أبدلت ثوبها وعادت لمنامتها مره أخرى ونظفت ملامحها من تلك المساحيق،وعاودت دس تلك الأشياء بتلك الضلفه وأغلقتها وﭢطفأت ضوء الغرفه حتى لا يراه أحد شاعل ويدخل يسألها لم تركت الضوء الليله وتتذمر من سهيله لو أضائته، توجهت نحو الفراش تمددت عليه،تشعر بأمنيات لو واحدة تحققت لإنصلح حالها...أغمضت عينيها تستسلم لأوهامها.

ـــــــــــــــــــــــــــــــ

بالمشفى

إختل جسد سهيله وإنخفضت بجسدها أرضًا إرتزكت على رُسغيها تشعر بدوخه بسبب تلك الضربه التى تلقتها على رأسها،شعرت كذالك بغشاوة بعينيها لثوانى قبل أن تستدير لرؤية من القاتل كان إستغل ذالك وخرج من الغرفه وأغلق خلفه الباب،

لثوانى حتى إستطاعت سهيله السيطرة على وعيها مره أخرى،نظرت لـ سامر المُمدد أرضًا ينتفض جسده ودماء غزيرة تسيل من عُنقه،إقتربت منه لكن لسوء حظها كان ذالك المبضع جوار رأسه مباشرة بلا إنتباه وضعت يدها عليه بالخطأ وهى تحاول إنقاذ سامر،بعد أن أسرعت وجذبت ملآة فراش الكشف وحاوطت عُنقه بها تكتم إندفاع الدماء،ونهضت واقفه تشعر بترنُح لكن سيطرت عليها إنسانيتها وفتحت باب الغرفه وصرخت بقوة حتى يآتى أحد العاملين بالمشفى ويساعدها بنقل سامر الى غرفة العمليات لإنقاذه، آتى أحد العاملين بالفعل ودلف الى الغرفه

إنذهل حين رأى تلك الملآة ملفوفه حول عُنق سامر،وقف مُتصنمًا للحظات،حتى صرخت عليه سهيله قائله:

بسرعه هات ترولى ننقله بيه لاوضة العمليات وشوف دكتور جراحة فى المستشفى.

للحظات مازال العامل واقفًا مشدوه،حتى صرخت عليه سهيله مره أخرى،خرج مُسرع،وظلت سهيله تحاول كتم الدماء وقالت:

سامر قولى مين اللى عمل فيك كده.

همهم سامر ببعض الكلمات لم تستطيع تفسيرها قبل أن ينتفض جسدهُ ويسكُن بلا حركه.

إنصدمت سهيله من ذلك وحاولت إنعاش قلبه بالضغط بيديها لكن بلا جدوى،لقد نفذ الأمر وفاضت روحه،دموع سالت من عينيها وهى جاثيه جوار جسدهُ تشعر بآسى عليه كذالك بفشلها فى إنقاذه،نطقت الشهادتين عليه بقلب مُنفطر،بنفس الوقت آتى ذالك العامل ومعه إثنين من المُسعفين وطبيب آخر ونظروا الى سامر علموا أنه توفى، نظر لها الطبيب ثم للآخرين وتحدث بآمر ونهي:

محدش يلمس أى حاجه،ولازم نبلغ الشرطه فورًا.

بالفعل خلال دقائق كانت شرطة الجنايات تُعاين الغرفه كذالك جسد سامر

جذب أحد الأفراد ذلك المبضع ووضعه بكيس بلاستيكِ خاص،وعاينوا الغرفه بتدقيق ثم أمر المُحقق بأخذ جثة سامر الى المشرحه،ثم خرج من الغرفه،سأل الطبيب الآخر قائلًا:

فين الدكتورة اللى قولت إنها كانت مع القتيل.

رد الطبيب:

موجوده هنا فى المستشفى.

طلب المُحقق:

تمام ممكن فين اوضة المدير المناوب فى المستشفى،كمان لازم نبلغ أهل القتيل.

أشار له الطبيب على الغرفه وذهب معه بعد لحظات دلفت سهيله الى الغرفه بعد أن ذهب آخر لإحضارها الى الغرفه...تسأل المُحقق:

ياريت تحكيلى بالتفصيل أيه اللى حصل؟.

سردت سهيله ما حدث بالتفصيل،كان المُحقق يستمع لها الى أن إنتهت من سردها،فاجئها بالسؤال:

وإنتِ شوفتى مين اللى كان معاه فى أوضة الكشف؟.

ردت سهيله بنفى:

لاء،لأنه ضربني على راسى جامد ودوخت ولما فوقت كان هدفى أنقذ سامر.

لفت نظر المُحقق نُطقها لـ إسم سامر بلا ألقاب وتسأل بإستفسار:

واضح إن فى بينك وبين القتيل معرفه قويه بدليل نُطقك لإسمه بدون لقب دكتور؟.

ردت سهيله ببساطه:

إحنا كنا زملاء من ثانوي وكمان أهل بلد واحده وكنا بنذاكر مع بعض حتى لما دخلت كلية الطب هو كمان دخل لمدة سنه كلية طب خاصه وبعدها حول طب عام وفضلنا زملاء.

أومأ المحقق برأسه قائلًا:

آه تمام.طب إنتِ قولتى إنك سمعتِ أصوات قبل ما تدخلى الاوضه،يا ترا تعرفى مين اللى كان مع الدكتور أو عالاقل تقدري تخمني؟.

تعلثمت سهيله للحظه وهى تقول:

لاء مقدرتش أفسر غير صوت سامر بس.

لاحظ المُحقق تعلثُمها وفاجئها:

للآسف يا دكتورة أنا مُضطر أقبض عليكِ.

إنفزعت سهيله وتعلثمت قائله:

تقبض عليا ليه،أنا كنت بحاول أنقذهُ.

وقف المُحقق وأشار إلى أحد معاونيه،فهم إشارته وإقترب من سهيله وفتح تلك الأصفاد...

نظرت سهيله للمُحقق بفزع وقالت:

أنا قولت اللى حصل ومش أنا اللى قتلته،لو أنا اللى قتلته كنت هفضل معاه فى الاوضه واحاول أنقذهُ.

رد المُحقق بموضوعيه:

للآسف يا دكتورة،واضح جدا أنها جريمه وإنتِ المتهم الاول لحد ما الطب الشرعى يحقق فى الأدله الموجودة،ولحد الفصل فى ده مُضطر أقبض عليكِ،بس طبعًا ليكِ الحق تكلمِ حد من أهلك عشان يقوم لك محامى.

نظرت سهيله بهلع الى المُحقق ماذا يقول،هى بريئه لم تفعل شئ سوا أنها حاولت إنقاء سامر،لكن إمتثلت غصبً وفتحت هاتفها وقامت بالإتصال على هاتف والدها وإنتظرت للحظات حتى رد عليها بهدوء فى البدايه رغم رجفة قلبه بإتصالها وهى بوقت عملها بالمشفى بهذا الوقت المُتاخر من الليل،

لكن نهض من فوق الفراش مفزوع سألًا:

هتبقى فى أي قسم وأيه اللى حصل.

نظرت سهيله الى ذالك المُحقق الذى أشار لها الا تتحدث كثيرًا...وقالت إسم قسم الشرطه بإمتثال:

لما تجي للقسم هتعرف يا بابا.

أغلقت سهيله الهاتف ونظرت الى المُحقق الذى أشار لمعاونه أن يضع بيديها الاصفاد

بالفعل جذب المعاون له يديها ووضع الاصفاد حولهم وأغلقها

شعرت سهيله بفزع وإنقباض فى قلبها حين سمعت صوت إغلاق الأصفاد حول معصميها.

بينما بمنزل أيمن

كل ذره فى جسدهُ ترتعش وهو يغلق الهاتف الذى كاد يسقط منه أرضًا لو ان تمسك به قبل أن يصل للأرض،إستيقظت سحر أيضًا بسبب صوت رنين الهاتف ورأت فزع أيمن إنفزع قلبها هى الأخرى وإنتظرت غصبًا حتى أنهى المكالمه وسألت بترقُب:

فى ايه يا أيمن،سمعتك بتكلم سهيله وبتقول لها قسم أيه،أيه اللى حصلها؟.

رد أيمن وهو يخرج ملابس له من الخزانه ويرتديها بسرعه:

معرفش لما سألتها قالتلى لما تجى القسم هتعرف.

هلع قلب سحر وقالت:

هلبس واجي معاك قلبِ مش مطمن.

رد أيمن بنهي:

لاء خليكِ هنا،وأنا هبقى اتصل عليكِ،يمكن أمر سهل،حد من المرضى إتهجم عليها ولا حاجه،خليك.

بصعوبه وافقت سحر،رغم شعورها السيئ.

****

بـ سرايا شُعيب

للتو وصل آصف الى السريا

كان السكون يعم المكان

قبل أن يُفاجئ بوالده ووالداته الإثنين يخرجان من غرفتهم يبدوان بملامح مُترقبه ومُرتعبه...

تفاجئ هما أيضًا بمجئ آصف ونظرا له بإستغراب، دون حديث وأكملا سير

إستغرب آصف سائلًا:

فى أيه ملامحكم شكلها مرعوبه هو أنا بخوف أوى كده.

ردت شكران:

سامر... توقفت للحظه تبتلع ريقها وأكملت:

إتصلوا على باباك وطلبوا منه يروح لهم القسم بسببه.

لوهله ظن آسعد ان ربما فعل سامر أمرًا تافهًا وتشاجر مع أحد وقال بتهجم:

متخافيش أوى كده، يمكن الأمر بسيط، خليكِ الجو بره برد وهيتعب صدرك، أنا هتصل أقولك فى أيه؟.

وافقت شكران بصعوبه لكن طلبت من آصف الذهاب مع والده.

إمتثل آصف وذهب معه الى مركز الشرطه.

*****

بعد قليل بمركز الشُرطه

بغرفة التحقيقات

بإستثناء من المُحقق ترك سهيله مع والدها لدقائق معدوده لم تتعدا خمس دقائق ودلف الى الغرفه قائلًا:

أنا عملت لحضرتك إستثناء،بس بلاش تضرني،والأفضل إنك تقوم محامى للدكتورة،لأنها للآسف أول المتهمين فى الجريمه،إن مكنتش هى المتهمه الوحيده.

بمضض خرج أيمن من تلك الغرفه شبه تائه بعدما سردت له سهيله ما حدث معها بإختصار،وعلم أنها متهمه بالقتل، ولن تعود معه للمنزل ستبقى الليله بالحجز لحين إستكمال التحقيقات...

لحُسن حظ أيمن أنه خرج من باب آخر للمركز لم يتقابل مع سيارة آصف الذى دخل من باب آخر ومعه آسعد توجها الآثنين الى غرفة المُحقق مباشرةً، دلف آصف أولاً ثم خلفه آسعد الذى ترك آلامر لـ آصف وقام بتعريف والده قائلًا:

سيادة النائب"أسعد شعيب" وأنا

"آصف شعيب" مستشار أول بمحكمة جنايات أسيوط.

صافح المُحقق آصف ثم أسعد وسرد لهم ما حدث عن مقتل سامر..

إنصعق الإثنين ولم يُصدقا فى البدايه لكن ليست كذبه.

رغم ذهول عقل آصف لكن قال بوعيد:

وعرفتوا مين اللى قتله؟.

رد المحقق دون ذكر إسم:

لغاية دلوقتي الأدله اللى لقيناها فى الاوضه مع القتيل هى المشرط اللى إندبح بيه تقريبًا وده إتحول للطب الجنائى لرفع البصمات،وكمان كان فى دكتوره معاه فى الأوضه،بس للآسف أوضة الكشف مفيش كاميرات مراقبه عليها مفيش غير كاميرا فى الممر بعيد شويه ومعرفش هتجيب اللى دخل أو خرج من الاوضه فى الميعاد ده أو لاء،غير كمان أمرت بتفريغ كاميرات المراقبه اللى على أبواب وممرات المستشفى كلها،والتحقيقات مازالت مستمره.

شعر أسعد فجأة كآن ساقيه تهدلت وجلس على أحد المقاعد يشعر كآنه هُرم فجأة،بينما آصف شعر بتوهان أكثر وتسأل:

فين جثة سامر.

رد المُحقق:

الجثه فى مشرحة المستشفى،عشان تكملة بقية إجراءات التشريح.

نظر آصف لـ أسعد ثم للمحقق قائلًا:

تمام أنا عاوز أشوف الجثه.

نهض المُحقق قائلًا:

حضرتك مستشار فى الجنايات وعارف الإجراءات ممنوع قبل إنتهاء الطب الشرعى وتقديم التقرير النهائي.

تعصب أسعد يشعر بنخر فى قلبه ونهض واقفًا بإستهجان قائلًا بإستعلاء:

أيه اللى ممنوع،إنت بتقول إبني إتقتل وكمان عاوز تمنعنى أشوفه إنت متعرفش أنا مين.

حاول آصف التمسُك بالهدوء رغم الحُطام الذى يشعر به وقال:

إهدا يا بابا،الأفضل إنك ترجع للسرايا وأنا هعرف بقية اللى حصل من المحقق.

تعصب أسعد وشعر كآن جسده إختل وقبل أن يسير ترنح أسرع آصف بإسناده،وهو يكبت الحزن فى قلبه،نظر للمحقق وقال له:

دقايق وراجعلك.

أومأ له المحقق برأسه...بينما ذهب آصف مع أسعد نحو السياره،لايعلم أى منهم يحاول دعم الثانى حتى لا يسقط ارصًا فالمصاب آليم..فتح آصف السياره لـ أسعد الذى دلف بها ونظر لـ آصف قائلًا:

خلينا نروح المستشفى،أنا بعلاقاتى هخليهم يفتحوا المشرحه.

حاول آصف معه أن يعدل عن ذالك وينتظر سماح القانون الذى يدافع عنه لكن رنين هاتف أسعد الذى لا يهدأ جعله يمتثل وذهب معه الى المشفى.

بعد قليل

بغرفة المشرحه

فتح أحد العاملين لهم الغرفه خِلثه

دلف الإثنين الى الغرفه جذب العامل أحد التوابيت،كانت لجثه مُغطاة بملأه بيضاء لكن عليها أثار دماء،لوهله شعر أسعد بأمل وجذب الملآة من فوق وجه سامر،لكن ضعف قلبه أكثر،إنها جثه هامده لا روح فيها،لكن لفت إنتباة آصف ذالك الضماد الملفوف حول عُنق سامر الذى كان شبه مُدمي،شعر كآن فجأة تحجر قلبه ليس فقط قلبه بل الدمعه أيضًا تحجرت بعينيه التى أصبحت شبه داميه كآنها تنصهران، بينما أسعد لم يستطع الوقوف أكثر من ذالك، خرج يسير بترنح يستند على حوائط الغرفه، بينما آصف مازال مُتصنم أمام جثمان سامر، يتآمل ذالك الجرج العميق بعُنقه يتسأل عقله من صاحب القلب الحاجد الذى فعل ذالك وسفك عُنق إنسان،لام نفسه لما لم يسأل المُحقق عن هوية من فعل ذلك، او بالأصح من فعلت ذالك المحقق ذكر أن المتهم طبيبه،بآى حق هى طبيبه.

خرج من الغرفه بغضب ساحق تاركً الزمام لغضبه المهدور، سمع رنين هاتف أسعد الذى لا يهدأ،نظر الإثنين لبعضهما يعلمان هوية المتصل إنها "شكران"

نظر أسعد لـ آصف بإنهزام قائلًا:

هرد عليها أقول لها أيه؟.

رد آصف بتعسف وغضب:

قبل ما نرد عليها لازم أعرف مين الدكتورة اللى المحقق قال إنها المتهمه.

بعد دقائق عاد آصف الى مركز الشرطه ترجل من السياره وترك أسعد المكلوم، ودلف الى المركز مباشرة الى غرفة المُحقق وفتحها دون طرق على الباب، وسأل المحقق مباشرةً:

مين الدكتوره اللى قولت إنها المتهمه فى قتل أخويا.

فتح المحقق ملف أمامه وقرأ الأسم قائلًا:

إسم الدكتوره"سهيله أيمن الدسوقى الغتوري" وهى محجوزه هنا فى الحجز على ذمة القضيه.

مين!؟.

هكذا كان رد آصف بصدمة... كآن هولها أفقدهُ عقلهُ.

بـعد مرور يومان

قبل سطوع الشمس بـ سرايا شُعيب بغرفة آصف

كان يجلس على ذلك المقعد الهزاز بأحد زوايا الغرفه يتكئ برأسه على مسند الرأس، يُزفر دخان تلك السيجارة الذى لا يخترق عتمة ظلام الغرفه سوا بصيصها الناري، أغمض عينيه للحظه، سُرعان ما فتحهما بإتساع يحاول نفض تلك الصوره عن خيالهُ صورة أخيه المغدور، أجل هو مغدور، لكن هنالك سؤال لا يجد عليه جواب،

لما سهيله فعلت ذلك، وهل فعلت ذلك حقًا، أيُصدق ما قاله له المُحقق أنها أدلت بأقوالها،وأكدت أنها كانت تحاول إنقاذهُ، أم يُصدق تلك الأدله التى تضعها بمكان المتهمه ، لأول مره بحياته يشعر أنه تائه،يود أن يكون هذا كابوسً ويسطع الصباح ويفتح عينيه وينتهي،لكن فاق من تلك الأمنيه الواهيه حين شعر بلسعة عُقب السيجارة لإصبعيه،قبل أن يضعها بالمنفضه قام بإشعال سيجارة أخرى منها يُزفر دخانها،يتذكر أمنيته قبل يومين كان هنالك أمل يسعى إليه بقلبه،الآن يشتعل صراع غاضب بين قلبه الذى يرفض تصديق أن حياة أخيه الأصغر إنتهت بطريقة بشعه

وبين عقله الذى لا يُصدق أن حياة أخيه إنتهت على يد من!

حبيبة قلبه التى دائمًا كانت بالنسبه له رمزًا للملائكيه،بغض النظر عن تحفُظها معه دائمًا،كذالك تهجمها عليه أحيانًا تتهمه بالغرور والتعالي، وحتى إن كان صِدقًا، معها لم يكُن هكذا أبدًا،حتى أنها أحيانًا كانت ما تحاول لفت نظرهُ الى أنه لولا ثراء إسم "شعيب"

ربما ما كان "سامر" أصبح طبيب

المال هو من صنع له كِنية طبيب عكسها هى أصبحت طبيبه عن إستحقاق،كما أنها لم تلجأ يومً لوساطة أحدًا،حتى وساطته رفضتها وذهبت الى الفيوم قضت عامً بمكان نائي دون تذمُر منها،تُظهر أمامه أنها تستطيع التكيُف مع إمكانياتها بجداره،تفرض قوتها...

قوتها!

هل قوتها تلك هى ما تحكمت بها وسفكت دم أخيه؟.

رفض قلبه كل هذا سهيله أرق من هذا الجبروت...

ذم عقله...هى طبيبه وليس صعبًا عليها أن ترى أحدًا يُنازع دون الإهتمام به.

حرب ضاريه بين قلبه الذى يرفض تلك الأدله المبدئيه التى تُدين سهيله

وعقله كـ "قاضي" عليه الآخذ بتلك الأدله التى علم بها سابقًا من المُحقق الخاص بالقضيه

سهيله المتهم الأول،بل والوحيد..

لامه قلبه يلح عليه

لما لا تذهب إليها وتسألها مباشرةً

عقله ينهرهُ:

أول ما هتبص فى وشها هتضعف وهتصدق أنها بريئه حتى من غير ما تدافع عن نفسها قدامك،بلاش مشاعرك لـ سهيله تخليك تضعف وتضل عن طريق العقاب.

حُسم الآمر الآن بيد سهيله سُفك دم أخيك،بالغد ستخرج نتيجة تلك الادله،وستكون قاطعه لتلك الحِيرة إما تؤكد براءة سهيله أو...

أو ماذا هل تمكن الحجود من قلب سهيله لدرجة أن تذبح إنسانً،لامه قلبه وأشار عليه... عليك الإنتظار قبل أن تتسرع.

ـــــــــــــــــــــــــــــــ

بمنزل أيمن فجرًا

أنهي صلاة الفجر ونهض يحمل سجادة الصلاه وقام بثنيها ثم وضعها على مقعد بالغرفه، دلفت سحر بنفس الوقت شعرت بآسف وقالت له:

حرمً، برضوا صليت الفجر هنا، على غير عوايدك قبل كده حتى لو الدنيا برد جدًا كنت لازم تروح تصلِ الفجر فى الجامع، وتقول هكسب ثواب بكل خطوه للجامع غير ثواب الجماعه.

تدمعت عين أيمن، وجلس على الطرف الفراش يُخفض وجهه يتنهد بآسى،جلست سحر لجوارة هى الآخرى تشعر ببؤس وضعت يدها فوق يدهُ وقالت:

عارفه إن مضايق من نظرات الناس عيونهم بتجرح، إدعى

ربنا يزيح الغُمه دى وتظهر براءة سهيله،وقتها تواجه أهل البلد بقلب جامد ببرأتها.

تنهد أيمن قائلًا:

يارب...

قبل أن يُكمل حديثه سمع الإثنين

رنين جرس باب المنزل...شعرا الأثنين برجفه فى قلبيهم،ونظرا لبعضهما تسألت سحر بفزع:

مين اللى هيجي لى لينا دلوقتي،دول لسه مطلعوش من صلاة الفجر.

نهض أيمن برعشه قائلًا:

هروح أشوف مين؟.

بالفعل ذهب محمود نحو باب المنزل يشعر بإرتجاف جسده بالكامل كذالك ترقُب،وهو يفتح باب المنزل،لكن تنهد يأخذ نفسه حين دفعته من كتفه ودلفت الى المنزل مباشرةً تقول بغضب:

إنت نايم وسايب البت مرميه فى السجن،قلبي مش مطمن عليها.

تنهد أيمن قائلًا:

ومين اللى جايله نوم يا عمتِ.

بنفس الوقت كانت سحر تخرج من الغرفه كذالك طاهر ورحيم،اللذان خرجامن غرفتهم كى يعلمان من الذى آتى بهذا الوقت الباكر،

خرجت هويدا بعد قليل من غرفتها تنفض النوم عنها نفخت أوداجها وزفرت نفسها بتذمُر..

بينما نظرت لهم"آسميه"

بإستعلام قائله:

مالكم كلكم طالعين من الأوض ورا بعض،كآنى جايه فى رد دين،ولا الوقت لسه بدري ،الفجر خلاص إدن وكمان خلصوا صلاته وطلعوا من الجامع،وبعدين أنتم نايمين ومرتاحين،مش حاسين بالغلبانه اللى مرميه فى السجن حالها أيه.

تنهدت سحر بآسى،بينما زفرت هويدا نفسها بحقد قائله:

يعنى هنعمل لها أيه هنروح نتسجن بدالها.

نظرت لها آسميه بسخط وقالت بأمنيه:

ياريت ياخدونى بدالها مش همانع.

نظرت لها هويدا بحقد،بينما وضعت آسميه يدها بداخل ملابسها وأخرجت رزمه كبيره من المال ومدت يدها بها نحو أيمن قائله:

خد دول وقوم محامى شاطر خليه يطلعها من الحبس حتى لو بكفاله وأنا هدفعها لها.

نظرت هويدا الى ذلك المبلغ الكبير،سال لُعابها ودت أن تحصل عليه لكن تعلم جدتها جيدًا من ناحيتها لا يوجد تآلف بينهم عكس تآلفها مع تلك الحمقاء التى زجت بنفسها بذلك الإتهام تعلم جيدًا أنها بريئه من ذلك الإتهام لكن بداخلها تريد أن يثبت عليها حتى يعلم الجميع الوجه الحقيقي خلف تلك المثاليه والبراءه التى تدعيها وتعثر على محبتهم.

بينما نظر أيمن للمال قائلًا:

كتر خيرك يا عمتِ إنتِ عارفه إنى قومت لها محامي،وإطلع على القضيه ولسه تقرير الطب الشرعي هيطلع بكره،قصدى النهارده،ويمكن يكون هو سبب برائتها،إدعى لها.

تنهدت آسميه قائله بتمني قائله:

ربنا عالم،قادر يفُك كربها.

آمن الجميع على دُعاء آسميه عدا هويدا التى بداخلها إرادة أخرى تتمنى أن تتحقق.

ــــــــــــــــــــــــــــــ

صباحً

بـ سرايا شُعيب

كان الكرب يسود بين جُدران السرايا نساء، تنوح برياء،وآخرون يثرثرون فى مقتل ذلك الطبيب الشاب على يد زميله له وإحتجازه بمشرحة المشفى لأكثر من يومين دون دفنه...

هنالك أخرى حاقده،تجلس بغرفة ضرتها تدعى الآسى على حالها،بينما بالحقيقه قلبها شامت وسعيد لكن تحاول رسم الحزن برياء،بداخلها كانت تتمنى أن كان أبناء شكران الثلاث شباب معًا...

مثلت الدموع حين دلف آسعد للغرفه ونظر الى تلك النائمه على الفراش شبه غائبه عن الوعى،شعر بآسى، بينما نظرت له شهيرة ومثلت الحُزن:

لابس ورايح فين دلوقتي.

بآسى رد آسعد:

جالى إتصال من النيابه خلاص سمحت بدفن...

توقف لسانه عن النُطق للحظه يشعر بقسوة تلك الجمره فى قلبه لم يكُن يتخيل أن يعيش مثل هذا الموقف يومً، يشعر بداخله كآنه هرم فى العمر فجاةً تضاعف عُمرهُ.

بنفس اللحظه دلف كل من آصف،وآيسر يتشحان بالحُزن،وهما ينظران الى والدتهما التى منذ ان علمت بمقتل أخيهم،رقدت بالفراش مريضه شبه غائبه عن الوعى لمعظم الوقت بسبب تلك الادويه التى يٕعطيها لها الأطباء،لكن اليوم لابد أن تصحو،فاليوم هو يوم وداع "سامر" نهائيًا.

نظرت شهيرة لهم بداخلها حقد كم تود لهذان الإثنان ذلك المصير أيضًا،لكن رسمت الدموع وقالت:

كنت لسه بقول للممرضه الخاصه اللى بتهتم بالحجه شكران بلاش تديها الإبرة اللى بتنيمها طول الوقت دى،غلط على صحتها.

تنهد أسعد بآسى قائلًا:

فعلًا كفايه كده،خلاص لازم شكران تتقبل اللى حصل، وتقعد فى وسط الحريم تاخد عزا إبنها.

نظر كل من آصف وآيسر، لوالداهم، يشعران بقسوته ليس لأول مره يلاحظان ذلك،لكن صوت ذلك الهاتف جعلهم يصمتان،حين قام آسعد بالرد بنغزه يشعر أنها قاتله:

تمام ساعه بالكتير وهنوصل للمستشفى.

أغلق آسعد الهاتف ونظر لها قائلًا بوجع:

خلونا نروح ناخد جثمان سامر عشان ندفنه بعد صلاة الضهر .

نظرا له الإثنين بآسف وآسى، وكاد يذهبان خلفه لكن فى نفس اللحظة فتحت شكران عينيها وعادت للوعى وقالت بدموع ونحيب:

بلاش تاخد الإتنين معاك يا أسعد كفايه واحد راح منهم،خلى آيسر هنا وخد معاك آصف.

وافق آيسر على البقاء جوار والداته يحاول مواساتها، بينما ذهب آصف مع آسعد.

ــــــــــــــــــــــــــــــــــــــــــــ

بعد قليل

أمام مشرحة المشفى

إقترب أحد العاملين بالمشفى من آصف ونظر حوله بترقُب ثم أخرج ذلك المُغلف وأعطاه لـ آصف الذى أخذه منه وكاد يفتحه، لكن العامل وضع يدهُ على يد آصف قائلًا، برجاء:

بلاش تقراه هنا يا باشا بلاش تضرني، حضرتك قاضى وعارف تسريب معلومات زى دى فيها رفد من وظيفتي.

كاد آصف أن يتجاهل رجاء العامل ويفتح المظروف بفضول وتلهف منه،لكن خروج آسعد ومن خلفه ذاك التابوت جعله يُرجئ الآمر لفيما بعد،لكن تلك اللحظه كانت قاسيه جدًا عليه، لولا تلك النظارة الشمسيه التى تحاوط عيناه لرأى الجميع

عينياه اللتان تحولتا الى حمراء مثل عيني الذئب، ليس من السهر فقط بل من هول الموقف عليه، أمامه جثمان أخيه بتابوت موتى، والمتهم بقتله من؟!.

يتمنى أن يصفعه أحدًا على وجهه عله يفيق من هذا الكابوس.

بعد قليل بمدافن العائله

تجمع بعض أكابر البلده وأجوارها للمشاركه فى تشييع جثمان سامر، حتى كان هنالك بعض النساء وعلى رأسهن كانت شهيره وبنتي آسعد من زوجته الاولى، كانت إحداهن تساند شُكران التى أصرت على حضور الوداع الأخير لأصغر أبنائها،كان قريب منها دائمًا منذ صغره لكن بعد أن أصبح شابً يافعًا إبتعد عنها بسبب دراسته كذالك عمله بالمشفى لأوقات طويله،لكن كان الوحيد الذى كانت دائمًا تراه يوميًا عكس أخويه.

إقترب آيسر من مكان دفن سامر وساعد مع آصف بذالك،ثم وقف الإثنين جوار بعضهم،يتلقيان بعض التعازى،لكن إنحنى آصف،وهمس لـ أيسر:

ليه جبت ماما هنا المدفن،مش شايف حالتها.

رد آيسر بآسف:

حاولت معاها بس هى أصرت وصعبت عليا.

تنفس آصف بآسى وبؤس،يحاول التحمل يتمنى أن يُمر هذا الوقت الكئيب والمُضني.

ـــــــــــــــــــــــــــــــــ

بالنيابه العامه

إستلم النائب تقرير الطب الشرعى وقام بفتحه وقرائته بتمعُن،لا يعرف لما شعر بآسف

أهو آسف على ذلك الطبيب المغدور الذى إنتهت حياته ببشاعه،

أم آسف على تلك الطبيبه التى قتلته،أم هل صدق ما قرأوه بأقوالها فى التحقيقات الأوليه كان صدقًا

لكن أىً كان هو ليس سوا جهة توجيه الإتهام والتحقيق فيما معه من أدله ،وبقية النتائج تتكفل بها المحكمه...وضع المُغلف أمامه وقام بإستدعاء أحد معاونيه قائلًا:

هاتلى المتهمه فى قضية قتل

"سامر شُعيب"من الحجز.

أومأ له المعاون وذهب لتنفيذ أمره.

زفر النائب وظل ينتظر الى أن دلف المعاون ومن خلفه سهيله

نظر له قائلًا:

فُك الكلابشات عن إيديها.

شعرت سهيله بإختناق من تلك الأصفاد صوت فتحها كان مثل صرير رياح قويه بليلة شتاء عاصفه تخترق الأذن تترك الرعب والهلع

إزدردت ريقها بعد أن إزالة المعاون الاصفاد عن يديها،نظر النائب للمعاون قائلًا:

تمام إستنى إنت بره لحد ما أنده لك.

خرج المعاون بينما نظر النائب بتمعُن لـ سهيله كانت هيئتها سيئه عيناها الحمراوتان كذالك ملابسها التى مازالت عليها بقايا دماء القتيل،تبدوا ملامحها مُجهده،الخبرة التى إكتسبها من عمله كـ وكيل نيابه وتعامله مع المجرمين ربما أصبح لديه فراسه بوجوه المجرمين،وتلك ليست مُجرمه

لكن هنالك الشِق الآخر لتلك الفراسه وهى أن تكون الوجوه خادعه،وهو مُلزم بحيثيات القضيه...

أشار النائب لـ سهيله على أحد المقاعد قائلًا:

إتفضلي أقعدي.

بتوتر وترقُب وقلب يرتجف جلست سهيله على المقعد،نظر لها النائب قائلًا:

فى كَم سؤال لازم أسألهم ليكِ،هتجاوبي عليا ولا ننتظر حضور المحامى الخاص بيكِ.

تنهدت سهيله

بتوتر وأجابته وهى تزدرد ريقها وحاولت إظهار ثقه وشجاعه :

أتفضل إسأل.

وجه النائب لها حديثه مباشرةً يخبرها بما آتى له فى التقرير الطب الشرعى:

تقرير الطب الشرعى بيقول إن سبب وفاة المجنى عليه هو حرج غائر فى الرقبه أو بمعنى أصح "بتر" بمشرط طبي أدى لنزيف حتى الوفاة،كمان فى المعاينه تحفظنا على مشرط طبي،وراح فحص الجنايات عشان تحديد البصمات اللى على المشرط،وتقرير البصمات....

توقف النائب للحظه وجذب كوبً من المياه وإرتشف منه القليل ثم وضعه ينظر لـ سهيله بترقب حين أكمل بقية الحيثيات:

تقرير البصمات اللى على المشرط بيوضح وجود بصمات المجني عليه،وكمان بصماتك.

تحولت نظرة سهيله له من تماسك الى فزع ونفت ذالك سريعًا قائله:

مستحيل أنا كنت بحاول أساعد سامر.

نظر النائب لها قائلًا:

للآسف يا دكتورة إنت المتهمه الوحيده فى القضيه،لأن جميع كاميرات المراقبه الموجودة بالمستشفى فى الوقت ده مجابتش خروج أى حد نهائى من المستشفى.

ــــــــــــــــــــــــــــــــــــ

بعد إنتهاء عملهما بالبنك

خرج كل من هويدا وعادل معًا من باب البنك سارا الإثنان يتحدثان معًا بإقتضاب، الى أن مرا أمام ذلك الصوان الخاص بالعزاء أمام سرايا شُعيب، تنهدت هويدا بنرفزه وتذكرت أختها كم بغضتها فى هذه اللحظة هى بغبائها أضاعت منها فرصه، ليتها لم تُخبر آسعد بإسمها كاملًا ذلك اليوم بالبنك، ربما كان ساعدها بالعثور على وظيفه مُلائمه وأعلى شآنًا من عملها بهذا البنك الحقير، الذى تتقاضى فيه مرتب ضئيل، لاحظ عادل زفر هويدا، وسألها:

باين إن النيابه سمحت بدفن إبن أسعد شعيب، ها وسهيله عملوا معاها أيه؟.

تهكمت هويدا وقالت:

معرفش أنا كنت معاك فى البنك من الصبح،بس طالما النيابه سمحت بالدفن يبقى وصلت لقرار نهائى فى القضية.

تسأل عادل:

مش المفروض كنت تتصلِ على عم أيمن تسأليه عن اللى حصل،سهيله تبقى أختك.

ردت هويدا بسخط:

للآسف مش معايا رصيد على موبايلى ونسيت أجيب كارت أشحنه،وياخبر بفلوس دلوقتي لما أرجع للبيت هعرف أيه اللى حصل مع سهيله.

إستغرب عادل من برود هويدا،للحظه شعر بالرهبه منها،وشعر أن قلبها جاحد،وكاد يتحدث لكن هويدا تملصت منه قائله:

أنا هدخل للصيدله أشتري شويه مستلزمات خاصه.

كاد عادل أن يقول لها سينتظرها حتى تنتهى لكن وقع بصره على إحداهن تسير من بعيد فقال لها:

تمام براحتك،هبقى أتصل على عمِ أيمن أطمن منه على سهيله.

زمت هويدا شفتيها بإمتعاض ودلفت الى الصيدليه لم تبقى سوا قليل ثم توجهت الى المنزل...

بينما عادل توجه الى منزله ذلك المنزل الصغير ذو الطابق الواحد،ودلف مباشرةً ينادي:

ماما.

خرجت له والداته من تلك الغرفه ببسمه ودوده قائله:

حمدلله عالسلامه،تعالى سلم على

"عفاف"بنت خالك قاعده معايا فى الاوضه جوه.

دلف عادل الى الغرفه وتبسم بإنشراح يخفق قلبه حين رأى تلك"عفاف"لكن سُرعان ما غص قلبة وهو يتذكر أنه فضل فتاة أخرى عليها،بقى حُبه لها حبيس قلبه،فهو لا يستطيع البوح بحب محكوم عليه بالإفلاس

عفاف ذو تعليم متوسط تعمل

كـ بائعه بأحد محلات أدوات التجميل ليس لديها مرتب ثابت شهريًا يستطيعان به تحمل نفقات الزواج،كان إختيار العقل لتلك المتغطرسه الجاحده،التى تعمل معه بالبنك يتحمل سخافتها فقط كى يستطيع الزواج وتساعده مستقبلًا فى تدبير نفقات المنزل بينهم مناصفه،رغم أن لديه فِكر عالى برأسه كذالك بعض المهارات ،لكن تُعدم تلك الافكار والمهارات أمام الفقر.

****

بينما دلفت هويدا الى منزل والداها

لم تحتاج لسؤال عن سهيله حين رأت والداتها تجلس وتبكي بصِحبة جدتها،لم تقف ذهبت مباشرةً الى غرفتها،ألقت حقيبتها على الفراش وجلست جوارها،لا تشعر بآى شئ سوا أنها بسبب سهيله فقدت فرصه مع ذالك الكهل أسعد...تهكمت وفتحت حقيبة يدها وأخرجت ذلك الهاتف الخاص بـ سهيله والذى آتى به زميل لسهيله بالمشفى وجده بالصدفه بأحد ممرات المشفى ليلة الحادث،وللصدفه وقتها لم يكُن أحد سواها بالمنزل أخذت الهاتف ولم تُخبر أحد به

بتلقائيه منها قامت بفتح نمط الهاتف بسهوله هى رأت سهيله ترسم ذاك النمط أمامها أكثر من مره

آتت بجهات الإتصال

فوجئت برسائل آصف الغراميه الذى كان يُرسلها لها،عكس ما توقعت أن تكون سهيله هى من تحاول لفت إنتباهه،كانت المفاجأة

آصف هو المُغرم،وسهيله كانت تتخذ الدلال الحذر فى ردها عليه،شعرت بالبُغض من سهيله،لكن سُرعان ما تبسمت قائله:

طبعًا آصف المُغرم مستحيل يقبل إن حبيبته تكون هى اللى قتلت أخوه...

توقفت للحظه تُفكر بصوت:

بس مش يمكن ميصدقش ويحاول يساعدها ويطلعها براءة.

زمت نفسها وقالت:

معتقدش ده يبقى غبي...لو صدق كُهنها.

ــــــــــــــــــــــــــــــــــــ

مساءً

سرايا شعيب

إنفض أول يوم للعزاء

دلف آصف وآيسر الى غرفة والداتهم شعرا الإثنين بآلم حاد وهما ينظران لوالداتهما الراقده بالفراش غافيه.

نظرت لهم شهيرة وهى تمثل برياء:

صعبت عليا مش مبطله نحيب وعياط على المرحوم، قولت للمرضه تديها إبره تنيمها كم ساعه ترتاح شويه، صحيح مفيش حاجه تقدر تنسيها ولا تسليها وجع فراق سامر، بس فى الاول وجع القلب بيبقي شديد ربنا يهون عليها وعلينا،منها لله اللى كانت السبب فى وجع قلوبنا على سامر،إستفادت أيه لما قتلته بقلب جاحد كده،كان عمل لها أيه ده سامر طول عمره محترم وطيب...أنا لو أطولها كنت دبحتها زى ما دبحته..

ولا لاء انا مقدرش أشوف منظر الدم،إنما دى بدل ما تكون دكتورة وتساعد الناس،لاء بتقتل بدم بارد،أنا مشوفتهاش ولا أعرفها بس سمعت إنها كانت بتيجي هنا كتير وكانت زميلته وأكيد كان بيعطف عليها وهى بدل ما تشكره قتلته،كان عملها أيه،يمكن كانت عاوزه منه حاجه وهو رفض.

بغضب نظر آصف لـ شهيره،بينما تسأل آيسر :

هتكون كانت عاوزه منه أيه،ولما رفض قتلته.

نظرت شهيره لـ آصف الذى عيناه مُنصبه على والداته الراقده وقالت بإيحاء:

يمكن كانت بتغويه عاوزه توقعه فى شباك غرامها،وهو محترم ورفضها و....

قاطعها آصف بغِل قائلًا بغضب:

أعتقد كتر خيرك إنك كنت جنب ماما اليوم كان طويل وأكيد تعبك ،تقدري تروحى ترتاحى وأنا هفضل هنا مع ماما فى الاوضه وإن إحتاجت حاجه الممرضه موجوده.

كادت شهيره أن تتحدث،لكن قاطعها أيسر الآخر بحسم:

كتر خيرك،إحنا موجودين.

شعرت شهيره بالبُغض لهما وغادرت لكن بداخلها تشعر بشماته.

بينما جلس آصف على أحد مقاعد الغرفه،جلس آيسر جواره وضع يده على فخذه قائلًا بضنين:

لغاية دلوقتي مش قادر أصدق إن سامر مات وخلاص إندفن ومش هشوفه تانى.

أغمض آصف عينيه يتمنى أن تدمع عينيه المُتحجره عساه يشعر بهدنه نفسيه،لكن تحولت عيناه الى وهج دموي،قائلًا:

روح إنت كمان إرتاح،أنا محتاج أفضل لوحدي.

إعترض آيسر،يشعر بقلب آصف المُمزق،وقال:

لسه التحقيقات شغاله يا آصف،ويمكن سهيله بريئه بلاش تتسرع....

نهض آصف واقفً يقول بحِده:

مش عاوز أتكلم فى الموضوع ده،إرحمني وسيبنى لوحدي.

شفق آيسر على حال آصف ونهض وإقترب منه وضع يدهُ على كتفه قائلًا بمواساه:

هسيبك مع ماما وهروح أشوف بابا فين، بس

بلاش تتسرع الحُكم يا سيادة المستشار.

نظر آصف له بإستهزاء مؤلم وهو يتذكر سهيلة كثيرًا ما كانت تنعته بـ "سيادة المستشار".

غادر آيسر وظل آصف مع والداته بالغرفه سمع تنهيداتها المؤلمه وهمسها بإسم"سامر"

تذكر ذلك المُغلف الذى أعطاه له العامل،زفر بضيق وهو يتذكر أنه تركه بالسيارة بسبب تلقى العزاء.

ــــــــــــــــــــــــــــــــــــــ

بين حيطان بارده

كانت سهيلة تشعر ليس فقط ببروده السجن بل تشعر بالإختناق،

للـ الليله الثالثه تقضى الليل بين تلك القُضبان، مع بعض المجرمات

تحاول التجنُب منهن حتى لا تأذيها إحداهن، فكرت بـ آصف ودموع تسيل من عينيها، هل سيصدق أنها قتلت سامر، والجواب يعطيه عقلها:

أكيد مصدق بقالى تلات ليالى هنا فى السجن مش معقول معرفش ومجاش من أسيوط.

حاول القلب أن يرسم أمنيه أخرى:

أو يمكن مش مصدق أكيد الحجه شكران تعبت وهو قاعد جنبها.

تاهت بين عقلها الذى لا يريد الإنصياع فى أمانى

وقلبها الذى يعلم بمدى عشق آصف لها، لكن هنالك حدس بقلبها يخبرها بآن هذان الشعوران مُخطئان،لتنتهى ليله أخرى عاشتها بظلام يخنقها خلف تلك القُضبان.

ــــــــــــــــــــــــــــــــــــــــــ

قبل الظهر

بمقر النيابه

دلفت سهيله الى تلك الغرفه

شعرت بغصه حين رأت والداها الذى كان يجلس مع ذلك المحامى الخاص بها، نهض من أجل أن يستقبلها ويضمها الى صدره قبل حتى أن يفتح العسكري لها تلك الأصفاد،ضمته هى الأخرى وسالت دموع عينيها وقالت بصدق:

والله ما قتلته يا بابا.

رفع أيمن يديه يُجفف دموعها قائلًا:

مصدقك يا سهيله،حاولى تجمدى.

تنهدت سهيله بإستهزاء من نفسها ليس من قول أيمن الذى يحاول أن يزرع الامل وقوة واهيه بداخلها

هى أصبحت أضعف بكثير تتماسك غصبًا.

بينما فتح العسكرى الأصفاد من يديها وخرج من الغرفه،جذبها أيمن من يدها لتجلس

تحدث المحامى:

الوقت قدمنا قليل

خلونا ندخل فى المهم مباشرةً، طبعًا إنتِ عرفتِ بمستجدات القضيه وإن خلاص كده إنتِ المتهمه الوحيده فى القضيه دى، والقضيه إتحولت لقتل عمد.

نظرت له بذهول سأله:

قصدك أيه؟.

رد المحامى بتوضيح:

أنا أطلعت على حيثيات القضيه تقرير الطب الشرعي بيقول إن البصمات اللى على المشرط، بصماتك إنتِ والقتيل فقط، ومش معقول القتيل هو اللى هيكون دبح نفسه.

إستغربت فى البدايه من نبرة المحامى الذى شبه يؤكد إتهامها هو الآخر، لكن فجأه تذكرت أنها رأت المبضع كان جوار رأس سامر، ربما وضعت يدها عليه بالخطأ دون إنتباه وقالت بتبرير:

أظن أى عقل يميز لو أنا اللى كنت فعلًا دبحته بالمشرط، كان أبسط شئ سيبتهُ ينازع ويموت وخرجت من الاوضه قبل ما حد يشوفنى، مش كنت حاولت أنقذه وصرخت كمان عشان أي حد من المستشفى يساعدنى.

بآسف نظر لها المحامى قائلًا:

ياريتك كنت عملتِ كده فعلًا، لآن للآسف الأدله بدِينك، ومفيش قدامك غير حل واحد بس وده كمان مش مضمون إنك تاخدى براءه بس ممكن يخفف الحكم ونبعد عن سكة الإعدام.

إنصعقت وتلآلات الدمعه بعينيها قائله بآسى وآسف:

إعدام!

أنا كنت بحاول أنقذه.

رد المحامي بتوضيح:

للآسف يا دكتوره النيابه لها حيثيات تقرير الطب الشرعى مش بياخدوا بالنوايا الطيبه، إنت متهمه بقتل عمد، ومفيش قدامنا غير إننا نحول القضية، ونقول إن اللى حصل كان دفاع عن النفس، أو بالأصح دفاع عن الشرف.

شرف!

قالتها وهى تنظر له بذهول حين أكمل:

كمان الخبطه اللى فى دماغك ممكن تساعدنا، ونقول إنك حاولتِ تقاومِ بس بعد الخبطه دى محستيش بنفسك... كمان أنا إطلعت على أقولك فى التحقيقات وكويس إنك نفيتي الإتهام، ده أفضل عشان لما تغيري أقوالك ميبقاش فى تضاد.

شعرت سهيله بتوهان ونظرت لوالداها، الذى تلآلآت الدموع بعينيه، وأخفض وجهه بآسف كآنه موافق على قول المحامى،للحظه تحكم ضميرها وكادت ترفض ذالك لكن جائها

آمر آخر ربما يكون هو طوق النجاة لها نظرت لوالداها برجاء وقالت :

بابا أنا عاوزه أقابل"آصف شعيب".

ــــــــــــــــــــــــــــــــــــــــــــ

بـ سرايا شُعيب

إختلس آصف بعض الوقت وترك صوان العزاء

وذهب الى مكان صف سيارته، وفتحها وجذب ذلك المُغلف، وقام بفتحه وقراءة محتواه

شعر بإنصهار خلايا جسدهُ

التقرير يُدين سهيله بوضوح

ثار عقله عليه يشعر كآن عقله أصبح كتله معدنيه تنصهر تُشعل رأسه،

أخيه قُتل، ومن قتله؟!

سهيله:!

عشق روحه.. يشعر بآلم يتقاسم قلبه يشعر كآنها غدرت به وذبحته هو ،لا ربما لو كانت ذبحته هو كان أهون عليه، ما كان شعر بكل هذا الضنين والبُغض

البُغض، أجل البُغض منها

كل ما يريده الآن سؤالها

لما فعلت ذالك... أو هل فعلت ذالك؟ لابد من مواجهتها والآن

حسم عقله الآمر ودلف الى السياره وقام بتشغيلها، لا يفكر فى شئ سوا مواجهة سهيله الآن بتلك الأدله،ويسألها لما ذبحت عشقه لها هكذا بنصل حاد بتر أمانيه..

تغيب قلبه وترك الزمام لعقله يسوقه نحو هاويه قد تسحقه هو قبلها.

بعد مرور يومين

ليس كالعاده خرجت يارا من السرايا بلا هدف داخلها أخذتها قدميها الى

ذاك الكافيه القريب من الجامعه تستغرب ذلك الشعور التى تشعر به

رغم أن سامر نصف شقيق لها كذالك لم يكن بينهم إنسجام أخوه فقط كانت بينهم مُحدثات عاديه مثل رُفقاء يتشاركون المنزل لبعض الوقت ،بالنهايه هم أخوات نصف شقائق،ربما تشعر بزيادة مشاعر قليله فى شعورها نحو آصف وآيسر لكن بداخل قلبها أكثر إقتراب لكن

حزنت كثيرًا على موته شابً، عقلها يخبرها أن ربما هنالك سبب آخر هو بشاعة موتته كذالك حال والداته زوجة أبيها،لا تنكر معاملتها الحسنه لها وبالأخص منذ أن جاءت للبقاء فى كفر الشيخ من أجل إستكمال دراستها الجامعيه،لم تجد منها نفورًا عكس والداتها تشعر دائمًا أنها تبغض أخواتها سواء البنتان اللتان كُن من زواج أبيها الأول،وأكثر بُغضًا ناحية أبناء "شُكران"، لأول مره تشعر بهذا الشعور المُحزن والصعب

بداخلها لا تعلم لما أرادت ان تخرج من السرايا اليوم،تود الخرج من تلك الحاله التى تسيطر عليها، أو ربما لسبب آخر بداخلها أمنية علها ترا طاهر حتى من بعيد دون حديث بينهم

جلست خلف إحدى الطاولات القريبه من رؤية الماره بالشارع طلبت من النادل قدحً من القهوه دون سُكر

عينيها تنظر للـ الشارع من خلف نظارتها الشمسيه التى تُخفي عينيها الحزينه، حتى آتى لها النادل بقدح القهوه إنتظرت لدقائق حتى هدأت سخونتها، جذبت القدح وبدأت ترتشف منه برويه بعدم إستطعام حتى إنتهت منه،ظلت جالسه لوقت حتى شعرت بالملل من رتابة الإنتظار كذالك رأت بعض زخات المطر الغزيرة خارج الكافيه،كادت تنهض لولا أن رأت طاهر،يهرول للدخول الى الكافيه هو وبعض زُملائه إحتمائًا من المطر...بينما هى نهضت بداخلها رغبه تود السير أسفل ذالك المطر ربما يغسل عن كاهلها ذلك الشعور السئ،توجهت نحو مكان الخروج من الكافيه،بنفس اللحظه كان يقف طاهر قريب من ذلك المكان،ورأها وكادت تخرج،بتلقائيه منه مد يدهُ وأمسك معصمها قائلًا:

المطره شديده أوى بره.

توقفت اللحظات وسادت النظرات بين الإثنين لثوانى قبل أن يسمعا صوت سرج الشتاء

فاق طاهر وترك معصمها مُتآسفًا:

آسف إنى مسكت إيدك بدون ما أقصد.

نظرت نحو مِعصمها شعرت برعشه تسير بجسدها،لا تعلم سببها أهو

ذلك الهواء البارد الذى يسود الطقس،أم إزدادت البروده فى جسدها بسبب إقصاء يدهُ عنها...لكن أمائت رأسها بإمتثال وبسمه خرجت مغصوبه منها.

بينما هو شعر بأنه أخطأ وتسرع بمسك يدها كان من السهل تحذيرها شفهيًا فقط دون ذلك،لكن لا يعلم لما تلهف وفعل ذلك، كذالك شعر بغصه من ملامحها التى تبدوا حزينه كذالك ود رؤية عينيها اللتان تختفيان خلف تلك النظاره القاتمه.

بخفوت أجلت صوتها:

شكرًا،فعلًا المطره شديده،ولو خرجت ممكن أخد برد،بس إنت كمان هدومك مبلوله.

خلع ذلك المعطف الجلدي الذى كان يعلو ثيابه قائلًا:

لاء المطر عالجاكيت بس.

تبسمت له... عينيها تتمعن لكن إنش به من أسفل تلك النظارة التى تُخفى نظرات عينيه عنه،بينما هو الآخر يود التمعن بالنظر لها لكن يشعر بإستحياء وقبل ذالك إستحرام...

تبسم لها قائلًا:

بلاش الوقفه دى هنا الجو عاصف،إدخلى لجوه الكافيه دفا عن هنا.

لا تعلم أهى جرآه منها،أو تلقائيه حين قالت:

تمام خلينا ندخل نقعد على أى طرابيزه نشرب نسكافيه أو أى مشروب دافي.

تبسم لها بموافقه قائلًا:

تمام...بس أنا اللى عازمك.

أومأت له ببسمه قائله:

تمام.

ذهب الإثنين وجلسا خلف إحدى الطاولات،أشار طاهر للنادل الذى

آتى مُبتسمً ودون ما طلبه الإثنين.

وضع طاهر مِعطفه على مقعد ثالث بالطاوله،نظر الى صمت يارا،أراد أن يتحدث معها وسألها يفتح معها حوارًا:

آه صلحتى موبايلك فى المركز اللى كتبت لك إسمه.

ردت ببساطة:

لاء،معرفتش أوصل للمكان،بس إشتريت موبايل جديد،بس مش نفس الماركه،ولا حتى نفس إمكانيات الموبايل ده،بس أهو بيقضى والسلام.

تبسم لها قائلًا:

غريبه العنوان بتاع مركز التصليح ده مشهور هنا فى كفر الشيخ، واضح إنك مش من هنا عشان كده يمكن معرفتيش توصلى لمكانه.

ردت يارا:

فعلًا

أنا عايشه فى القاهره أنا هنا بس عشان الجامعه،جواب التنسيق جابنى هنا.

إبتسم طاهر قائلًا:

مالها كفر الشيخ دى مميزه جدًا.

تبسمت يارا قائله:

فعلًا، كمان دى تعتبر بلدى لأن بابا كمان من هنا من كفر الشيخ.

تبسم طاهر وكاد يسألها عنه لكن بنفس اللحظه صدح رنين هاتفها..فصمت،بينما هى إستأذنت منه وفتحت حقيبة يدها أخرجت هاتفها نظرت للشاشه ثم لـ طاهر وقامت بإغلاق الهاتف دون رد.

لم يهتم طاهر لذالك،بينما هى عاودت النظر خارج الكافيه،ثم قالت:

المطره باين هديت.

نظر طاهر نحو الشارع وقال:

واضح كده فعلًا.

مازالت تود البقاء معه لكن نهضت قائله:

كويس حتى عشان ألحق سكشن العملى قبل الدكتور ما يدخل المعمل ويقول كلام مش لطيف.

نهض هو الآخر،لكن نظر لها بعتاب حين أخرجت نقود من حقيبتها وكادت تضعها أسفل القدح الخاص بها أمسك يدها مره أخرى بنهى قائلًا:

سبق وقولت إنى عازمك عالنسكافيه .

نظرت له ببسمه وقالت:

تمام،بس المره الجايه أنا اللى هعزمك.

أومأ لها بموافقه وترك يدها وأخرج مال من جيبهُ وضعه على الطاوله وأشار لها بالسير أمامه...سارت أمامه،لكن توقفت للحظه ونظرت له قائله:

على فكره إحنا متعرفناش على بعض أنا

"يارا آسعد.."

كادت أن تُكمل بقية إسمها لكن لا تعلم لما توقفت عن ذلك،ربما ظنت أن يعرف إسم والدها فهو صاحب سطوه كبيرة فى المحافظه،أرادت أن يتعرف عليها هى فقط.

تبسم طاهر قائلًا:

وأنا "طاهر أيمن "

تبسمت له،سار الإثنين وخرجا من الكافيه،كان مازال هنالك رذاذ خفيف للمطر تبسم طاهر لها قائلًا:

واضح إن العاصفه لسه مهديتش والمطر مستمر،بس على خفيف.

تبسمت له بداخلها شعور غريب أو كآنها تآثرت بمشهد رومانسى رأته بأحد الأفلام

عاشقان يسيران أسفل زخات المطر يُمسكان بأيدي بعضهما،بالفعل تحقق ذالك بإختلافات بسيطه انها لا تُمسك بيدهُ،

حتى انها سرحت بخيالها ولم تنتبه الى تلك الحُفره الضحله التى كادت تتعثر بها لولا أن أمسك طاهر يدها وجذبها بعيد عنها قائلًا:

مش تخلى بالك وإنتِ ماشيه،أكيد النضاره مُعتمه مش شايفه منها.

قال طاهر هذا بدافع داخله أن تخلع تلك النظارة وينظر الى عينيها،لكن هى وضعت سبابتها على النظارة وعدلتها حول عينيها لا تود أن يرى عينيها الذابله بسبب الحُزن،أو تفضحها نظرات عينيها له أنها مُعجبه به.

ترك يدها حيت إبتعدت عن تلك الحُفره وسارت جوارهُ الى أن دخلا الى الحرم الجامعي، توقف فجأه حين إقتربت منه إحدى زميلاته تبتسم له، تبسم هو الآخر لها ثم وقف يتحدث معها بود كآن المطر لا يهطل فوق رأسيهم، شعرت بغِيره، لكن إستأذنت وتركتهم رغم انها تبتعد عنهم لكن كانت تراقبهما خلال إنعكاسهم بنظارتها الشمسيه الى أو دلفت الى المعمل الخاص بالمحاضره، جلست تزفر نفسها تشعر بغضب،لكن سُرعان ما تنهدت ببسمه طفيفه.

بينما طاهر ظل ييتبعها الى أن غابت عن عينيه داخل المعمل زفر نفسه ببسمه يشعر بسعاده، لمجرد ان بقى معها ذلك الوقت القليل، سعاده ربما ساهمت فى إزاحة ذلك الحُزن الذى يتملك قلبه بسبب قضية أخته.

ــــــــــــــــــــــــــــــــــــ

بالسرايا

قبل قليل

دخلت شهيرة من غرفة شكران تشعر بإنتشاء فى قلبها من رؤيتها لـ شكران بهذا المنظر "بائسه" هى

تستحق ذالك،تعلم أنها هى من تزوجها آسعد عليها،لكن لديها يقين أن تلك المَكانه الخاصه التى لديها لدى آسعد هى أنها أُم أبناؤه الذكور،لو كانت أنجبت له ذكرًا كان سهل عليها أن تُسيطر عليه أكثر،لكن لسوء قدرها أنجبت فتاتين وبعد الفتاه الثانيه تعرضت لمرض أضطرت بسببه إستئصال الرحم دون عِلم آسعد حتى لا يراها ناقصه،ويبحث عن أخرى غيرها وإدعت إكتفائها بإنجاب البنتين،تربطان بينهم،تحملت كثير أنها زوجه ثانيه هى من إختارت البقاء بالمكوث بالقاهره،بحجة أن لديها عملها الخاص بعروض الأزياء كان سهل مُتابعت ذالك من أى مكان، لكن ودت أن تكون بعيدًا عن شكران حتى لا تشعر بأن هنالك أخرى تمتلك قيمه أكثر منها لدى زوجها،كذالك تتلاعب على إشتياق آسعد لهت ، هى تعلم أن شُكران بسبب مرضها المُزمن، قد تُقصر ببعض المشاعر الرجوليه الذى يحتاجها...لولا هؤلاء الفِتيه ربما كانت إستحوزت على آسعد وحدها...ها هو واحدًا منهم قد فارق الحياة،ليت الإثنان الآخران يلحقان به بأقرب وقت،وقتها هى من ستضع يديها على كل ما يملكه آسعد،بغض النظر عن إبنتاه من زوجته الاولى لكن حتى هاتان لديها لهن حل،لو أعطت لهن الطفيف سيرضيان به،فهو يضع لكل منهن مبالغ طائله بإسمهن بالبنوك كذالك كتب لهن قطع أرض بأسمائهن،يكفيهن هذا،هى فقط وإبنتاها لم يكتب لهن شئ،فقط مبالغ مالية لا تُحسب،يكفى لقد تحملت كثيرًا.

وهجت عينيها بنظرة تشفي وتمني سُرعان ما أخفتها بنظرة تصعُب حين دلف آسعد الى الغرفه،مثلت أنها كانت تبكى وهى تُجفف عينيها بمحرمه ورقيه...نظر آسعد نحو الفراش وشعر بآسى على تلك الراقده غافيه بفعل بعض الادويه.

تنهدت شهيره بإدعاء الآسى قائله:

صعبانه عليا ربنا يصبر قلبها،هو كده الفُراق صعب فى أوله،وده إبنها وموته صعبه علينا كلنا،ما بالك هى قلب أُم غير مرضها كمان.

تنهد أسعد يشعر بآسى هو الآخر،

ثم نظر الى شهيره سألًا بآستخبار:

إنت لابسه كده ليه، رايحه فين.

إزدردت شهيره ريقهها وأجابته:

أنا مسافره القاهرة، "رامز" أخويا

إتصل عليا وبيقولى فى مشكله فى الآتلييه ومش عارف يحلها هسافر القاهره، أحلها وهرجع آخر النهار تانى.

نظر لها أسعد سآلًا:

وأيه هى المشكله دى بقى اللى ميعرفش يحلها؟.

ردت شهيره بتفسير:

كان فى زبونه مهمه إختارت مجموعة فساتين من الديفليه اللى كنت عملاه آخر مره وهو غلط وحط لها مجموعه تانيه وهى زبونه مهمه للآتلييه، ولازمن أنا أحاول أصلح الغلط ده معاها عشان مخسرهاش، دى من أهم زباين الآتلييه،وهو من غير ما يسألنى إداها ميعاد النهارده بعد الضهر، هروح ومش هغيب يادوب هراضيها، ومسافة السكه، يعنى المسا هكون هنا.

نظر أسعد لـ شهيره بداخله شعر بغصه يعلم أن شهيره بالتأكيد ملت من البقاء هنا، لكن تنهد بإستسلام قائلًا:

تمام، بلاش ترجعى فى نفس اليوم، كده كده فى هنا اللى يراعى شُكران، وكمان آصف وآيسر هنا، وكتر خيرك الايام اللى فاتت كنتِ معانا.

وضعت شهيره يديها حول خصر أسعد ورفعت وجهها تنظر له ومثلت الحُزن قائله بعتاب:

أنا مش غريبه يا آسعد، المرحوم سامر يبقى أخو بناتِ وكان له مكانه خاصه عندى، ربنا يعلم حِزنت عليه قد أيه، وكمان زعلانه أوى على حالة شُكران هى صحيح ضُرتى وبتشاركني فيك بس ربنا العالم حزينه على حالها قد أيه وقلبى متقطع عليها، لو كان رامز كلمنى قبل ما يحدد مع الزبونه الميعاد كنت قولت له أجله الفتره دى،أو حتى خد منها المجموعه وأما ارجع أبقى اتفاوض معاها، بس هو قالها إنى أنا اللي هقابلها فى الأتلييه...ومن الذوق والصدق إنى اقابلها بنفسى زى ما قال لها.

إستسلم أسعد قائلًا:

تمام... بس لو الوقت إتآخر بلاش ترجعى فى الضلمه باتى هناك فى القاهره وإبقى تعالى بكره.

اومأت شهيره برأسها وهى تسحب معها آسعد للخروج من الغرفه قائله:

شكران نايمه،بلاش تزعجها،إتمشى معايا لحد مكان العربيه.

توقف الإثنان أمام سياره تصف بالحديقه،نظر آسعد للسياره سائلًا

فين السواق.

ردت شهيره:

راح يوصل يارا للجامعه.

أخرج آسعد هاتفه وكاد يهاتف سائق آخر،لكن وضعت شهيره يدها على الهاتف قائله:

هتكلم مين؟.

رد آسعد:

هكلم أى سواق تانى يجي يوصلك للقاهره.

ردت شهيره:

لاء،مالوش لازمه إنت عارف إنى بعرف أسوق عربيات كويس ومعايا رُخصة قيادة،كمان مش أول مره أجى للبلد وعارفه الطريق،كمان العربيه فيها Gps هيوجهنى عالطريق بسهوله.

كاد أسعد أن يرفض ذلك لكن هى أصرت،إستسلم لها قائلًا:

تمام،بس زى ما قولتلك لو إتأخرتى باتى فى الڤيلا.

أومات شهيره برأسها وتوجهت نحو باب السياره وفتحته وصعدت إلي داخلها ثم فتحت زجاج الشباك وأشارت له بيدها،وقامت بتشغيل السياره وغادرت،تتنهد بإرتياح بعد أن خرجت من باب السرايا،قادتها تشعر كآنها كانت حبيسه وتحررت لكن فجأة توقفت بالسياره حين رأت أمامها أكثر من تشعيبه للطريق،إحتارت أى طريق تسلك حتى يوصلها الى الطريق الرئيسى للبلده الذى يوصلها ببداية الطريق السريع،زفرت نفسها بغضب وهى تنظر نحو جهاز الخريطه الخاص بالسياره،لم يُعطى لها إشاره لأى طريق،زفرت بغضب قائله:

حتى Gpsمش شغال هنا،مفيش قدامى غير إنى أسأل أى حد ماشى عالطريق،عاودت السير بالسياره الى أن رأت شابً يسير على جانب الطريق

فتحت زجاج باب السياره ونظرت على الطريق توقفت حين رأت واشارت له قائله:

لو سمحت... من فضلك.

نظر لها الشاب ثم ذهب نحوها.

سألته:

لو سمحت أنا مش من البلد هنا ومش عارفه أخد أى طريق قدامي يوصلنى للطريق السريع.

وقف للحظه مأخوذ من تلك المرأه التى تبدوا راقيه كذالك خُصلات شعرها التى تدلت وتطايرت بسبب هواء الطقس السيئ من أسفل وشاح رأسها الذى إنزاح للخلف للحظه صمت،لكن أجابها حين عاودت سؤاله ودلها على بداية الطريق،شكرته ثم عادت تقود السياره نحو الطريق الذى وصفه لها غير مُباليه،

بينما هو ظل مكانه مُتصنمًا للحظات ينظر فى آثر السياره التى بدأت تبتعد عن مرأى عيناه تنهد بحسره قائلًا:

عربيه زى دى كفيله بحل كل مشاكلك يا عادل وتقدر وقتها تحل نفسك من الإرتباط بـ هويدا،اللى بتتحمل عجرفتها عشان مرتب ملاليم.

ـــــــــــــــــــــــــــــــــــــ

بعد الظهر

بمنزل أيمن

نفضت سحر بقايا ذلك الطعام الذى شبه لم يأكل أحد، بنفس الوقت صدح رنين جرس باب المنزل ذهب

رحيم وفتح الباب للطارق،ثم عاد بصُحبته

نظر أيمن ورسم بسمه خافته قائلًا:

أهلًا يا عمتى.الدار نورت.

ردت آسميه:

الدار هتنور لما ترجع سهيله قريب يارب.

تبسم ايمن بغصه،بينما قال رحيم:

أكيد سهيله هترجع يا تيتا تعرفى عيل رذل زميلى النهارده بيقولى أختك هتكمل بقيه حياتها فى السجن كنت هضربه، وقولت له سهيله قلبها أبيض وبكره هتطلع وترجع للدار، وأنا هبقى ظابط وهدافع عنها.

تبسمت سحر بدمعه وهى تربت على شعره، كذالك قالت آسميه:

أيوه يا حبيبى أى حد يتكلم على سهيله بسوء ربنا ينتقم منه.

تهكمت هويدا قائله:

البلد كلها بتتكلم عنها يا تيتا، أنا بقيت أنكسف أبص فى وش زمايلى فى البنك نظراتهم كلها إتهام،كآنى أنا اللى قتلت مش هى.

نظرت لها آسميه بغضب قائله:

سهيله مش مجرمه وتبقى أختك،واللى يسمعك يقول مصدقه أنها تقتل،مع أن المفروض إنتِ اللى تدافعى عنها.

تهكمت هويدا قائله:

أدافع عنها،

طب أقول أيه،أنا نفسى مش فاهمه أيه اللى حصل لعقل سهيله طب لو هى بريئه ليه الأدله بتقول عكس ده.

نظرت لها آسميه بغضب وقالت:

حتى لو مش واثقه فى برائتها،هى أختك والمفروض مكنتيش تقولى كده.

نظرت هويدا لها بإستهزاء،بينما نظر أيمن وسحر لبعضهم يشعران بآسف من رد هويدا،لكن دلف الى الغرفه طاهر،بعد ان ألقى عليهم السلام،أخرج من جيبه مبلغ مالى ووجهه ناحية أيمن قائلًا:

بابا أنا كنت عامل جمعيه مع أصحابى فى الجامعه كنت هشترى لابتوب جديد،بس اللى عندى حالته كويسه ويستحمل،خد الفلوس دى وخلى المحامى حتى يطلع سهيله بكفاله لحد برائتها ما تظهر.

تبسمت آسميه ووضعت يدها على كتف طاهر بمحبه ثم نظرت لـ هويدا التى شعرت بخزي،لكن لم تهتم بنظرات آسميه لها.

بغضت نظرات آسميه لها،تعلم دائمًا أنها تُبادلها نفس الشعور لكن لم تهتم الا لذالك المال الذى وضعه طاهر فوق فخذ والده،كادت تقول له يكفيك غباءًا إحتفظ بمالك قد ينفعك مستقبلًا.

ــــــــــــــــــــــــــــــ

ليلًًا

بسرايا شُعيب

بغرفة شكران، على ضوء شبه خافت

كان آصف يجلس على أحد المقاعد بالغرفه، يُغمض عينيه،

سمع هزيان شكران وهى نائمه كذالك همسها كآنها تنتحب

نهض من مكانه وذهب نحو الفراش نظر لوجه شكران،رأى لمعة تلك الدمعه التى سالت من عينيها على وجنتبها،تنهد ببؤس، حتى وهى غائبه عن الوعى تبمي، إنشطر قلبه،رؤية والداته هكذا هزيله وطريحة الفراش نائمه معظم الوقت بسبب الأدويه،رغم ذالك تشعر بالآسى.

توجه ناحية باب الغرفه وخرج بهدوء،توجه الى شُرفة كبيره قريبه من غرفة والداته،وفتح بابها، وتقدم للأمام يتنفس ذلك الهواء البارد يلفح وجهه،يشعر أنه مثل الشرد،أخرج علبة سجائره والقداحه أشعل واحده وزفر دخانها ينظر الى

ذالك الضباب الذى أمامه يُخفى آثر المكان،يشعر أنه داخله مُعتم مثل هذا الضباب،تذكر قبل يومين أنه كان قرر الذهاب الى سهيله وسؤالها: هل فعلت ذلك.

لكن توقفت أمام سيارته الخادمه وأخبرته أن والداته سقطت مغشيًا عليها وهى تجلس بين النساء الاتى آتين للعزاء،نسى أمر الذهاب لـ سهيله أو بمعنى أصح أرجأ ذلك لحين يطمئن على صحة والداته التى تم نقلها الى إحد المشافى وظل مرافق معها الى صباح اليوم حين أصرت على الخروح من المشفى،غصبًا وافقها...لكن لابد من مواجهه بينه وبين سهيله

قرر لن يكون هنالك تآجيل بالغد سيذهب لها.

ذمه عقله:

إذهب لها لكن إحذر، قد يلين قلبك أمامها.

تهكم على حاله أى قلب يلين وهو يرى كل ذلك البؤس حوله.

أخرجه من دوامة أفكاره شعوره بمعطف وضع على كتفيه، كذالك يد تربت عليه قائلًا:

آصف أيه اللى موقفك فى التراس كده وكمان فاتح الباب الجو برد جدًا.

إستدار ينظر لصاحب الصوت،قائلًا:

بابا أيه اللى صحاك دلوقتي.

بآسى رد آسعد:

مين اللى قالك إنى كنت نايم،تعالى ندخل لجوه الجو برد،ممكن تاخد لطشة هوا فى صدرك.

إمتثل آصف لوالده ودخل معه الى داخل السرايا وأغلق باب الشرفه، جلس الإثنين معًا، تحدث آصف بسؤال:

بابا إنت بتحب ماما؟.

إستغرب آسعد من السؤال وتسأل:

قصدك أيه مش فاهم أكيد بحبها والأ مكنتش عشت معاها الفتره دى كلها.

رد آصف بتفسير:

مش قصدى حب العِشره اللى بينكم قصدى حبيتها كـ حبيبه..إنت فاهم قصدى.

تنهد آسعد قائلًا:

مش عارف قصدك،بس أكيد حبيتها وإتفاهمنا وولفنا مع بعض.

تهكم آصف وفجأه بقوله:

طب طالما حبيتها ليه إتجوزت عليها طنط شهيره.

إرتبك آسعد وأجابه بهدوء:

كل شئ نصيب.

ردد آصف نفس الجمله:

كل شي نصيب

زى ما أتجوزت ماما وإنت على ذمتك زوجه أولى، كمان روحت إتجوزت عليها زوجه تالته.

إستغرب آسعد حديث آصف وقال بتوضيح وتبرير:

أنا لما أتجوزت من شُكران مراتى الاولانيه كانت مريضه والدكاتره قرروا أنها أصبحت فى مراحل مرضها الأخيره ومبقتش تقدر تدينى حقى كزوج،وإنت فاهم انا أقصد أيه، وأنا كنت شاب وقتها ودورت على اللى ناقصنى فى الحلال.

تهكم آصف قائلًا:

فى الحلال!

طب ولما إتجوزت من الليدى شهيره كانت ماما ناقصها أيه.

زفر آسعد نفسه ببداية غضب قائلًا:

مكنش ناقصها حاجه،بس سبق وقولت ده النصيب،وأنا مآثرتش فى حق شكران، وعدلت بشرع ربنا،يمكن كمان كتير بميز مامتك عن شهيره.

تهكم آصف وكاد يتحدث ويسأله بأي شئ ميزها،لكن صدوح رنين هاتف آسعد جعله يصمت حتى إنتهى من الرد على الهاتف قائلًا:

تمام يا شهيره باتى عندك مش مشكله،تصبحِ على خير.

أغلق أسعد الهاتف ونهض واقفًا يقول:

أنا حاسس بصداع هيفرتك راسى،هروح أخد منوم يمكن يعمل مفعول وأقدر أنام،كل ده بسبب المجرمه اللى قتلت أخوك بدم بارد بس أنا مش هسيبها قبل ما أخد حق سامر منها مُضاعف هخليها تتمنى أنها كانت تموت قبله.

للحظه إرتجف قلب آصف وكاد يبيح له أن تلك هى من يهواها قلبه،لكن حاول الهدوء قائلًا:

سيب لى أنا الموضوع أنا هتصرف فيه.

أومأ له أسعد بموافقه وتركه وغادر،ظل آصف جالسًا،يزفر سيجاره خلف أخرى وأفكار تتداول برأسه حتى تنهد بعين تنضخ بقسوة هامسًا :

"سهيله".

ــــــــــــــــــــــــــــــ

على الحانب الآخر بزنزانه مُظلمه

كانت سهيله جالسه على فراش شبه بالى تدفس وجهها بين ساقيها تبكى تشعر بضياع

يعود لذاكراتها تلك الزياره الصباحيه لوالداها حين أخبرها أنه ذهب للقاء آصف لكنه رفض مقابلته، شعرت بآسى وبؤس، هل صدق آصف أنها قتلت حقًا وتخلى عنها

كان الجواب سهلًا

أجل صدق ذلك والدليل رفضه مقابلة والدها... لم يعُد هنالك طوق آخر لديها كانت تتمنى أن يكون آصف هو ذلك الطوق حين تخبره أنها بريئه ويُصدقها ولكن إنتهى ذلك، وعليها أخذ القرار الذى فى مصلحتها كما طلب منها المحامى، فطول الوقت ليس فى مصلحتها... تنهدت بندم وآسف تهمس:

"آصف"

ــــــــــــــــــــــــــــــ

صباح اليوم التالى

بمركز الشرطه

دلفت سهيله الى غرفة وكيل النيابه

نظرت الى ذلك المحامى الذى يجلس معه اومأت رأسها له

كذلك فعل المحامى،بينما نظر وكيل النيابه الى ذالك العسكرى وأمره قائلًا:

فُك الكلابشات.

فعل ذالك ثم غادر،بينما نظر وكيل النيابه لها قائلًا:

المحامى بتاع حضرتك بيقول إن عندك أقوال جديده عاوزه تدلى بيها،أتمنى تكون فى مصلحة القضيه.

توترت سهيله للحظه،لكن نظرة المحامى لها جعلتها تومئ برأسها بموافقه.

تحدث الوكيل لها قائلًا:

تمام إتفضلى إقعدى عشان أسمع أقوالك الجديده.

جلست سهيله بمقعد مقابل للـ المحامى صامته حتى سألها وكيل النيابه:

وأيه هى أقولك الجديده؟.

إزدردت سهيله ريقها الجاف وقالت:

بصراحه أنا مقتلتش سامر.

قالت هذا وتوقفت للحظات حتى حثها وكيل النيابه على مواصلة اقوالها قائلًا:

سبق وقولتى كده،وتقرير الطب الشرعى أكد بصماتك إنتِ والقتيل عالمشرط.

إبتلعت سهيله ريقها وحاولت الثبات قائله:

أقصد يعنى إن اللى حصل كان دفاع عن النفس،وبالغلط المشرط وصل لرقبة سامر.

إستغرب الوكيل سألًا:

قصدك أيه؟.

ردت سهيله بعد مُعناة مع ضميرها لكن إيماءة المحامى لها وقوله:

دكتوره سهيله، ياريت توضحى لوكيل النيابه اللى حصل بالضبط.

حثها بتردد منها تفوهت بتسرُع:

أنا كنت بدافع عن شرفي.

ـــــــــــــــــــــــــــ

بنفس الوقت بـ سرايا شُعيب

دلف آصف الى غرفة والداته كى يطمئن عليها قبل أن يخرج من السرايا، وجدها تجلس على الفراش مُستيقظه لكن صامته فقط تسيل دموعها، من يراها يشعر بالآسى، زفر نفسه بغضب، لكن بنفس الوقت دلف أسعد الى الغرفه، بمجرد ان راته شكران بكت أكثر

غص قلب آصف من ذالك وكاد يجلس جوارها يواسيها لولا أن صدح رنين هاتفه،نظر الى شاشته سُرعان ما خفق قلبه

قام بالرد يسمع حديث الآخر له حتى إنتهى

بعصبيه مُفرطه أغلق الهاتف يديه تكاد تكسر الهاتف من الغضب.

تسأل اسعد:

مين اللى كان بيتصل عليك.

نظر آصف الى والده بإستهجان قائلًا:

زي ما توقعت القضيه هتتحول لدفاع عن النفس، المجرمه غيرت أقوالها وقالت إن سامر حاول يعتدي عليها... وقتلها له كان دفاع عن شرفها،دلوقتي ممكن تخرج من السجن إخلاء سبيل على ذمة القضيه،وتتحاكم وهى خارج السجن ومش بعيد تاخد براءه أو حتى أقصي حُكم سجن مع إيقاف التنفيذ.

وقف أسعد بغضب قائلًا:

مستحيل ده يحصل مش هسيبها تنفد بدون عقاب،لو وصلت هبعت لها اللى يقتلوها قبل ما تطلع من السجن،أو ليه يقتلوها يبقى رحمتها أنا هخليهم يغتصبوها وتقتل هى نفسها خوف من نظرات الناس ليها زى ما هى بتدعى على المرحوم بالكذب.

بينما آصف

رغم تأجُج النيران بقلبه، وهو يرى دموع ونحيب والداته ، لكن بلحظه آتت له فكره يستطيع بها أخذ القصاص ويثأر ليس فقط لأخيه المغدور بل أيضًا للعداله الضائعة خلف أكاذيب وإفتراء تلك المجرمه...ونظر لوالده بغضب يسحق قلبه دون رد...وحسم قراره لم يبقى داعى للمواجهه مع سهيله هى من حسمت مصيرها معه.

وحشتيني!.

سمعتها وهى تلتفت خلفها تنظر له سُرعان ما شعرت بإنشراح فى قلبها وبخطوات سريعه كانت تقطع تلك المسافه القليله بينهم وققت أمامه تلتقط نفسها تهمس إسمه بشوق:

آصف،كنت متأكدة...

قطعت بقية حديثها حين إستدار وأعطى لها ظهره، يسير يبتعد عنها بالسير بين أشجار تلك الحديقه

إستغربت ذلك لكن سارت خلفه لكن فجأة شعرت كآن أغصان تلك الأشجار تمدد بعروشها أمامها كلما حاولت إزاحتها عن طريقها جرحت يديها بأشواكها الحادة توقفت تشعر بآن تلك الاشواك أصبحت تغزو جسدها ودماءها أصبحت تسيل فوق تلك الأشواك، نظرت أمامها حاولت الإستنجاد بـ آصف نطقت إسمه بصعوبه، توقف للحظه وإستدار ينظر لها لكن فجأة خافت من عينيه اللتان نظر لها بهن، شعرت كآنهن فرحان بما أصابها من جروح بسبب تلك الأشواك

نهضت مفزوعه تنظر حولها كانت المكان شبه مُظلم ضوء يكاد يكون مُعدم بالزنزانة،

ظلت لدقيقه غير مستوعبه ذلك الحلم،لكن كان تفسيرهُ واضحًا،رفض آصف لـ مقابلة والداها ليس لها تفسير آخر غير أنه صدق أنها ليست بريئه وتخلى عنها

سالت دموع عينيها تشعر أن قلبها هو من يآن ويبكى بآلم،تذكرت حديث وكيل النيابه لها وهو يسألها صباحً

كيف قتلته؟

أجابته أنها لم تدري بشئ بعد أن تلقت تلك الضربه على رأسها وحين عادت للوعى وجدت سامر ينزف من عُنقه حاولت إنقاذهُ،لكن كانت الصدمه الكبرى لها حين قرر وكيل النيابه إعادة تمثيل الجريمه بنفس المكان بالمشفى بالغد...شرد عقلها ماذا ستمُثل...تنهدت بآسى تشعر بضياع فجأة إنقلبت حياتها دون سبب...والسؤال الأسوء التى تخشى إجابته:

هل من الممكن أن يكون كل ما تعيشه كابوسً،أو ربما أنها تشاهد فيلمً لبطلة غيرها مقهورة...لكن الجواب كان صعبًا

هى بطلة تلك القصة التى دلفت لها بقدميها،ليتها تجاهلت كل ما سمعته و تركت سامر لشآنه طالما أنه بعيدًا عنها... نظرت حولها إزداد هطول دموعها، حين أدركت أن الليل مازال بأوله، وما أطول ليالى الشتاء أمام بؤس قلبها.

ــــــــــــــــــــــــــــــــــ

بـ سرايا شُعيب

على طاولة سفرة العشاء

ترأس الطاوله آسعد وعلى أحد جانبيه جلس آصف وجواره آيسر وعلى الناحيه الأخرى كانت تجلس كل من يارا الشارده وجوارها شهيرة التى كانت عينيها مُنصبه على آصف العابس الذى يعبث بالملعقه بالطبق الذى أمامه يبدوا شارد الفكر،تعمدت الحديث عن قصد منها تُمثل الآسى والحزن:

الحجه شُكران الله يكون فى عونها لما ببص لها قلبي بيتقطع عليها، مش عارفه المجرمه اللى قتلت سامر دى معندهاش قلب، أزاي خانت العِشره، ونسيت عطف الحجه شُكران عليها.

رفع آصف وجهه عن الطبق ونظر لـ شهيره بعبوس قائلًا بإستفسار:

وعرفتِ منين إن ماما كانت بتعطف عليها؟.

إرتبكت شهيره وأجابته:

أنا سمعت بعض النسوان اللى جُم للعزا وهما بتكلموا إن سهيله،مش إسمها سهيله برضوا.

أومأ آسعد رأسه بـ نعم

بينما إستطردت شهيره الحديث تود إثارة غضب آصف:

سمعتهم بيقولوا أنهم كانوا بيشوفها تجي للـ السرايا كتير،كمان كان ليها مكانه خاصه عند الحجه شُكران،بس هو فى نوعيه كده بتبقى خسيسه وتنكر المعروف.

شعر آصف بالغضب ورمقها بحُنق قائلًا بسخط:

مكنتش أعرف إن الليدي شهيرة بتسمع لنم النسوان اللى المفروض إنهم جايين يعزوا مش يتهامسوا على مين يستاهل أو مين خان المعروف، وماما مكنتش بتعطف على سهيله من الأساس، بلاش تصدقي همس الحريم الفارغ.

تفاجئت شهيرة من رد آصف الذى شبه دافع عن تلك المجرمه، لكن لم تستلم وقالت بإيحاء:

اللى يسمعك يقول بدافع عن المجرمه اللى بسببها فقدنا سامر غير زيادة مرض الحجه شُكران.

نظر لها آصف بتهكُم وصمت لدقيقه، ثم نهض من على مقعده دون رد.

بينما إستغرب آسعد ذالك سائلًا آصف:

رايح فين مش هتتعشى.

نظر آصف لـ شهيرة بإمتعاض ثم قال ببرود:

شبعت،هطلع الجنينه أشرب سيجارة.

رغم شعور شهيرة ببُغض آصف لها لكن تشعر بداخلها بإنشراح ليس غريب عليها، بينما نهض آيسر هو الآخر مُتحججًا:

أنا كمان شبعت، هطلع أطمن على ماما وبعدها هنام من بُكره هرجع إستأنف شغلي فى الطيران، تصبحوا على خير.

شعرت شهيرة بالحقد سواء على آصف كذالك آيسر، نظرت نحو يارا التى تبدوا شاردة وتهكمت عليها قائله:

وإنتِ مش عندك محاضرات فى الجامعه بكره.

نهضت يارا كآن شهيرة اعطتها حجه للنهوض هى الأخرى وقالت:

فعلًا، عندى بكره سيكشن عملي وكمان إمتحانات نص السنه قربت، هطلع أنام تصبحوا على خير.

شعرت شهيرة بالضجر من رد فعل يارا ونظرت لـ آسعد الذى يظهر على ملامحه هو الآخر الحُزن الشديد، شعرت بإمتعاض من ذالك،لكن أكملت عشائها تحاول جذب آسعد للحديث معها رغم عدم رغبتها بالطعام.

***

بينما خرج آصف الى حديقة السرايا،شعر بنسمة هواء بارده إخترقت جسدهُ،زفر نفسه بسخونه تخرج من قلبه عكس تلك البرودة توقف للحظات ثم نظر نحو إحدى تلك الغرف الموجودة بالحديقة ذهب نحوها مباشرةً قام بفتحها ودخل إليها،نظر الى تلك الأجهزه الرياضيه الموجودة بالغرفه،شعر بغضب يزداد فى قلبهُ، خلع عنه سُترتهُ الثقيله وخلفها باقى ثيابهُ ظل فقط بسروال حول خصره،وتوجه ناحيه ذلك الكيس الرملي المُعلق، جذب قفازين للملاكمه وضعهم بيديه، ثم بدأ بلكم ذالك الكيس الرملي، لكمات تزداد عنفوان وقوه مع الوقت يشعر برغبه أقوي للتنفيس عن مكنون قلبه الغاضب ظل لوقت يلكم الكيس الرملي حتى شعر ببوادر إرهاق، ترك اللكم وجلس على أحد المقاعد بالغرفه، يلهث يتصبب العرق بكامل جسده وبغزارة أقوى فوق جبهته يسيل على عينيه اللتان تحجرتا، ربما يود البُكاء عل ذالك الشعور القاسى فى قلبه يهدأ، لكن مُقلتيه كآنهن أصبحن من صخر، أغمض عيناه يعتصر ذالك العرق الذى وصل لأهدابه،جالت أمام عيناه صورة سهيله وآخر لقاء بينهم تذكر حديثها،للحظه شعر كآن هذا اللقاء كان مثل "لقاء الوداع" بينهم

تذكر بقية حديثها الحاد معها ذلك اليوم

[فلاشــــ/باك]

ألقت سهيله تلك الفتافيت من العيش على طول يديها فوق مياه البُحيرة،تبسمت على صراع تلك الطيور التى تهبط للمياة تلتقط تلك الفتافيت،تهكم آصف على تلك الطيور قائلًا:

مش عارف بيتخانقوا على أيه دى فتافيت عيش؟.

عادت سهيله بنظرها له وقالت له:

بالنسبه لك فتافيت عيش،بس بالنسبه للطيور دى مش حاجه ضئيله دى كنز هتسد جوعهم لحد بكره،بعدين مجاوبتش على سؤالي.

نهض يقف جوارها وضع يدهُ فوق يدها الموضوعه على صاري بالمركب قائلًا بإدعاء التذكُر:

سؤال أيه مش فاكر؟.

نظرت له سهيله بضيق وسحبت يدها من أسفل يده وضيقت عينيها تعلم أنه يتخابث عليها وقالت بتكرار:

مع إنى متأكده إنت فاكر كويس أوى سؤالى بس مفيش مانع أسأله تانى...ليه إختارت تبقى قاضي فى المحكمه؟.

فى البدايه شعر آصف بضيق من سحبها يدها،لكن نظر لها ببسمه عيناه تنضخ عشقًا لها مجاوبً:

بس أنا جاوبتك وقولت لك إن مكنش قدامى غير التدريس فى الجامعه،وده مكنش من أهدافي،أنا مش بحب التدريس،كان المُتاح قدامى آخد سلك القضاء،وده كمان الأفضل ليا،بغض النظر عن التنقُلات فى أماكن كتير،بسبب طبيعة وظيفة القاضي،ده غير مشاكلها،أخرها إنى كنت مُعرض للإغتيال والدليل قدامك أهو إيدي المرفوعة على صدري فى قلب حامل طبي.

نظرت له وفكرت قليلًا،ثم قالت:

بس معتقدش ده السبب الوحيد إنك أختارت تبقى قاضي،عندى يقين فى سبب تاني.

أزاح آصف يده التى كانت على الصاري،ومدها ناحية وجهها كى يقون بإزاحة طرف وشاح رأسها الذى تطاير بسبب هواء البحر يُخفى وجهها قائلًا بمغزى:

يمكن التواصل العاطفي بينا خلاكِ تفهميني أكتر من نفسي.

تراجعت بوجهها للخلف بعيدًا عن يدهُ ورفعت طرف وشاح رأسها عن وجهها وقالت له:

مغرور، بس هقولك سبب إختيارك للقضاء السبب هو

"السُلطة"

إنت بتحب السُلطه يا آصف

بتحب يكون لك آمر واجب النفاذ على غيرك.

ضحك آصف وهو يعود للجلوس، بينما إستطردت سهيله الحديث بتوضيح:

بس فى رأيي إنت إختارت الطريق الأصعب،يا سيادة القاضى،الحُكم على الناس مش سهل زى ما أنت فاكر.

تبسم آصف قائلًا:

وأيه الصعب،انا بحكُم بالأدله والبراهين والمعطيات اللى قدامي.

تسألت سهيله:

كل ده مش عملية حسابيه مضمون نتيجتها،

وفين روح القانون، أوقات الادله والبراهين والمعطيات مش بيبقوا كفايه عشان تحكم بيهم،سمعت مره جدتي "آسميه" بتقول مثل شعبي

(كدب مساوى أحسن من صدق منعفش).

ضحك آصف قائلًا:

مش فاهم معنى المثل ده أيه، وأيه دخله فى القضاء.

فسرت سهيله له المثل:

يعنى أوقات الكداب بيعرف يسبُك كدبه كويس يخلى اللى قدامه يصدقه وهو مُقتنع أنه صادق،والصادق لانه على نياته معرفش يبقى يسبُك كلامه كويس فيبان أنه مهزوز أو مش صادق...

أوقات بنشوف حقايق بشكل غلط،حاذر يا آصف تتعمي عينيك عن الحقيقه وغشاوة الكدب تخدعك.

ضحك آصف

قائلًا:

لاء إطمني أنا منتبه كويس،

وبمناسبة إنك قولتى،عـ الآمر النافذ اللى أنا بحبه،أمتى هتوافقي إنى أتقدملك ونتجوز وتبقى ليا ومعايا طول الوقت ومتتحججيش إنك هتتأخري،أو تبعدي عني؟.

نظرت له بتفكير ثم قالت بهدوء:

بعد ما أخد الماستر، يعنى قدامك سنه عالأقل تفكر فيها كويس يا سيادة المستشار.

إندهش آصف قائلًا:

سنه بحالها، لاء أنا هستخدم سُلطتي كـ قاضى وهصدر قرار مُلزم التنفيذ إننا نتجوز فى الأجازة القضائيه فى الصيف الجاي، وإبقى كملى الماستر وإنتِ مراتى.

هزت رأسها بنفي.

تبسم لها قائلًا بتحدي:

هتشوفي قبل السنه ما تخلص هتكونى حرم

سيادة المستشار "آصف شُعيب".

تهكمت سهيله بمرح وكررت كلمة آصف بإستهزاء:

حرم... الكلمه دى قديمه أوى بقت أولد فاشون، بتتقال للناس العواحيز.

تبسم لها آصف قائلًا:

طب بلاش حرم، أظن كلمة" مدام" أفضل بكتير.

شعرت سهيله بالخجل وإحمرت وجنتيها وأخفضت وجهها بحياء.

تبسم آصف على حيائها الذى فتنه وهام أكثر بها ود لو كان معها وحدهم فقط فوق ذالك المركب ربما وقتها كان قَبلها وما إهتم برد فعلها بعد ذالك حتى لو صفعتهُ على وجهه، لكن وجود المراكبي منعه من تحقيق أمنيته...

أدار دفة الحديث لناحيه أخرى يستمتع بالحديث معها سألًا:

طب وإنتِ ليه إختارتي تبقى دكتورة أطفال.

جلست سهيله قريبه من آصف وأجابته وهى تنظر ناحية مياة البُحيرة،تشعر كآن آلم تلك الفتره عادت تشعر به يضرب بطنها.

أنا لما كنت صغيرة كنت بحب شُغل الديكور، وكان نفسى أبقى مهندسة ديكور، بس فى أولى ثانوي إتغيرت أمنيتي.

إستغرب آصف سألًا:

وأيه سبب تغير أمنيتك من مهندسة لـ دكتورة أطفال بالذات.

شعرت بآلم وأجابته:

تعرف إنى كمان كان نفسى أدرس طب نفسي جنب دراسة طب الأطفال.

تبسم آصف قائلًا:

فعلاً منكرش تنفعى دكتورة نفسيه بتعرفي تحللي طبيعة الشخصيات ،بس أيه السبب اللى خلاكِ تغيرى أمنيتك.

تنهدت سهيله تشعر بنغزه فى قلبها قائله:

لما كنت فى أولى ثانوي كان جالى حالة تسمُم بسبب جُرعة دوا زيادة أو كانت علاج غلط من الأساس،وآثر عليا جامد وقتها،وكنت تقريبًا بموت بس كان فى دكتور أطفال فى المستشفى هو اللى عِرف سبب سوء حالتي وقتها وهو اللى إتعامل مع حالتي لحد ما عديت مرحلة الخطر وشبه خفيت،بصراحه أنا وقتها أُعجبت بالدكتور ده جدًا، وإتحولت أمنية حياتي من مهندسة ديكور لـ دكتورة أطفال عشان أبقى زميله له فى يوم من الايام وأقول له إنى كنت ومازالت مُعجبة بيه وكنت....

قاطعها آصف يشعر بغِيره قائلًا بحِدة:

وكنتِ أيه كمان نفسك تتجوزيه.

تبسمت سهيله بإيماءة رأسها بمعنى ـ يا ريت.

ود آصف لو صفعها لكن حاول التحكم فى غضبه وغِيرتهُ سائلًا:

والدكتور ده فين دلوقتى.

تنهدت سهيله بآسى:

للآسف الدكتور توفى من سنتين يعنى قبل ما أتخرج من كلية الطب،بس تعرف إن إبن الدكتور ده دلوقتي بقى دكتور نفسي معروف غير إنه أستاذ فى الجامعه،وأعتقد انه ممكن يكون من ضمن اللجنه اللى هتناقش معايا الماستر.

تنهد آصف بضجر قائلًا:

مش عارف ليه مستعجله على الماستر إنتِ لسه صغيرة، يعنى سامر زميلك ومش بيفكر فى الماستر.

ردت سهيله:

على فكره سامر أكبر منى بسنه هو عاد سنه فى الإعدادي.

تبسم آصف قائلًا:

فعلًا،بسبب وقت الإمتحانات كان وقع من على سلم السرايا وكان عنده الناحيه اليمين من جسمه كل ضلوعها مكسوره تقريبًا ومحضرش الإمتحانات وعاد السنه،مع إن كان سهل يحضر وقتها الإمتحانات بس ماما رفضت،وقالت مجتش من سنه تتعوض.

تهكمت سهيله قائله:

طنط الحجه شُكران بدلعكم أوى،وممكن الدلع ده يفسد سامر متهيألى إنه محتاج شوية يعتمد على نفسه،ويختار طريقهُ،يحس إنه مسؤول عن حياتهُ ويصلح من نفسه شويه قبل فوات الآوان،يجيب لكم مصيبه.

إستغرب آصف من حديث سهيله وكاد يسألها،لكن المراكبي إقترب منهم قائلًا:

حمدالله عالسلامه وصلنا الشط.

نهضت سهيله واقفه وتوجهت نحو سلم المركب،سار خلفها يشعر بفضول أن تُكمل بقية حديثها معه عن سامر، لكن إنتهى آخر لقاء بينهم بعد أن أصرت كالعادة أن تعود للقريه وحدها،بينما هو تغافل ولم يضع الآمر برأسه إلا الآن

[عـــــــــــودة]

ظل للحظات يُفكر فى معنى حديث سهيله، لماذا لمحت بذالك، ماذا كانت تقصد

هل تحرش بها سامر حقًا، لا سامر كان يعتبرها زميله فقط،رأى جلوسهم معًا سابقًا كان بحدود،إذن مستحيل

هكذا جاوبه عقله.

وضع أنامله حول جبهته يفركها بضيق يشعر بصداع يفتك برأسه يكاد عقلة يشت، لما إدعت سهيله بالكذب على سامر، لديه يقين أن سهيله كذبت حين قالت أنه حاول الإعتداء عليها، إزداد تحجُر عيناه وتحجر معها قلبه يشعر أنه كُتله مُنصهره تحرق فؤاده ليتها قتلته هو وما كان عاش يشعر بكل هذا الآلم الذى ينهش كيانه بالكامل.

ـــــــــــــــــــــــــــــــ

بإحدى غرف السرايا

تمددت شهيرة فوق الفراش الناعم الوثير رغم ذالك تشعر بضجر تود العوده للقاهرة والبقاء هناك تشعر بحريتها عن البقاء هنا بين حوائط تلك السرايا القديمه،كذالك تبتعد عن ذلك البؤس والحُزن المُسيطر على السرايا ومن فيها،جذبت هاتفها تتصفح بعض الرسائل الخاصه المُرسله لها من أصدقائها،لكن رأت تلك الرساله القديمه التى مازالت تحتفظ بها

فتحت الرساله ورأت تلك الصور التى كانت مُرسله لها...صور تجمع آصف مع تلك الفتاة المُتهمه بقتل سامر،تبسمت بإنشراح وهى ترى نظرات عين آصف لتلك الفتاة تبدوا بوضوح نظرات عاشق،تنهدت بسعادة،آصف يعشق قاتلة أخيه

هو الآن مُشتت بحرب ضاريه بين حبيبة قلبة وبين أخيه الذى قتلته تلك الفتاة،هدرت قلبه مع دماء أخيه،بالتأكيد يشعر بآلم جم فى قلبه،واضح على ملامحه وتصرفاته العصبيه دائمًا.

ألقت شهيرة الهاتف على الفراش وإتكئت بجسدها فوق الفراش تتمطئ بحُريه وراحه نفسيه رغم ضجرها من البقاء هنا،لكن رؤيتها

لـ آصف بهذا التشتُت خفف من ذلك الضجر...إنتبهت لصوت فتح باب الغرفه،نظرت بإتجاهه رأت دخول آسعد الذى دلف وجلس على طرف الفراش يتنهد بآلم،نهضت تجلس على رسغى قدميها خلف آسعد وضعت يديها فوق كتفيه تقوم بتدليكم بخفه قائله:

إطمنت عالحجه شُكران.

تنهد آسعد بآسى قائلًا:

أيوه آيسر طلع ينام، سيبت معاها صفوانه هتفضل معاها بنفس الاوضه.

رغم تلك البسمه التى فوق شفاه شهيرة ولم يراها أسعد لكن إدعت الحديث بنبرة حُزن:

ربنا يرآف بقلبها مش سهله عليها أنا لو مكانها كنت روحت السجن للمجرمه دى وقطعتها بأسنانى لاء وكمان المجرمه عشان تطلع نفسها من الجريمه بتدعي عالمرحوم سامر أنه كان هيعتدي عليها.

تعصب آسعد بشده وإنتفض جسده.

شعرت شهيرة بإنتفاضة جسد أسعد أسفل يديها تبسمت وإزدادت فى صب غضبه:

المفروض تتصرف مع البنت دى، كده ممكن تنفد من العقاب اللى تستحقه.

تنهد آسعد قائلًا:

أنا فعلًا كنت هدخل وهعرف البت دى قيمتها كويس، بس آصف قالى هو اللى هيتولى أمر سير التحقيقات.

تسألت شهيرة بفضول:

يعنى أيه آصف هو اللى هيتابع سير التحقيقات، إنت اللى قلبك مكسور على موت إبنك، وآصف...

قاطع آسعد شهيرة قائلًا:

ناسيه آصف قاضي وأكيد عارف طريقة سير التحقيقات دى، وكمان مش عاوز ينتشر فى البلد إنى بفتري عالبت دى بسبب سُلطتِ كنائب مجلس الشعب،سايبها تجيب آخرها...لآنى لو تدخلت فى الآمر مش هيكفينى موتها.

تهكمت شهيرة بين نفسها،آسعد ترك القضيه لـ آصف "العاشق المُتيم" ألم ينتبه أنها حين آتت بسيرتها بسوء أمامه دافع عنها،لكن لن تهتم آصف يستحق ذلك العذاب الذى يعيشه

دم أخيه على يد حبيبته.

ــــــــــــــــــــــــــــــ .

مع سطوع نهار جديد

فى حوالى العاشرة صباحً

بالمشفى التى كانت تعمل فيها سهيله

دلفت بين إثتين من العساكر بيديها أصفاد

حاولت إخفائها أسفل كُم كنزتها،لكن حتى لو أخفتها،فكل عيون من بالمشفى تنظر لها

تنهشها وبالتأكيد تنعتها بالقاتله

كان الطريق من باب المشفى الى تلك الغرفه التى قُتل فيها سامر بالعادة قصير،لكن الآن كان بالنسبه لها كآنه طريق طويل لا ينتهى،تسير وهى تشعر أن قدميها مثل الهُلام،أعين زُملائها بالمشفى سهام تخترق جسدها تُدمي قلبها

توقف العساكر حتى آتى من خلفهم وكيل النيابه وشخص آخر معه كاميرا مُعده للتصوير،كذالك مدير المشفى ومعه المحامى الخاص

بـ سهيله،

تحدث وكيل النيابه بهدوء:

دلوقتي هنعيد تمثيل الجريمة زى ما حصلت من البدايه،ياريت بلاش تنسي أى تفصيله حتى لو صغيرة.

أومأت سهيله رأسها تشعر كأن روحها تنسحب من جسدها،ظلت مُتصنمه مكانها يُعيد عقلها ما حدث بالغرفه قبل أيام ،بينما نظر وكيل النيابه لـ العساكر آمرًا:

فكوا الكلابشات من حوالين إيديها.

إمتثل العساكر لذالك،بسبب توتر سهيله ورعشة يديها أثناء فك الأصفاد ضغط العسكري على يديها ترك آثر لهما فوق معصميها.

أشار لها وكيل النيابة قائلًا:

إتفضلى إبدأي أيه اللى حصل من بعد ما دخلتِ الأوضه.

ظلت سهيله مُتصنمه لبعض الوقت حتى أشار لها مره أخري،توجهت نحو باب الغرفه تسير بترنُح تشعر أنها تفقد جزءً من روحها بكل خطوه قبل أن تصل الى باب الغرفه تهاوت بجسدها أرضًا،تشعر بإنسحاب عقلها الذى لم يعُد يتحمل تركت له الزمام يقفدها الوعى،وتمددت أرضًا مغشيًا عليها.

بتلقائيه إنحنى مدير المشفى يجث العرق النابض لها،تنهد براحه قائلًا:

واضح إن الدكتورة مقدرتش تتحمل إعادة تمثيل اللى حصل وأغمى عليها ولازم تتنقل لأوضه خاصه عشان نتعامل مع حالتها.

أومأ له وكيل النيابه بموافقة

بعد لحظات وضع إثنين من المُسعفين جسد سهيله فوق نقاله طبيه خاصه وذهبا الى إحد غرف المشفى،تغافل الجميع عن رؤية آصف الذى كان بالمشفى ورأى جزء من ما حدث،شعر بإنخلاع فى قلبه وهو يرى سهيله تبدوا غائبه عن الوعي فوق تلك النقالة،سُرعان ما نهر نفسه على ذلك الشعور وغادر المشفى قبل أن يرق قلبه أكثر.

ــــــــــــــــــــــــــــــ

بالبنك الزراعي.

لو غيرها لكانت تشعر بآسى على مستقبل أختها الوحيدة التى تواجه أزمه شبه أطاحت بمستقبلها لكن هى هادئه كآنها لا تعنيها،إقترب عادل بمقعده من مقعد هويدا،وإنتهز وقت فضاء العمل قائلًا:

أنا أتكلمت مع عمي ايمن إمبارح وقالى إن النيابه أمرت بإعادة تمثيل الجريمة النهارده،متعرفيش أيه اللى حصل.

ردت هويدا بلا مبالاة:

وأنا هعرف منين وأنا هنا فى البنك من الصبح،والمثل بيقول يا خبر بفلوس.

تفاجئ عادل بجواب هويدا البارد الجاحد...لكن عاود الحديث يُخبرها:

إمبارح وأنا مع عمي أيمن أقترح عليا إننا نأجل زفافنا شويه على ما نشوف موضوع سهيله هيوصل لأيه ،وأنا وافقت مش معقول هـ..

قاطعته هويدا بغضب:

إزاي تقرر توافق على تآجيل زفافنا بدون ما تقولى،وبعدين أيه اللى مش معقول،عالعموم مش مهم،طالما واقفت على تآجيل الزفاف مترجعش تضايق لما أنا كمان أطلب تغير قاعة الفرح.

شعر عادل بإستغراب من رد فعل هويدا لو كانت أخرى هى من كانت طلبت منه ذالك لكن هويدا لديها قلب جاحد،بينما هويدا بداخلها تشعر بإنبساط من تآجيل زفافها،لكن مصحوب بضجر بسبب تآجيله من أجل تلك الحمقاء سهيله،لو كان لسبب آخر ما كانت تضايقت بل كانت رحبت بالأمر.

ــــــــــــــــــــــــــــــــ

بالمشفى أقر الأطباء أن سهيلة دخلت بحالة إنهيار نفسى وأنهم أعطوها بعض الادويه الخاصه بالتهدئه النفسيه وبسبب آثرها الطبي ستظل نائمه لوقت،يتحتم بقائها بالمشفى الليله من أجل متابعة حالتها.

ــــــــــــــــــــــــــــــــــ

ليلًا

بـ سرايا شعيب

إنتصف الليل وهو مازال ساهدًا كما بالليالى السابقه، لم يتذوق النوم سوا لأوقات قليله خطفًا ثم يصحوا وهو يشعر بسُهد

نهض من فوق فراشه قرر أن يأخذ حمامً دافئًا عل هذا الشعور يزول عنه، لكن هيهات، وقف أسفل تلك المياة تتناثر المياه فوق جسده يشعر، بحرارة تغزو جسده، أدار مؤشر درجة حرارة المياه من دافئه الى بارده، لكن إرتعش جسده فقط للحظه سُرعان ما عاد نفس الشعور يُحركه قلبه الذى يود الإطمئنان على حال سهيله، أغلق المياه وخرج الى الغرفه ترك الزمام لقلبه يتحكم به، إرتدى ثياب أخرى وخرج من السرايا متوجهًا الى المشفى، دخل بخطوات ثابته، لكن توقف بالممر حين رأى شُرطي يقف أمام تلك الغرفه، تردد للحظات قبل أن يحسم الصراع قلبه، توجه نحو ذلك الشرطى، وأخرج هاويته القضائيه.

هاويته القضائيه تلك كانت كفيله بجعل ذلك الشرطي الذى يقف حارسً على باب الغرفه يسمح له بالدخول الى الغرفه دون إعتراض بل ويفتح له بنفسه باب الغرفه

دلف الى داخل الغرفة يشعر بغضب سُرعان ما تحول لوخزات قويه تضرب قلبه حين وقع بصرهُ على تلك الراقده فوق الفراش ملامح وجهها الشاحبه، كذالك تبدوا أنها فقدت القليل من وزنها بعدة أيام

للحظات رآف قلبه حين رأى يدها المغروز بها إبر طبيه تتصل بآنابيب

تُغذي جسدها بمحلول طبي، إنحنى قليلًا وكادت آنامله تلمس يدها، لكن سُرعان ما تحجرت عيناه وقلبه حين رأى آثار تلك الأصفاد حول يدها الأخرى، سُرعان ما إستقام يضم أصابع يدهُ يضغط عليها بقوة تكاد تنفُر الدماء من أوردتها، نفض عن قلبه تلك الشفقه التى تملكت منه للحظات ، ذمهُ عقله

وصراع محتدم بأشد أوجهُ بين مشاعر متناقضه بين العقل والقلب الذي ينزف قهرًا أمام حِيرة العقل، وضميرهُ كـ قاضى وقبل كل ذلك "حق الأخوة " هي كذبت وشوهت صورة أخيه المغدور،إبعد عينيه عنها وإستدار بجسده وكاد أن يُغادر الغرفه لكن توقف قبل أن يصل لباب الغرفه للحظه حين سمع همس ضعيف من سهيله كآنها تنطق إسمه برجاء :

آصف.

ليلًا

بعد مرور ثمانية أشهُر

تبدلت المواسم من الشتاء، وها هو الصيف يقترب على الرحيل يُنذر أحيانًا بنسمات خريفية.

بمنزل أيمن ليلًا

على تلك الحشائش النديه الصغيرة بتلك الحديقه الصغيرة المُلحقه بالمنزل، كان يضجع بظهره على جدار المنزل يرفع رأسه نحو تلك النجوم المُتراصه بالسماء التى مازالت صافيه، شارد بـ سهيله إبنتهُ الرقيقه المسجونه منذ ثمانِ أشهر بين جُدران مُعتمه،يعلم أنها لا تخشى الظلام،لكن لديها رُهاب الأماكن المغلقة، حتى أن ذلك دائمًا ما كان يُسبب شِجار بينها وبين هويدا، كانت سهيله أحيانًا كثيره تترك لها الغرفه وتنام على أحد أرائك غرفة المعيشه، أو تمتثل هويدا غصبًا وتترك باب الغرفه مواربًا،تنهد قويًا يشعر بغم...بنفس اللحظه وضعت سحر أمامه صنيه صغيرة عليها كوبان من الشاي،وقالت بحُزن:

الطقس بدأ يتغير،الخريف راجع تاني،قلبي بيوجعنى أوى يا أيمن،سهيله مش عارفه عملت أيه عشان يبقى جزائها تتحبس فى زنزانه من أربع حيطان مع المجرمين وأرباب السوابق أنا كل ليله بفكر هى حالها أيه ،أنت عارف أنها بتخاف من الأبواب المقفوله،قلبي حاسس إنها مش بخير،ومعرفش ليه النيابه مرضيتش تطلعها بكفاله حتى كانت تتحاكم وهي بره السجن،صحيح خيرًا تعمل شرًا تلقى هى قالت الحقيقة من الأول،والله من كام يوم قابلت صفوانه بالصدفه وأنا راجعه من عند أمى،إتكسفت أبص فى وشها أو أكلمها،بس هى والله هى اللى قربت منى وكلمتني،وكنت عاوزه أسالها عن الحجه شُكران،بس خوفت تفهمني غلط،بس هى لمحت لى إنها مع الوقت بتتقبل وربنا مديها صبر فى قلبها،وكمان هتروح تحج وتاخد معاها صفوانه،ربنا يخفف على قلبها، فُراق الضنا نارهُ فى القلب مش بتبرد،بس ربنا يصبرها،وكمان يصبرنى على غياب بنتِ المسكينه اللى مستقبلها ضاع،ويا عالم هترسى على أيه،أنا خايفه القضيه كانت محجوزه للحُكم وخلاص الجلسة فاضل عليها أربع أيام.

زفر أيمن نفسه يشعر ببؤس من حاا إبنتهُ، لكن رغم مشاعرهُ المُتآثرة، حثها أن تتمسك بأمل يود أن يصدق هذا الأمل:

إن شاء الله خير،المحامى طمني وقالي عنده أمل إن سهيله تاخد حُكم مُده مش كبيره بعد ما النيابه سجلت القضيه دفاع عن النفس.

آمنت سحر على قوله بتمني:

يارب القاضى يكون عنده رآفه فى قلبه.

تنهد أيمن قائلًا:

مفيش قاضى فى قلبه رآفه يا سحر ده مش جلسه عُرفيه،ده جلسة محكمه وليها بالأدله.

قبل أن تتحدث سحر،سمعوا صوت هتاف قوى يمُر من أمام منزلهم،كذالك سمعوا فتح ذلك الباب الحديدي،ودخول طاهر يتشاهد قائلًا براحه:

الحمدلله أخيرًا وصلت لباب البيت،أيه الزحمه دى البلد كلها بره بيوتها.

تبسم له محمود قائلًا:

ده تجمُع لزوم الدعايه الإنتخابيه.

تنهد طاهر قائلًا:

هو مش المفروض أول يوم فى الإنتخابات خلاص بكره، والليله يبقى فى صمت إنتخابي.

رد أيمن بسخريه:

آه ما هو المُرشح بيبقى صامت لكن أتباعهُ وحبايبهُ لازم يجملوه ويشدواة من أذر الأهالى عشان ينزلوا ينتخبوه...ربنا يوفق اللى يصلح حال البلد

ردت هويدا وهى تنزل درجات السلم:

ده تجديد نصفي للإنتخابات وأكيد محسوم إن آسعد شُعيب هو اللى هيفوز،كل اللى بيحصل ده بروباجندا مش أكتر،أنا نفسي هروح بكره لجنة الإنتخابات وأعطي صوتى له.

نظر لها طاهر بآسف قائلًا بلوم:

أنا عن نفسى المفروض لأول مره يحق لى أنتخب،بس مش هروح ولا هنتخب أى مُرشح مش مُقتنع بيه،وبالذات أسعد شعيب،طبعًا إنتِ مشفتهوش فى آخر جلسة محكمه

وهو بيهدد سهيله إنها حتى لو خدت براءة من المحكمه هو مش هيخليها تتهنى بيها،الراجل ده حسيت إنه منافق وعكس الصوره اللى بيحاول يجملها قدام أهل البلد أنه بيدور لهم عالمصلحه وبيجيب لهم الخير، ويستحق يمثلهم عند الحكومه، كفايه أنه متجوز إتنين،معرفش الإتنين قابلين إزاي،طبعًا قادر يسيطر عليهم،مش عارف إزاى بيتعامل مع ولاده من كل واحده فيهم،أنا مكنتش أعرف حد من ولاده غير سامر...وكمان آصف وآيسر غير كده معرفش بقية ولاده التانين،والله بشفق عليهم من أب زى ده يمكن أكيد ميعرفهمش من بعض.

ردت سحر بنفي:

لاء صفوانه مره قالتلى إنه معندوس أغلي من ولاده من نسوانه التلاته وكمان على تواصل مع البنتين اللى أمهم ماتت الاتنين متجوزين إتنين أخوات ولاد عضو مجلس شعب صاحبه، وعايشين فى مصر،وعالدوام واصل الود معاهم.

أخذت هويدا الحديث من سحر وقالت ببساطة:

وفيها أيه لما يكون متجوز إتنين طالما عادل بينهم،كمان أنا شايفه إن الحجه شُكران عالدوام مريضه وهو من حقهُ يلاقى اللى بصحتها تكون واجهه له قدام زُملاؤه بقية أعضاء مجلس الشعب،ومش معنى إنه هدد سهيله فى المحكمه يبقى شخص سيئ،ناسى إن اللى سهيله قتلته ده يبقى إبنه.

نظرا كل من أيمن وسحر لها بضيق وعتاب،بينما قال طاهر بيقين:

سهيله متقلتش سامر،والمفروض إننا أخواتها وندافع عنها اللى يسمعك يقول خلاص صدقتِ إن سهيله مجرمة.

إرتبكت هويدا وشعرت بخزي وقالت بتبرير مُبطن:

آه طبعًا،أنا مقصدش والمثل بيقول أنصر أخاك ظالمً أو مظلوم.

رمقها طاهر بآسف قائلًا:

سهيله مظلومه.

أومأت هويدا رأسها بتوافق دون إقتناع وتهربت قائله:

أنا هروح أنام عندي بكره شغل مهم فى البنك تصبحوا على خير.

أومأ الجميع لها برأسهم وردوا عليها بود، رغم إستيائهم من طريقة حديثها عن سهيله،

بينما جلس طاهر جوار أيمن أرضً ونظر الى أكواب الشاي وجذب كوب وقام بإرتشاف بعض قطرات منه قائلًا:

أنا مدوقتش طعم الزاد طول اليوم.

نهضت سحر تنظر له بعتاب قائله:

إتلهيت فى الشغل طبعًا ونسيت تاكل زى العادة.

أومأ لها طاهر برأسه قائلًا:

هو ده فعلاً اللى حصل، وكمان أنا بحب أكل من إيديكِ الأكل له طعم تاني.

تبسمت له بحنان قائله:

دقايق هروح أجيبلك تاكل.

أومأ طاهر برأسه ونظر فى آثر سحر حتى دلفت الى داخل المنزل، عاد بنظرهُ الى طاهر وأخرج من جيبه مبلغ مالى ومد يدهُ به لـ أيمن قائلًا:

خد يا بابا، أنا قبضت من مركز الصيانه اللى بشتغل فيه، أدي للمحامى أتعابهُ.

نظر أيمن الى ذلك المبلغ وربت على يد طاهر بحنان قائلًا:

خلي فلوسك معاك ياطاهر بكره تحتاجها وأنت فى الدراسه تشتري كُتب ومستلزمات الجامعه، ناسى إنك هتبقى فى آخر سنه فى الكليه، وهتحتاج لمشاريع تخرُج وهتتكلف، يمكن وقتها أكون أنا مش معايا فلوس، النهاردة الحمدلله أنا دفعت للمحامي أتعابهُ،سحر كانت عامله جمعية عشان نبقى نكمل بها بقية جهاز هويدا، والفرح خلاص إتأجل ميعادهُ،أهو كويس نكون عملنا جمعية تانيه ونقدر نتصرف بيها...كفايه إنك شايل مصاريفك عني وبتشتغل جنب دراستك،غير كمان إنت اللى بتشجع رحيم إنه يكمل فى ممارسة البوكس والتايكوندوا فى النادي وبتدفع مصاريفهم الكتير.

تبسم طاهر وهو ينحني يُقبل يد أيمن قائلًا بإمتنان:

بابا إنت اللى فى البدايه وجهتني إنى أتعلم شغل الصيانه لما لقيت عندي هواية تصليح التلفزيونات وكمان الموبيلات حتى إنت اللى كنت بتدفع تمن الكورسات اللى كنت باخدها فى مركز الصيانه، وبسبب شطارتى فى الكورسات دى إشتغلت معاهم فى نفس المركز غير كمان بيجلي شغل تانى بعيد عنهم، أهو بسترزق.

تبسمت له سحر التى آتت بصنية طعام متوسطه وضعتها أمامه وجلست جوار أيمن تنظر له بمحبه قائله:

ربنا يوسع رزقك بالحلال دايمًا.

تبسم طاهر وهو ينظر الى ذلك الذى دلف الى المنزل وقام بإلقاء تلك الحقيبه الرياضيه أرضًا كان يشعر بإنهاك لكن حين وقع بصرهُ على الطعام نسي ذلك وهرول سريعًا نحو صنية الطعام وبدأ يقتات منها بلهفه

حذرهُ بمرح:

كُل بالراحه محدش هيحوش عنك الأكل، إنت جاي من مجاعة المفروض كنت تغسل إيدك قبل ما تاكل.

لم يرد رحيم وإستمر فى تناول الطعام.

رغم غصات قلب سحر لكن تبسمت له بحنان وقالت:

كان قلبي حاسس إن هترجع من مركز الشباب جعان وعملت حسابك وجبت لك أكل مع طاهر.

رفع رحيم رأسه ونظر لـ سحر قائلًا برجاء:

والنبي ياماما خلي قلبك يحس برجوع سهيله تانى للبيت عشان هى وحشتني أوى.

ردت سحر بأمنيه تخرج من قلبها:

إن شاء الله سهيله هترجع للبيت تاني قريب.

ــــــــــــــــــــــــــــــــــ

بـ سرايا شُعيب

بغرفة المكتب

تداول آسعد مع أحد مُساعديه سير الدعايه الإنتخابيه... تنهد بهدوء قائلًا:

تمام كده، بكره خلاص بدأ الجوله النهائيه مش عاوز مفاجأت.

رد مُساعده:

إطمن يا باشا المنافسه سهله الخصم تقريبًا مالوش أى شعبيه قصاد شعبية ساعتك، النجاح مضمون.

أومأ له أسعد برأسه قائلًا:

تمام،إنت عارف إن ده وقت الصمت الإنتخابي،وإنى المفروض كل الدعايه تتوقف.

تبسم المساعد قائلًا:

حضرتك إحنا ساكتين ومُلتزمين بالصمت،الأهالى هما اللى حابين يعبروا عن محبتهم لسيادتك.

نهض أسعد واقفًا بثقه قائلًا:

تمام،نتقابل بكره قدام لجنة الإنتخابات،عاوزك تنبه عالرجاله مش عاوز شغب مع المُرشح المنافس،هو شخص إستفزازي،وعارف مقدمًا إنه مش هيقدر عالمنافسه قصادي وممكن يلجأ للشغب.

رد المُساعد:

متقلقش يا باشا،أنا منبه عالرجاله مهما عمل أو قال هو يطنشوا.

صافح أسعد المساعد الذى غادر المكتب،بنفس الوقت صدح رنين هاتفه،جذبه من فوق المكتب ونظر الى شاشته،وقام بالرد بعد التحيه سمع الآخر يقول له:

بتصل على حضرتك أفكرك إن قضية المرحوم سامر بيه بعد أربع أيام ودى جلسة النُطق بالحُكم،عشان اعرف حضرتك هتحضر الجلسه زى الجلسات اللى فاتت.

سهم أسعد للحظات ثم زفر نفسه بغضب وفكر قائلًا:

لاء أنا مش هحضر الجلسه دى إنت عارف إن اليومين الجاين هبقى مشغول فى الإنتخابات واللف على دواير المركز وكمان نتيجة الإنتخابات، بس طمني ممكن القاضى يحكم ولا يآجل القضيه تاني.

رد المحامى بتوضيح:

معتقدش هيبقى فى تآجيل تاني، القضيه تعتبر مؤجله من الدوره القضائيه اللى فاتت وإحنا فى أول الرول، والقاضى هيبقى عاوز ينهي القضيه عشان لو فى إستئناف.

نفخ آسعد وجنتيه بغضب ثم زفر نفسه سائلًا:

ومتوقع القاضي هيحكم عليها بأيه؟.

إزدرد المحامى ريقهُ قائلًا:

هو فى ثوابت وظوابط قانونيه لنوعية الجرائم دى

بس أحيانًا الحُكم بيختلف من قاضى للتانى، حسب رؤيته للقضيه، بس بناءًا على أقوال المتهمه والحيثيات، بصراحه مش متوقع حكم القاضي، بس أكيد هتاخد حُكم مُخفف،كم سنه فى السجن.

إغتاظ آسعد قائلًا بغضب:

قصدك ايه بحكم مخفف كم سنه؟.

رد المحامى:

ده قوانين يا أفندم،وإحنا ممكن نطعن فى الحُكم بعدها لو مكنش يرضي ساعتك.

زفر آسعد نفسه يشعر بغليل قائلًا:

لو بأيدي عاوز ليها الإعدام فورًا،بس تمام خلينا ورا القانون نشوف هيوصلنا لأيه.

ـــــــــــــــــــــــــــــــــــــــ

بـ شقه خاصه بالقاهرة

زفر آصف دخان تلك السيجاره التى بيده ثم جذب ذلك الملف وقام بفتحه وقراءة محتواه يُدقيق

بكل حرف يقرأوه، أثناء تدقيقه صدح رنين هاتفه، جذبه من أمامه وتبسم حين رأي إسم أيسر، وضع بقايا السيجارة بالمنفضه ثم قام بالرد عليه قائلًا:

الساعه دلوقتى عندك كام فى "ستوكهلم".

تثائب آيسر ونظر الى ساعه موجوده بالغرفه قائلًا:

ياعم فرق التوقيت بين ستوكهلم ومصر هو ساعه يعنى الساعه هنا دلوقتي تسعه ونص عندك فى مصر عشرة ونص،يعنى لسه الليل فى أوله.

تهكم آصف قائلًا:

الليل فى أوله بالنسبه لشخص فاصي زى جنابك مقضيها طيران من بلد لبلد تانيه، أنت مش كنت مكلمني من يومين إنك فى سويسرا، الصبح تبعتلى رساله إنك فى السويد.

تبسم آيسر قائلًا:

الحق عليا بقولك على تحرُكاتي عشان أجيبلك هديه من كل بلد أنا بروحها،معايا ليك علبة شيكولاته سويسري هتنسيك السجاير اللى بتحرقها وتضر صحتك،شيكولاته ماركه أصليه.

تهكم آصف قائلًا:

ومين بقى اللى جابت لك علبة الشيكولاته دى،وأيه كان المُقابل قصادها.

ضحك آيسر قائلًا:

لاء إطمن أخوك عنده حدود،هما بوستين بس،بس والله البت صعبت عليا أوى كان نفسها فى ليله مُميزه وشموع ورقص،بس أنا قلبي حنين رقصتها لحد ما أتهدت ونامت.

ضحك آصف قائلًا:

لاء محترم،يا بني توب عن اللى بتعمله ده،تعرف أنا نفسى تقع فى بنت تعلمك الأدب.

تنهد آيسر بإشتياق قائلًا:

والله أنا كمان نفسي،نفس أشوف بنت وتعلم فى قلبي،بس لحد دلوقتي كلهم مفيش واحده فيهم ملت عيونى،وعلمت فى قلبي،أهو بتسلى،يمكن فى يوم تظهر نجمة حياتي...نفسى أعيش إحساس الحب الشوق واللوعه.

على ذكر "الحب الشوق اللوعة"

شعر آصف بنغرات قويه فى قلبه لكن قاوم ذلك قائلًا:

على فكره بابا كان زعلان منك،وقالي بدل ما كان يسافر يصيع فى أوربا كان وقف جنبي فى الإنتخابات حتى يظهر قدام الناس إن عنده رجاله.

رد آيسر:

هو كده كده ضامن ينجح، مفيش مُرشح يقدر يسد قصاد سطوته، وكمان

أنا ماليش فى لعبة السياسه والإنتخابات، أنا مصدقت خلعت من المدرسه العسكريه اللى كنا فيها، والنظام العسكري اللى كله أوامر،أنا مش زيك مقدرش أتحمل أبقى مُلتزم بقوانين صارمه،أنا بحب الحريه، وبعدين سيبك من موال الإنتخابات، إنت مش مُنتدب السنه دى فى محكمه فى القاهرة، قولى ليه ساكن فى شقه خاصه، ورغم إنك المحكمة اللى مُنتدب فيها قريبه من الڤيلا اللى عايش فيها بابا،مع حرمه المصون شهيره.

تهكم آصف بسخريه قائلًا:

هى المحكمة فعلًا قريبه من الڤيلا،بس أنت عارف إن أنا والليدى شهيره مش بنطيق كلمة لبعض،وأنا بكره سماجتها،ومقدرش أتحملها عاوز الهدوء عشان أركز فى القضايا،والشقه بالنسبه لى مُريحه جدًا وفى منطقه هاديه.

تبسم آيسر قائلًا:

فعلًا البُعد عن الليدي شهيره غنيمه،يلا بقي كفايه رغى عندي راندڤوا مع موزه سويديه ومحتاج أبقى دماغي رايقه،أشوفك بعد يومين فى مصر يكون موال الإنتخابات ده خلص.

تبسم آصف وهو يُغلق الهاتف وقام بوضعه أمامه على المكتب،ونهض للحظات ثم عاد يضع كوبً من القهوه الداكنه على الطاوله أمامه وجذب علبة السجائر وأشعل إحداها،نفث دخانها،وجذب ذلك الملف مره أخري عاد يُدقق به،حتى إنتهي وأخذ القرار مع نهاية إحتساؤهُ لكوب القهوة،جذب تلك الحقيبه الصغيره الخاصه بالملفات وقام بفتحها وجذب الملف وكاد يضعه بالحقيبة لكن توقف حين وقع بصرهُ،على ذاك الملف الموجود بالحقيبة،،قام بجذبه ووضعه على المكتب أمامه ثم ترك الحقيبة والملف الآخر،للحظات تردد فى فتح ذاك الملف لكن مُرغمً من قلبه،شعور جعله يفتح الملف،شعر بوخزات قويه فى قلبه حين وقع بصرهُ على تلك الصورة الملصوقه بأعلى أول صفحة بالملف

بتلقائيه وضع يدهُ على تلك الصورة كاد يتلمسها،لكن شعر بمشاعر مُتخبطه ومتناقضة

بين إشتياق ولوم

لكن غلبت مشاعر الغضب لديه وتحجرت عيناه وهو يحاول تغاضي النظر لتلك الصورة البريئه عكس حقيقة صاحبتها،طوى الصفحه وبدأ بقراءة الملف الى أن إنتهى أغلقهُ مباشرةً،يشعر بغضب يتوغل الى قلبه،بخبرته القضائيه توقع حكم القاضي فى تلك القضية بناءً على ما هو أمامه من أدله وحيثيات،لكن إتخذ قرار آخر برآسه لن يدع تلك الجلسة القضائيه تفوته.

ـــــــــــــــــــــــــــــــــــــــــ

باليوم التالى داخل إحد لجان الإنتخابات بالبلده كانت هويدا

تقف بمكان قريب تستطيع منه رؤية القادمين للإدلاء بأصواتهم،بترقُب منها تتمنى أن يتحقق ما تود الوصول إليه

شعرت بإنشراح حين تحقق ما أرادته ها هو آسعد يقترب للدخول الى مقر الإنتخابات... حسمت أمرها وإستجمعت ذكائها مع نِفاقها، ورفعت صوتها تُجاهر بالقول تحاول إقناع الواقفين للإدلاء بأصواتهم:

يا جماعه إنتخبوا'"المهندس آسعد شُعيب"هو أفضل شخص يمثلنا فى البرلمان،كلنا شايفين إنجازاته فى البلد،وتطويرها، مش بس مساهمته فى تطوير البنك الزراعي،لاء وكمان طور فى مدارس البلد حتى المدرسه دى اللى بتتم فيها الإنتخابات هو اللى طورها،عشانكم وعشان أولادكم يلاقوا رفاهيه،هو قلبه دايمًا على مصلحة البلد،أقل شئ نقدمه له ونشكره بيه إننا نعطي له صوتنا الإنتخابي.

هلل بعض الموجودين بالمكان بإسم

آسعد الذى دلف الى المقر وسمع حديث هويدا التى كانت تقصد ان تُعطي لها ظهرها حتى لا يظن أنها تعمدت قول ذلك حين رأته،لكن سُرعان ما أدارت وجهها له،بعد تهليل الناخبين له،إقترب أسعد منهم بود ظاهري،لكن عيناه كانت مُنصبه على هويدا التى يعلم كنيتها جيدًا هى أخت قاتلة أحد أبناؤه،لكن فكر عقلانيًا،حتى إن كانت أخت القاتله فهو لن يأخذها بذنب غيرها،إقترب منها وإنحني قليلًا وهمس لها:

مُتشكر جدًا،ممكن تستنيني بره اللجنه خمس دقايق بس على ما أحط أنا كمان صوتى الإنتخابي.

أومأت رأسها تدعي الإهتمام قائله:

بالتوفيق.

بعد عدة دقائق،بزاويه قريبه من فناء أمام ذاك المقر الإنتخابى،إقترب أسعد من مكان وقوف هويدا التى كانت ترتدي نظارة شمسيه،

وقف آسعد صامتً للحظات،إدعت البراءة وقالت:

أنا عارفه إنى أختي تستحق العقاب،أنا مش عارفه إزاي جالها قلب تقتل إنسان حتى لو كلامها صحيح إنه حاول يعتدي عليها...كان أبسط شئ صوتت وهو وقتها مكنش هيغصبها،بس أختى يظهر دراستها للطب حجرت قلبها وخلتها تسفك دم إنسان.

لم يهتم أسعد بقولها،كان رده نظرة إعجاب منه لها،يري بها صورة أخرى لفتاة بالماضى عشقها،لكن سُلبت منه مرتين.

توقف الإثنين يتحدثان دون ملاحظة عادل الذي رأهما أثناء دخوله للإدلاء بصوته... تهكم بسخريه، رغم شعورهُ البغيض إتجاهما الإثنين.

ــــــــــــــــــــــــــــــــــــــ

القاهرة

بـ آتلييه خاص بالأزياء

كانت شهيره تجلس برفقة أخيها "رامز"

يتحدثان حول الترتيبات النهائيه لذلك العرض الخاص بمجموعة الأزياء الجديدة

سمع الإثنين طرقً على باب المكتب سمح له بالدخول

دلفت فتاة ليست صاحبهة جمال فائق، مقبولة الملامح لكن تمتلك جسد طويل ورشيق كما ينبغي مثل عارضات الأزياء... نظر لها رامز بنظرة وقحه

شعرت الفتاة بتلك النظره لكن لم تُبالي فهى هنا من أجل أن تنال العمل كـ عارضة أزياء

بينما نظرت لها شهيرة بتمعُن سائله:

إنتِ "نوران"

أومأت الفتاة برأسها قائله:

أيوه أنا مدام أمل كلمتك عني.

نظرت لها شهيرة سائله:

تمام، مدام أمل قالتلى إن عندك خبرة فى عروض الأزياء.

أومأت الفتاة برأسها...بينما قال رامز:

تمام تعرفى طبعًا إن فى ماشيه خاصه لعارضات الأزياء عالبيست

" Cat walk "

ياريت تمشيها دلوقتي قدمنا.

إستجابت الفتاة لذالك سارت بالمكتب ذهابً وإيابً بغنج مثل العارضات

كانت عيناه تفترس كل ذره بجسدها،قام بالتصفيق لها بتشجيع قائلًا بحماس:

لاء واضح فعلًا إنك مش مبتدأه،لاء مُتمرسه.

إبتسمت الفتاة قائله:

من صُغري بحب أتفرج على عروض الأزياء وكمان كنت بركز فى مشية العارضات عالبيست.

غمز رامز لها بوقاحه قائلًا:

تمام كده بس لازمك شوية فنيات بسيطه وأنا هعلمهالك وإن شاء الله هتبقى سوبر موديلز.

تبسمت الفتاة بإنشراح تنظر الى شهيره سائله:

أفهم من كده إن حضرتكِ وافقتِ إنى أكون من ضمن الموديلز اللى بيشتغلوا تبع الآتلييه.

تضايق رامز من سؤال الفتاة لـ شهيره كآنها تُلغي وجوده،تعصب قائلًا:

أنا هنا المسؤول عن العارضات،ولو مش شايف فيكِ مميزات العارضة

صدقني بعد الموقف ده كنت أبسط شئ طردتك،بس عشان شايف الموهبه زائد كمان جسمك مليكان،هتغاضي عن قلة الذوق دى.

إرتبكت الفتاة قائله:

متآسفه حضرتك بس.

تنرفزت شهيره قائله:

خلاص محصلش حاجه،شغلك مع مستر رامز،العرض فاضل عليها فتره بسيطه،ومش عاوزه أى أخطاء،دلوقتي إتفضلى روحى لمكتب الإستعلامات الموظفه اللى فيه هتديكى مواعيد تدريبات العارضات.

وافقت الفتاة وغادرت المكتب بينما عيني رامز مازالت تنظر لها،إستهجنت شهيره على رامز قائله:

رامز بحذرك بلاش حركاتك دى مع العارضه دى بالذات،أمل ليا معاها شُغل كتير وأهم زبونه تقريبًا للآتلييه والبت دى تقريبًا قريبتها،وكمان مش جميلة أوى ولا جذابه،ولا إنت خلاص نظرك راح من البص عالبنات.

توتر رامز قائلًا بتبرير:

أنا أكتر واحد فاهم فى شعل العارضات كويس وبعرف اتعامل معاهم،وإطمني النوعيه دي بتبقى مركزه على هدف معين ومش فى دماغى أوصل للهدف ده دلوقتي.

تهكمت شهيره سائله:

وأيه هو الهدف ده؟.

رد رامز:

نفس هدفك زمان مع آسعد،النوعيه دى مش بتفكر غير بعقلها وبس إزاي توصل لهدفها مش مهم الطريقه،حتى لو تخلت عن حلمها كـ عارضه عالميه مقابل إن يبقى لها إسم تانى فى مجال الشُهرة والنجوميه...وتبقى سيدة مجتمع راقيه،لأنها عارفه إن شغلها كـ عارضه مرهون بفترة قصيرة،وهتيجي غيرها تاخد نفس الشهره ويمكن أكتر،فتعوض ده بإنها توقع اللى يوصلها لهدفها وتفضل ايقونه مشهورة علطول فى الصدارة.

ــــــــــــــــــــــــــــ

بعد مرور يومين

ليلًا

بظلام تلك الزنزانه

كانت سهيله تجلس القرفصاء تدفن وجهها بين ساقيها تشعر بأنها مثل التائهه بالغد لديها جلسة بالمحكمه لا تعلم ماذا سيكون مصيرها

هل سيستمر بقاؤها سجينه لمدة أطول من ذالك، هل ستبقى بهذه الزنزانه ام سيتم تحويلها لسجن آخر أكبر، تقضي فيه بقية عقوبتها على ماذا لا تعرف لما هذا حدث لها ذلك، مستقبلها ضاع، هل سيضيع شبابها أيضًا فى زنزانه بين مُعتادِ الإجرام...

بأوج أفكارها المُعتمه كان هنالك صوت ربما أعطي لها جزءً كبير من الأمل، هو صوت المذياع الخاص بإحدي السجينات معها، كان يقرأ آيات من "القرآن الكريم"

شعرت بهدوء وراحه فى قلبها،تمددت فوق الفراش،تشعر بوجود أمل قد يُنقذها من براثن ذالك اليآس...حاولت إغماض عينيها

لوقت قليل لم تنعس،لكن تشعر براحه نفسيه،لكن فجأة شعرت كآن هنالك من تمددت جوارها على الفراش،ليس هذا فقط بل كادت أن تلمس جسدها،إنتفضت سهيله سريعًا من فوق الفراش، وذهبت نحو ذر الإناره ونظرت لتلك الراقده فوق فراشها قائله بإستهجان:

فى أيه.

لم تخجل الأخري وجاوبت بفجاجه:

فى أيه يا حلوه إحنا بنتسلى.

نظرت سهيله بذهول قائله:

بنتسلي،بنتسلى بأيه،إنتِ إزاي تفكرى فيا بالشكل ده،وكمان إزاي مش مكسوفه من نفسك،ولا هتنكسفِ ليه أساسًا وإنتِ بتشتغلي فى الدعارة فمش فارق معاكى لا أى أخلاق ولا دين،ولا ستات من رجاله.

تعصبت تلك المراه ونهض من فوق الفراش تقترب منه تنظر لها بسخط وقالت بإستقلال:

مفكره نفسك ست يا بت،أنت مش شايفه جسمك مفيش فى ريحة الانوثه،إنتِ شبه عود الحديد.

رغم رجفة قلب سهيله لكن إدعت القوه كي تُرهب تلك القذره وتبتعد عنها قائله بغضب:

ولما أنا شبه عود الحديد ليه جايه لى لعند سريري،إبعد عني،إنت مفكرة إنى جايه فى قضية شيكات بدون رصيد،أنا هنا فى قضية قتل،وكمان زيادة معرفه أنا دكتوره وسهل أشوف الدم قدامى ولا يتهز فيا شعره،لمي نفسك وعندك فى الزنزانه اللى قابلين بقذارتك يبقى تبعدي عني أفضلك.

للحظه إرتجفت تلك المرأة وشعرت بالرهبه،لكن قالت بوقاحه:

يعني بتعترفي إنك قتلتِ،طب ليه يا حلوة تلوثى إيدك بالدم،وبعدين أنا غلطانه الحق عليا كنت هسليكِ وهخليكِ تنسي الواطي اللى كل ليله تهمسي بإسمه وإنتِ نايمه،مالكيش فى الطيب خليكِ كده عايشه فى بؤس وإحلمِ باللى باعك ويمكن هو السبب إنك هنا فى السجن.

نظرت سهيله لتلك المرأه بسُحق لكن حاولت السيطرة على غضبها،وعادت تجلس على فراشها تضم ساقيها لصدرها،تسيل دموعها تحاول كتم صوتها تترجي أن يرفق بها القدر بالغد وتخرج من ذالك المكان البائس قبل يؤد بداخلها إنسانيتها. ـــــــــــــــــــــــــــــــــــــــــــ

صباح اليوم التالى

بالمحكمه

وسط تجمع إعلامى لبعض القنوات الفضائية وبعض المواقع الالكترونيه،مثلما يحدث،لكل جلسة من جلسات تلك المُحاكمه الخاصه بالطبيبه التى قتلت زميلها،بين مؤيد ومعارض،كذالك ذُكر أن القتيل كان إبن أحد أعضاء مجلس الشعب،الذى لم يستخدم سطوته وترك القصاص للقانون،كذالك ذُكر أن القتيل كان زميل دراستها،وهى غدرت به

بفناء المحكمه

دلف آصف بسيارته وصفها بمكان خاص بالسيارات، رأى دخول سيارة الترحيلات الآتيه ببعض السيجينات، إنتظر ينظر لتلك السياره وهي يترجل منها نساء واحده خلف أخرى مُقيدة أيديهن بأصفاد حديديه، لم يهتم لرؤيتهن فهذا ليست أول مرة يرى ذالك، لكن شعر كآن سيخ مُلتهب أصابه فى قلبه مباشرةً حين ترجلت من تلك السيارة سهيله،

رأى دفع إحدى المُرافقات لها بقوه وكادت تسقط أرضًا لولا أن أمسك بيدها أحد العساكر الموجودين بالمكان، يحاول إبعاد مراسلين تلك القنوات من الوصول لها ، رغم أسئلتهم الفجه بعض الشئ لها، إلتزمت الصمت غُصبانيه.

طغي علي آصف شعور بالغِيره من مسك ذلك العسكري ليدها،ود أن يترجل من السيارة ويلكمه كيف سمح لنفسه بلمس يدها، كذالك شعر بغضب من تلك المرأة التى دفعتها،وهؤلاء المراسلين وفضولهم وأسىئلتهم الحمقى دون مُرعاة شعور البشر، لكن عاد عقله يتحكم به وقام بوئد تلك الشفقه والمشاعر التى مازالت تتحكم بها إتجاهها، يلوم قلبه الذى يضعف كلما إقترب منها، تحمل أن يظل دقائق جالسًا بالسيارة عيناه تُراقب دخول سهيله الى داخل المحكمه،كذالك تلك الكاميرات التى تتبعها،وتلتقط لها الصور، تنفس بغضب، أخرج علبة سجائره وأشعل إحداها يُنفثها بغضب، عله يحاول تهدئة شعور الذى إنتابه بالرآفه إتجاه سهيله.

بينما دلفت سهيله خلف ذالك القُضبان الموضوع بقاعة المحكمة

تبسمت بغصة قويه حين إقترب كل من أيمن والمحامى ومعهم آسميه التى تدمعت عينيها وهى تمسك بيدي سهيله من خلف أسياخ ذالك القُضبان ودت أن تستطيع تحطيمها وتُخرجها من خلف القُضبان، بينما سهيلة إنحنت وقبلت يديها قائله:

وحشتيني أوي يا تيتا، ليه تعبتِ نفسك وجيتِ النهارده.

سالت دموع آسميه قائله:

قلبي حاسس إن ربنا هيفُك كربك والقاضى هيبقى فى قلبه رحمه ويحكم بالحق.

نظرت سهيله بغصه تحاول كبت دموعها،بينما تحدث المحامي معها ببعض النقاط سريعًا قبل دخول القُضاه كذالك أيمن لكن كانت لحظات فقط

قبل أن يقول حاجب المحكمه كلمته الشهيره:

محكمه.

وقف الجميع، الى أن جلس أعضاء لجنة المحكمه

بدأت مدولات القضيه بين الإتهام وسماع الدفاع كذالك بعض التساؤلات الخاصه.

لكن شعرت سهيله كآن كل شئ حولها توقف حين رأت دخول آصف الى قاعة المحكمه،راقبته بعينيها الى أن جلس بمقعد بعيد عنها،ظلت تشعر بالصمت حولها رغم صخب القاعه،فاقت من ذالك على قول أحد القُضاه:

إستراحه نص ساعه للمداولة بين القضاة وبعدها هنصدر قرار الحُكم.

لم تعرف سهيله كيف إنقضت تلك النصف ساعه عليها،كآنها عِقد من الزمن، كانت ترتقب ليس قرار القاضي،بل رد فعل آصف حين

سمعت أحد القُضاة يقول:

النُطق بالحُكم بناءً على حيثيات القضه وأقوال المُتهمه...

لم تكُن تنصت الى قرار القاضى كانت تختلس النظر ناحية آصف الواقف مثل البقيه

كانت تود أن يخلع عن عينيه تلك النظارة المُعتمه علها تستطيع معرفة رد فعله على قرار القاضي من نظرة عيناه.

بينما أسفل عدسات تلك النظارة أغمض آصف عيناه بقسوة، كما توقع قرار القاضي لم يكُن عكس توقعهُ... والآن لا يوجد طريق ثالث للقصاص منها.

بالكافيه القريب من الجامعه

ترك طاهر ذلك النادل الذى كان يتحدث معه حين رأى دخول يارا الى الكافيه،توجه ناحية إحد الطاولات وظل واقفًا ينتظر ببسمه على وجهه،يشعر بزيادة خفقان فى قلبه ، تبسمت هى الأخرى بتلقائيه يخفق قلبها بشده، بكل خطوه تقترب من طاولته ، شعور مختلف لأول مره بحياتها تتخلى عن غرورها وتكذب كي تلتقى بشخص شعور يتمكن من قلبها مع الوقت يجعلها تود أن يتوقف الوقت ويبقى الإثنين هنا، توجهت الى تلك الطاوله تبسمت له قائله:

إتأخرت عليك.

أشار لها للجلوس وجلس هو الآخر قائلًا:

مش كتير أنا يادوب واصل من دقايق.

جلست تشعر بتوتر وإرتباك لا تعلم كيف تبدأ حديث معه كآنها نسيت كل ما كانت تُفكر به طوال الطريق، بينما شعر طاهر بإستغراب من صمتها، للحظات، تنحنح يقطع الصمت قائلًا:

تشربي أيه؟.

إرتبكت أكثر وقالت بتسرُع:

أى حاجه.

اشار بيدهُ للنادل الذى إقترب منه قائلًا بمزح مع النادل:

إتنين عصير فريش، فريش مش مُعلبات.

تبسم له النادل وغادر، بينما مازالت يارا متوتره، كآنها لاول مره تجلس معه بهذا الكافيه، حاولت ان تتغلب على هذا التوتر وأرجعت ذالك ان سابقًا كانت اللقاءات بينهم مجرد صُدف وحتى إن كانت مقصودة منها لكن لم تكُن هى من تطلب اللقاء... ظلت صامته لدقيقه الى أن عاد النادل بكآسين من العصير وضعهم أمامهم، ثم غادر، لاحظ طاهر صمتها كذالك ملامحها المتوتره التى زادت وجهها ببعض الإحمرار البسيط، قرب كآس العصير الخاص بها امامها قائلًا:

إتفضلي.

تبسمت بتوتر تشعر أن الحديث الآن مجازفه، وقالت بهدوء:

شكرًا

تبسم لها.

لفت نظرها نظره للهاتف الخاص بها، ظنت انه تضايق من صمتها، جلت صوتها وقالت بهدوء:

أنا آسفه إن كنت معطلاك، بصراحه انت عارف إنى أتصلت عليك النهارده، عشان الفون بتاعى وقع منى فى الميه وهو نفس الفون اللى كنت أخدته صلحته قبل كده فى مركز الصيانه اللي سبق وصلحت لى الفون فيه ، أنا لو اعرف مكان مركز الصيانه مكنتش طلبتك، واضح إنى عطلتك.

تآسف منها قائلًا:

أبدًا مش معطلاني،بالعكس.

تبسمت له وهى تُخرج هاتفها من حقيبة يدها،ومدت يدها نحوه قائله:

الفون أهو.

مد يدهُ هو الآخر يآخذ منها الهاتف تلامست أناملهم معًا،رفع عينيهم ونظرا الى بعضهما ثوانى كانت تُرسل إشارات الى قلب كل منها

كل منهما لديه شعور خفي لا يعلمه

أهو مجرد إرتياح صداقه،أم مشاعر أخري عابرة غير مفهومه،لكن قطع تلك النظرات والإشارات رنين هاتف

طاهر،إنتبهت يارا وسحبت يدها وتركت الهاتف لـ طاهر الذى نظر لشاشة الهاتف،وقرأ إسم المُتصل،لقطت يارا شاشه الهاتف دون قصد منها،علمت ان والداته هى من تُهاتفهُ،بينما طاهر شعر برجفه فى قلبه ان تُخبرهُ والدته بخبر سيئ،اليوم مُحاكمة سهيله كان سيذهب للمحكمه،لكن أرجأ ذلك بسبب مُهاتفة يارا له وطلبها منه اللقاء من أجل تصليح هاتفها،وافق بسبب إشتياقهُ للقائها منذ عدة أشهر بعد نهاية أمتحانات الجامعه لم يلتقى بها فقط يُتبعان بعض عبر وسائل التواصل الأجتماعي عبر الهواتف،مجرد تعليقات كل منهم للآخر على بعض المنشورات التى يضعها على حسابه الخاص،كآنها كانت مُتنفس لهما لمجرد المُتابعه فقط،كذالك هى كانت نفس الشئ،لكن إتخذت خطوة،وأسقطت هاتفها عنوه بالماء كى تستطيع اللقاء به.

تنحنحت بإرتباك وقالت له:

مش هترد على اللى بيتصل عليك.

نظر لها ثم جذب هاتفه وقام بالرد يشعر برهبه أن يسمع خبر عن سهيله يجعله يحزن،لكن مجرد أن قام بالرد سمع والداته تتحدث بصوت يبدوا سعيد،إنشرح قلبه قليلًا،لكن سُرعان ما سأم وجهه ،للحظات وهو يسمع باقى قولها :

سهيله القاضي حكم عليها بتلات سنين سجن مع إيقاف التنفيذ،يعنى هتخرج من السجن.

إنبسطت ملامحه،وقال بإنشراح:

بجد يا ماما،بابا قالك كده أخيرًا،يعني سهيله هترجع البيت.

أجابته سحر بفرحه عارمه:

أيوا،باباك قالى المحامي هيحاول يخلص الإجراءات النهارده،وإن شاء الله ترجع للبيت النهارده.

تبسم طاهر قائلًا:

إن شاء الله هرجع المسا والقاه فى البيت، عندي شوية شغل فى مركز الصيانه هخلصهم وأرجع عالمسا مش هتأخر، سهيله وحشتني أوي.

أغلق طاهر الهاتف ونظر الى وجه يارا التى لا تعلم سبب لشعورها بغصه فى قلبها، بعد ان سمعت إسم سهيله، ماذا تعني له ليفرح كل هذه الفرحه الظاهره على وجهه، كذالك بداخلها ترقُب ودت سؤاله لكن هو نظر لها قائلًا:

تعرفي إن وشك حلو عليا أوي... ياريتك كنتِ كلمتني من زمان.

تبسمت له بترقُب وسالت بإستفسار:

مش فاهمه.

تبسم لها قائلًا:

جالي خبر كنت مستنيه من فتره طويله.

شعرت بفضول وسألت:

وياترا بقى خبر حلو ولا...؟.

تبسم لها قائلًا:

خبر حلو جدًا، سهيله دى تبقى أختي وكانت....

توقف للحظه قبل ان يزلف لسانه ويُخبرها انها كانت محبوسه، بالسجن، ثم أكمل:

كانت غايبه من فتره وهترجع للبيت النهارده.

إنشرح قلبها بإرتياخ، إذن "سهيله" هى أختهُ...تبسمت له بموده قائله:

ترجع بالسلامه،واضح إن ليها عندك مكانه كبيره أوي.

تبسم طاهر قائلًا:

فعلًا...سهيله أختى قريبه رغم إنها أكبر مني، بس بحس أوقات إن أنها بتبقى ضعيفه، وهى اللى محتاجه لأخ كبير.

ظلت يارا تسمع له عن مدحهُ، بأخته، شعرت بغصه، رغم أن لديها أخوات أكبر منها لكن لم تشعر بأن لهم وجود طاغي بحياتها لا يتشاركون سوا إسم الأب فقط

دخل لقلبها شعور لاول مره تتمناه أن يكون أحد أخويها مثل طاهر ويتحدث عنها بهذه الطريقه المُقربه...ظل بينهم حديث دون شعور منهم مر وقت طويل تحدثا بمواضيع كثيره،لكن لم تستطيع ان تتحدث عن اخواتها أمامه فماذا تقول له عنهم هم مجرد أخوه بالكِنيه فقط...لكن ولدت تلك الساعات مشاعر ربما مع الوقت تنكشف حقيقتها.

ـــــــــــــــــــــــــــــــــــــــــــــــــــــــ

فى المحكمه

قبل دقائق

نطق القاضي الحُكم

«بعد المدولات والإستجوابات، كذالك أقوال المتهمه وإستنادًا الى الأدله الخاصه بالجنايه، قررنا لجنة المحكمه، الحُكم على المتهمه

" سهيله أيمن الدسوقى "